အမေရိကန်သည်မြန်မာနိုင်ငံကို အသေးစားလုပ်ငန်းချေးငွေနှင့် စိုက်ပျိုးရေးလုပ်ငန်းချေးငွေများ တိုးမြှင့်ပေးသွားမည်
မြန်မာနိုင်ငံဆိုင်ရာ အမေရိကန် အထူးကိုယ်စားလှယ် မစ္စတာဒဲရစ်မစ်ချယ်က အမေရိကန်သည် မြန်မာနိုင်ငံကို အသေးစားလုပ်ငန်းချေးငွေနှင့် စိုက်ပျိုးရေးလုပ်ငန်းချေးငွေများ တိုးမြှင့်ပေးသွားမည်ဖြစ်ကြောင်း နိုဝင်ဘာလ ၄ ရက်နေ့က မီဒီယာ များနှင့်တွေ့ ဆုံစဉ် ပြောကြား ခဲ့သည်။ မြန်မာနိုင်ငံ သို့ တတိယ အကြိမ် လာရောက် လည်ပတ်ခဲ့သော ဒဲရစ်မစ်ချယ်က မြန်မာနိုင်ငံ၌ အကျိုးရှိသည့် အပြောင်းအလဲများ ဖြစ်ပေါ်နေချိန်တွင် ခရီးစဉ် လာရောက် ခဲ့ခြင်းဖြစ်ကြောင်း၊ ယခုခရီးစဉ်သည် ထိရောက်ပြီး အကျိုးရှိသည့် ခရီးစဉ်ဖြစ်ကြောင်း၊ အမေရိကန်အနေဖြင့် ပိုမိုအရေးပါပြီး တက်ကြွသော အခန်းကဏ္ဍမှ ပါဝင်ဆောင်ရွက် သွားမည်ဖြစ်ကြောင်း ပြောကြားခဲ့သည်။ ထိတွေ့ ဆက်ဆံရေးမူဝါဒ၏ အရေးကြီးသော အစိတ်အပိုင်းတစ်ရပ်အနေဖြင့် အမေရိကန်က မြန်မာနိုင်ငံကို US Aid မှတစ်ဆင့် အသေးစားငွေချေးလုပ်ငန်းနှင့် စိုက်ပျိုးရေးချေးငွေများတိုးမြှင့်ပေးသွား မည်ဖြစ်ကြောင်း၊ အမေရိကန်သည် US Aid မှတစ်ဆင့် ချေးငွေများပေးသည့် အစီအစဉ် ရှိခဲ့ကြောင်း ဒေါ်အောင်ဆန်းစုကြည်နှင့် ဆွေးနွေး တိုင်ပင် ပြီးနောက် အမေရိကန်၏ ကြိုးပမ်းမှုများကို အရှိန်မြှင့်တင်ရန် အတွက် မြန်မာနိုင်ငံ တိုင်းရင်းသား လူမျိုးစုဒေသများနှင့် အခြားဒေသများ တွင် ဒေသခံများ ဖွံ့ဖြိုးရေးအတွက် ချေးငွေများ တိုးချဲ့ပေးသွားရန် နှစ်နိုင်ငံလုံးက နည်းလမ်း ရှာဖွေနေကြောင်း မစ္စတာ ဒဲရစ်မစ်ချယ်က ပြောကြားခဲ့သည်။
မြန်မာနိုင်ငံသို့ ပထမဆုံးအကြိမ် လာရောက်လည်ပတ်ခဲ့သော ဒီမိုကရေစီလူ့အခွင့်အရေးနှင့် အလုပ်သမားရေးရာ လက်ထောက်နိုင်ငံခြားရေးဝန်ကြီး မိုက်ကယ်ပိုစနာက ပြီးခဲ့သည့်လက အကျဉ်းသားများလွှတ်ပေးမှုကို ကြိုဆိုကြောင်း၊ သို့သော်လည်း ကာလကြာရှည်စွာ ထိန်းသိမ်းထားသော နိုင်ငံရေးအကျဉ်းသားများအပါအ၀င် ကျန်ရှိသည့် နိုင်ငံရေးအကျဉ်းသားအားလုံးကို ခြွင်းချက်မရှိ လွှတ်ပေးစေလိုကြောင်း ပြောကြားခဲ့သည်။
မစ္စတာပိုစနာက ယခုခရီးစဉ်တွင် အစိုးရအဆင့်မြင့်တာဝန်ရှိသူများ၊ အရပ်ဘက် လူ့အဖွဲ့အစည်းများမှ ကိုယ်စားလှယ်အဖွဲ့ဝင်များ၊ အတိုက်အခံ နိုင်ငံရေးခေါင်းဆောင်များနှင့် တွေ့ဆုံခဲ့ကြောင်း၊ မြန်မာနိုင်ငံသည် လူ့အခွင့်အရေးပြဿနာများကြောင့် စီးပွားရေးနှင့် နိုင်ငံရေး အထီးကျန်နေသည်မှာ ဆယ်စုနှစ်ချီကြာနေပြီဖြစ်ကြောင်း၊ မြန်မာနိုင်ငံအနေဖြင့် ထင်ရှားသည့် ပြုပြင်ပြောင်းလဲမှုများ မကြာသေးခင်က ဆောင်ရွက်မှုကိုကြိုဆိုကြောင်း၊ လွှတ်တော်တွင် မကြာသေးခင်က အလုပ်သမားရေးရာဥပဒေကို ပြဌာန်းနိုင်ခဲ့ပြီးနောက် အလုပ်သမဂ္ဂများဖွဲ့စည်းရေးနှင့် ထိုအဖွဲ့အစည်းများ လွတ်လပ်စွာလည်ပတ်ရေးတို့အတွက် ဆောင်ရွက်စေလိုကြောင်း၊ နိုင်ငံရေးပါတီများ မှတ်ပုံတင်ရေးဥပဒေကို ပြင်ဆင်ပြဌာန်းရန် လွှတ်တော်တွင် ဆွေးနွေးနေမှုသည် ဥပဒေရေးရာတွင် တိုးတက်မှုတစ်ခုအဖြစ် ကြိုဆိုကြောင်း၊ သို့သော်လည်း မြန်မာနိုင်ငံအနေဖြင့် ပြုပြင်ပြောင်းလဲမှုများ ထပ်မံဆောင်ရွက်ရန် လိုအပ်နေသေးကြောင်း၊ နိုင်ငံရေးပါတီများ မှတ်ပုံတင်ဥပဒေကို အပြီးသတ်လက်မှတ်ရေးထိုးမှု၊ မြန်မာနိုင်ငံ၏ နိုင်ငံရေးဖြစ်စဉ်တွင် အန်အယ်လ်ဒီ ပါဝင်နိုင်ရန် ဆောင်ရွက်စေလိုကြောင်း ပြောကြားခဲ့သည်။
တိုင်းရင်းသား လူမျိုးစုဒေသများ၌ ပဋိပက္ခများ ဖြစ်ပွားနေမှုကိုလည်း ဆောင်ရွက်စေလိုကြောင်း၊
အစိုးရမဟုတ်သော အဖွဲ့အစည်းများနှင့် လွတ်လပ်စွာတွေ့ဆုံနိုင်ရန်၊ နိုင်ငံရေးပါတီများ၊ အလုပ်သမားသမဂ္ဂများနှင့် အခြားအရပ်ဘက်အဖွဲ့အစည်းများ လွတ်လပ်စွာဆောင်ရွက်နိုင်ရန် လိုကြောင်း၊ ထိုကဲ့သို့ ပြုပြင်ပြောင်းလဲမှုများ ဆောင်ရွက်ရန်အတွက် လွတ်လပ်စွာဖော်ထုတ်ရေးသားခွင့်၊ အစိုးရအဖွဲ့အတွင်း သိသာမြင်သာမှုရှိမှုနှင့် ဥပဒေဖြင့် အုပ်စိုးမှုတို့ကို လေးစားရန် လိုအပ်ကြောင်း၊ ထိုကိစ္စများကို ညတွင်းချင်း ပြုပြင်ပြောင်းလဲနိုင်မည်ဟု မျှော်လင့်မထားကြောင်း၊ ကျယ်ပြန့်ပြီး အဓိပ္ပာယ်ပြည့်ဝသည့် အသွင်ကူးပြောင်းရေးကို ဆက်လက်ဆောင်ရွက်သွားမည်ဟု မျှော်လင့်ကြောင်း၊ အမေရိကန်က အရေးပါသော အခန်းကဏ္ဍမှပါဝင်နိုင်ရန် မျှော်လင့်ကြောင်း မစ္စတာပိုစနာက ပြောကြားခဲ့သည်။
Eleven Media Group
မှကူးယူတင်ပြသည်
Posted by MAUNG NE WIN
