ဒီနေ့ ဖတ်စရာ သတင်းများ ( မေလ 12ရက် )

ဘုန်းတော်ကြီးသင်ကျောင်း အတွက် ဒေါ်အောင်ဆန်းစုကြည် မတည်ငွေလှူ
2011-05-11 RFA

မန္တလေးတိုင်း ကျောက်ပန်းတောင်း မြို့နယ် အတွင်းက ကူညီသူ ကင်းမဲ့နေတဲ့ ဘုန်းတော်ကြီးသင် ပညာရေး ကျောင်း တကျောင်း အတွက် မတည် ရံပုံငွေ အဖြစ် အလှူငွေ ကျပ်(၁၀) သိန်းကို မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မနေ့က ပေးအပ် လှူဒါန်းလိုက်တယ်လို့ ကျောက်ပန်းတောင်း မြို့နယ် NLD စည်းရုံးရေး အဖွဲ့ဝင် ဦးအေးခိုင်က ပြောပါတယ်။

ဗုဒ္ဓဘာသာ ဘုန်းတော်ကြီးများသည် သာသနာရေးကိစ္စများ ဆောင်ရွက်တော်မူရုံ သာမက ပရဟိတ စာသင်ကျောင်းများကိုလည်း ဖွင့်လှစ်သင်ကြားပေးလေ့ ရှိပါသည်။
အဲဒိ ဘုန်းတော်ကြီး ပညာသင်ကျောင်းဟာ ကျောက်ပန်းတောင်းမြို့ပေါ်ကနေ မိုင် (၂၀) လောက်ဝေးတဲ့ ကျွဲကန်-အင်တော ကျေးရွာမှာ တည်ရှိပြီး အလယ်တန်း အထိ ကျောင်းသား (၂၅၀) လောက်ကို နှစ်စဉ် ပညာ သင်ကြား ပေးနေတယ်လို့ သိရပါတယ်။ ပျက်စီး ယိုယွင်းနေတဲ့ ကျောင်းဆောင် ဆောက်လုပ်ဖို့ ရံပုံငွေ လိုအပ်ချက်ကို အစိုးရ အာဏာပိုင်တွေထံ လွန်ခဲ့တဲ့ ငါးနှစ်လောက်က စလို့ အကြိမ်ကြိမ် အကူအညီ တောင်းခံခဲ့ပေမယ့် မရရှိခဲ့ဘူးလို့ သိရပါတယ်။ အခု ဒေါ်အောင်ဆန်းစုကြည်ရဲ့ မတည်ပေးမှုကြောင့် ကျောင်းဆောင်သစ် ပြန်လည် ဆောက်လုပ်ဖို့ မျှော်လင့် နိုင်ပြီဖြစ်ပြီး၊ စာသင်ကြားမှုတွေ ရပ်ဆိုင်းရမယ့် အခြေအနေက ကင်းဝေးသွားပြီလို့ ဒေသခံတွေက ပြောပါတယ်။


ကုလ အထူးကိုယ်စားလှယ် မြန်မာနိုင်ငံ ၃ ရက်ကြာ ခရီးစဉ် ရောက်ရှိ

By ဦးအောင်လွင်ဦး ဗုဒ္ဓဟူး, 11 မေ 2011

မြန်မာအစိုးရသစ် တာဝန်ရှိသူတွေ အပါအ၀င်၊ နိုင်ငံရေး ပါတီတွေနဲ့ပါ တွေ့ဆုံ ဆွေးနွေးမှုတွေ လုပ်ဆောင်သွားဖို့ ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် မစ္စတာ ဗီဂျေး နမ်ဘီးယား (Vijay Nambiar) ဟာ အစိုးရရုံးစိုက်ရာ နေပြည်တော်မှာ ဒီကနေ့ ရောက်နေပါတယ်။ မြန်မာ့နိုင်ငံရေး အပြောင်းအလဲတွေ ဖြစ်ပေါ်ဖို့ တိုက်တွန်းနေတဲ့ ကုလသမဂ္ဂရဲ့ အထူးကိုယ်စားလှယ်အဖြစ် သွားရောက်နေတဲ့ ဒီခရီးစဉ် အပေါ်မှာတော့ နိုင်ငံတကာ အသိုင်းအ၀န်းရဲ့ တုံ့ပြန်မှုတွေက ဘယ်လိုရှိနေပါသလဲ။ ဒီအကြောင်း အပြည့်အစုံကို ကိုအောင်လွင်ဦးက တင်ပြပေးထားပါတယ်။

ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် ဗီဂျေး နမ်ဘီးယား ၃ ရက်ကြာ ခရီးစဉ်အဖြစ် မြန်မာနိုင်ငံကို ရောက်လာပြီး အစိုးရ ရုံးစိုက်ရာ နေပြည်တော်ကို ရောက်နေတာ ဖြစ်ပါတယ်။ အခု ခရီးစဉ်အတွင်း နေပြည်တော်နဲ့ ရန်ကုန်မြို့တွေကို သွားရောက်ပြီး အစိုးရ တာဝန်ရှိသူတွေသာမက တိုင်းပြည်တွင်းက တခြား သက်ဆိုင်ရာ ပုဂ္ဂိုလ်တွေနဲ့ပါ တွေ့ဆုံဖို့ ရှိတဲ့အကြောင်း အင်္ဂါနေ့တုန်းက ကုလသမဂ္ဂ ရုံးချုပ်ရှိရာ နယူးယောက်မြို့က သတင်းစာ ရှင်းလင်းပွဲအတွင်း အတွင်းရေးမှူးချုပ်ရဲ့ ပြောခွင့်ရသူက ပြောဆိုထားတာမို့ နေပြည်တော်မှာ အစိုးရသစ်ရဲ့ တာဝန်ရှိသူတွေနဲ့ တွေ့ဆုံဖြစ်မယ်လို့လည်း မျှော်လင့်ထားကြတာပါ။

မြန်မာအစိုးရရဲ့ ဖိတ်ကြားချက်နဲ့ သွားရောက်တဲ့ ခရီးစဉ် ဖြစ်တဲ့အကြောင်းကိုတော့ အတွင်းရေးမှူးချုပ် ဘန်ကီမွန်း (Ban Ki-moon) ရဲ့ လက်ထောက် ပြောခွင့်ရသူ ဖာဟန် ဟပ်ခ် (Farhan Haq) က သတင်းစာ ရှင်းလင်းပွဲအတွင်း ပြောဆိုခဲ့တာ ဖြစ်ပါတယ်။

“အတွင်းရေးမှူးချုပ်ရုံးက အပ်နှင်းထားတဲ့ တာဝန်တွေကို အကောင်အထည် ဖော်ရာမှာ အထူးအကြံပေးပုဂ္ဂိုလ် အနေနဲ့ အသစ်ဖွဲ့စည်းလိုက်တဲ့ မြန်မာအစိုးရ၊ လူမှုအဖွဲ့အစည်းတွေနဲ့ သာမက တခြား သက်ဆိုင်ရာ ပုဂ္ဂိုလ်တွေနဲ့လည်း နေပြည်တော်နဲ့ ရန်ကုန်မြို့တွေမှာ တွေ့ဆုံသွားမှာပါ။”

မြန်မာနိုင်ငံမှာ အစိုးရသစ် ဖွဲ့စည်းပြီးတဲ့နောက် ပထမဆုံးအကြိမ် ကုလသမဂ္ဂရဲ့ အဆင့်မြင့် ပုဂ္ဂိုလ်တဦး အဖြစ်နဲ့ ရောက်ရှိလာတာ ဖြစ်ပါတယ်။ မြန်မာအစိုးရက နိုင်ငံရေး အပြောင်းအလဲတွေကို ဦးတည်တဲ့ လုပ်ငန်းစဉ်အဖြစ် ပြီးခဲ့တဲ့နှစ် နိုဝင်ဘာလမှာပဲ ရွေးကောက်ပွဲတွေ ကျင်းပပြီး ဒီနှစ်ဆန်းပိုင်းမှာ အစိုးရသစ်တရပ်ကို ဖွဲ့စည်းလိုက်တာပါ။ ဒါပေမဲ့လည်း စစ်တပ်က ကျောထောက်နောက်ခံ ပေးထားတဲ့ နိုင်ငံရေး ပါတီကသာ အများစု အနိုင်ရခဲ့တဲ့ ရွေးကောက်ပွဲတွေဟာ လွတ်လပ်မျှတတဲ့ အခြေအနေမှာ မရှိဘူးဆိုပြီး ဝေဖန်မှုတွေလည်း ရှိခဲ့တာ ဖြစ်ပါတယ်။

ရွေးကောက်ပွဲ ကျင်းပမယ့် အခြေအနေတွေအပေါ် ကန့်ကွက်တဲ့ အနေနဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည် ဦးဆောင်တဲ့ အမျိုးသား ဒီမိုကရေစီ အဖွဲ့ချုပ် (NLD) ပါတီကလည်း ပါဝင်ယှဉ်ပြိုင်တာတွေ မလုပ်ဖို့ ဆုံးဖြတ်ခဲ့တာပါ။

ရွေးကောက်ပွဲနောက်ပိုင်း အစိုးရသစ်တရပ် ပေါ်ပေါက်လာပေမဲ့ ဒီလို မပြေလည်နိုင်သေးတဲ့ နိုင်ငံရေး ကိစ္စတွေကို ဖြေရှင်းသွားနိုင်ဖို့ ကုလသမဂ္ဂက ကြိုးပမ်းနေရာမှာ အခု အထူးကိုယ်စားလှယ် ခရီးစဉ်အတွင်း ဒေါ်အောင်ဆန်းစုကြည်၊ NLD ပါတီ တာဝန်ရှိသူတွေနဲ့ပါ တွေ့ဆုံသွားမှာ ဖြစ်တယ်လို့ အတွင်းရေးမှူးချုပ်ရဲ့ ပြောခွင့်ရသူ ဖာဟန် ဟပ်ခ်က ပြောပါတယ်။

“သက်ဆိုင်သူပုဂ္ဂိုလ် အများအပြား ပါဝင်ကြမှာပါ။ သူ့အနေနဲ့ ဒေါ်အောင်ဆန်းစုကြည်နဲ့ရော အမျိုးသား ဒီမိုကရေစီ အဖွဲ့ချုပ်နဲ့ပါ တွေ့ဆုံဖို့ မျှော်လင့်ထားတယ်ဆိုတာ ကျနော် သိထားပါတယ်။”

နိုင်ငံရေး၊ လူ့အခွင့်အရေး အခြေအနေတွေ တိုးတက်မှု မရှိဘူးဆိုပြီး အရေးယူ ဒဏ်ခတ်မှုတွေ ချမှတ်ထားတဲ့ အမေရိကန် ပြည်ထောင်စုကတော့ အထူးကိုယ်စားလှယ်ရဲ့ ဒုတိယအကြိမ် မြန်မာနိုင်ငံ ခရီးစဉ်အပေါ် သတိနဲ့ ကြိုဆိုခဲ့တာပါ။ မြန်မာအစိုးရဘက်က ဒီမိုကရေစီရေး ဦးတည်တဲ့ လုပ်ရပ်တွေ မမြင်ရသေးတဲ့အတွက် သံသယတွေ ရှိနေဆဲ ဖြစ်ပေမဲ့လည်း ထိတွေ့ဆက်ဆံမှုတွေ၊ ပြုပြင်ပြောင်းလဲရေးတွေ တိုးမြှင့်သွားမယ့် အတွင်းရေးမှူးချုပ်ရဲ့ အထူးအကြံပေးပုဂ္ဂိုလ် ဗီဂျေး နမ်ဘီးယားရဲ့ ခရီးစဉ်ကို ကြိုဆိုပါတယ်လို့ အမေရိကန် နိုင်ငံခြားရေးဌာန ပြောခွင့်ရသူ မာ့ခ် တုန်နာ (Mark Toner) က ပြောဆိုခဲ့တာ ဖြစ်ပါတယ်။

အမေရိကန်အစိုးရ အနေနဲ့လည်း အရေးယူ ဒဏ်ခတ်မှုတွေနဲ့ ထိတွေ့ဆက်ဆံမှုတွေလို ၂ လမ်းသွား ချဉ်းကပ်တဲ့ မူဝါဒတွေကို ဆက်လက် ကျင့်သုံးသွားမှာ ဖြစ်တယ်လို့လည်း ပြောခွင့်ရသူက အင်္ဂါနေ့ သတင်းစာ ရှင်းလင်းပွဲအတွင်း ပြောဆိုခဲ့တာ ဖြစ်ပါတယ်။


လစ်ဗျားမှာ အပစ်အခတ် ရပ်စဲကြဖို့ ဘန်ကီမွန်း ပန်ကြား

By ဗွီအိုအေ (မြန်မာဌာန) ဗုဒ္ဓဟူး, 11 မေ 2011

ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) က လစ်ဗျားအစိုးရရဲ့ တိုက်ခိုက်နေတာတွေကို ရပ်တန်းကရပ်ပြီး အကူအညီ လိုအပ်နေတဲ့ အရပ်သားတွေကို ကယ်ဆယ်ရေး အကူအညီတွေ ပေးခွင့်ပြုပါရန် ဒီနေ့ တိုက်တွန်းလိုက်ပါတယ်။ တချိန်တည်းမှာပဲ မီစ်ရာတာ (Misrata) ဆိပ်ကမ်းမြို့ကို ပြန်လည် ထိန်းချုပ်နိုင်ပြီလို့ လစ်ဗျား အတိုက်အခံတွေက ပြောဆိုလိုက်ပါတယ်။

ကုလသမဂ္ဂ အတွင်းရေးမှူးချုပ်က လစ်ဗျားမှာ ချက်ချင်း အပစ်အခတ် ရပ်စဲရေး တောင်းဆိုလိုက်ပြီး မစ္စတာ ဘန်ကီမွန်းက လစ်ဗျားဝန်ကြီးချုပ် အယ်လ်-ဘက်ဂ်ဒါဒီ အလီ အယ်လ်-မာမူဒီ (al-Baghdadi Ali al-Mahmoudi) ကို တယ်လီဖုန်းဆက်ပြီး မေတ္တာရပ်ခံလိုက်တာလို့ ဂျီနီဗာမြို့မှာ ကျင်းပတဲ့ ဒီကနေ့ သတင်းစာ ရှင်းလင်းပွဲမှာ ပြောဆိုလိုက်တာပါ။

လစ်ဗျား အတိုက်အခံတွေက ဂဒါဖီ တပ်ဖွဲ့တွေကို မီစ်ရာတာမြို့ကနေ ၁၀ မိုင် အကွာအဝေးအထိ မောင်းထုတ်နိုင်ခဲ့တယ်လို့ ပြောဆိုလိုက်ပါတယ်။ မီစ်ရာတာ လေဆိပ်မှာ ခြေကုတ်ယူထားတဲ့ ဂဒါဖီ တပ်ဖွဲ့တွေကို ၂ ရက်ကြာ သဲသဲမဲမဲ တိုက်ခဲ့ကြရတယ်လို့ လစ်ဗျား အတိုက်အခံ တပ်ဖွဲ့က ဗိုလ်မှူးကြီး အာမက် ဘာနီ (Ahmed Bani) က ပြောပါတယ်။

မြေထဲပင်လယ်တွင်း ကူးလူး သွားလာနေကြတဲ့ ဥရောပ နိုင်ငံတွေက သင်္ဘောမာလိန်မှူးတွေ အနေနဲ့ လစ်ဗျား စစ်ပြေးဒုက္ခသည်တွေကို ပင်လယ်ထဲမှာ တွေ့ခဲ့ရင် ကူညီ ကယ်ဆယ်ကြပါရန် UNHCR ဒုက္ခသည်များဆိုင်ရာ ကုလသမဂ္ဂ မဟာမင်းကြီးရုံးက အင်္ဂါနေ့က ပန်ကြားလိုက်ပါတယ်။ လစ်ဗျားကနေ မြေထဲပင်လယ်တွင်း ထွက်ခွာလာတဲ့ ဘယ်လို လှေသင်္ဘောမျိုးမဆို အကူအညီ လိုအပ်နေတာပဲလို့ သဘောထားပေးကြပါရန် UNHCR ပြောခွင့်ရပုဂ္ဂိုလ် မယ်လစ်ဆာ ဖလီးမင်း (Melissa Fleming) က မနေ့က မေတ္တာရပ်ခံလိုက်ပါတယ်။

ဥရောပနိုင်ငံ အစိုးရတွေနဲ့ သင်္ဘောမာလိန်မှူးတွေ အနေနဲ့ ပင်လယ်ထဲမှာ ဒုက္ခသည်တွေနဲ့ လှေကိုတွေ့ရင် အကူအညီ တောင်းမှာကို စောင့်မနေကြဘဲ ချက်ချင်း ကယ်ဆယ်ပေးကြပါရန် တိုက်တွန်းလိုက်တာ ဖြစ်ပါတယ်။ သောကြာနေ့က ဒုက္ခသည် ၆၀၀ ကျော်ပါတဲ့ သင်္ဘောငယ်တစီး လစ်ဗျားကအထွက် မကြာခင်မှာ နစ်မြုပ်ခဲ့ရာမှာ လူသေ ၁၈ လောင်းသာ ပြန်တွေ့ခဲ့ရပြီးနောက် အခုလို တိုက်တွန်းလိုက်ပါ။



ဆန္ဒပြ မြန်မာအလုပ်သမားများ တောင်းဆိုချက်အားလုံး ဂျော်ဒန်အလုပ်ရှင် လိုက်လျော
2011-05-11 RFA

လစာငွေ တိုးမြင့်ရေးအတွက် ပြီးခဲ့တဲ့ ဧပြီလ ၂၄ ရက်နေ့ကတည်းက အလုပ်မဆင်းပဲ ဆန္ဒပြနေကြတဲ့ ဂျော်ဒန်နိုင်ငံ ဟာဆန်းမြို့ အိုအေစစ် အထည်ချုပ်စက်ရုံက မြန်မာအလုပ်သမားတွေရဲ့ တောင်းဆိုချက် အားလုံးကို အလုပ်ရှင်က လိုက်လျောပေးလိုက်ပြီလို့ အခုနောက်ဆုံး သတင်းရရှိပါတယ်။

အလုပ်သမားတွေအနေနဲ့ ခံဝန်ကတိ လက်မှတ်ထိုးစရာ မလိုပဲ အလုပ်ပြန်ဆင်းခွင့် ရပြီဖြစ်ကြောင်း ဆန္ဒပြအလုပ်သမားတဦးဖြစ်တဲ့ ကိုနဂါးလေးက ပြောပါတယ်။

“ပထမ ပြောတဲ့အချက်တွေကို သူအားလုံး လိုက်လျောပေးတယ်ခင်ဗျ။ ရက်မှန်ကြေး ၁၀ နေရာမှာ ၁၈ ကျပ် ရလိုက်ပါတယ်ခင်ဗျာ။ ဘောနပ်စ်ကြေးမှာ အရင်တုန်းက ၂၄ ကျပ်ဆိုတာ အများဆုံးပဲခင်ဗျ။ အခု ၃၂ ကျပ် အထိ တိုးရပါတယ်။ ထမင်းဖိုး ၁၅ ကျပ်ကို လုံးဝ မဖြတ်တော့ပါဘူး။ ပြီးခဲ့တဲ့လက ဆန္ဒပြလို့ ဖြတ်ထားတဲ့ ၃၅ ကျပ်ကို ဒီလ လခထုတ်လို့ရှိရင် ပြန်ထည့်ပေးပါမယ်၊ လက်မှတ်ထိုးခိုင်းတဲ့ ကိစ္စတွေကိုလည်း လုံးဝ မထိုးခိုင်းတော့ပါဘူးခင်ဗျ။ အားလုံး အေးအေးဆေးဆေးပါပဲ ခင်ဗျ။ ငြိမ်းငြိမ်းချမ်းချမ်းနဲ့ပဲ ပြီးသွားပါတယ်။”

အလုပ်သမားတွေက လုပ်ခလစာ တိုးမြှင့်ပေးဖို့ ၊ စားစရိတ် မဖြတ်ဖို့နဲ့ ကျန်းမာရေး စောင့်ရှောက်မှု ပေးဖို့ ဆန္ဒပြ တောင်းဆိုခဲ့ကြတာ ဖြစ်ပါတယ်။ ပြီးခဲ့တဲ့ရက်တွေမှာ အလုပ်ရှင်က အလုပ်သမား တွေရဲ့ တောင်းဆိုချက်တွေထဲက တချို့ကို လိုက်လျောပေးခဲ့ပြီး အဲဒီလိုက်လျောချက်တွေကို သဘောတူညီကြောင်း ခံဝန်ကတိ လက်မှတ်ရေးထိုးခိုင်းကာ အလုပ်ပြန်ဆင်းဖို့ ပြောဆိုခဲ့ပါတယ်။

အလုပ်သမားတွေအားလုံးက လက်မှတ်ထိုးဖို့ ငြင်းဆိုခဲ့ပြီး ဆက်လက် ဆန္ဒပြခဲ့ကြရာက နောက်ဆုံး မနေ့ ညနေမှာ အလုပ်သမားတွေရဲ့ တောင်းဆိုချက် အားလုံးကို အလုပ်ရှင်က လိုက်လျောလိုက်ပြီ ဖြစ်ကြောင်း အကြောင်းကြားခဲ့တယ်လို့ ဆိုပါတယ်။
ဂျော်ဒန်နိုင်ငံမှာ နိုင်ငံခြားသားတွေ ရသင့်တဲ့ အခြေခံလစာအဖြစ် ဂျော်ဒန်ငွေ JD ၁၁ဝ သတ်မှတ်ထားပြီး ဂျော်ဒန် နိုင်ငံသားတွေအတွက် အခြေခံလစာကတော့ JD ၁၅ဝ ဖြစ်တယ်လို့ သိရပါတယ်။ နိုင်ငံခြားသားတွေ အလုပ်လုပ်နေတဲ့ တခြား အထည်ချုပ် စက်ရုံတွေမှာတော့ စားစရိတ်လည်း မဖြတ်တဲ့အပြင် ကျန်းမာရေး စောင့်ရှောင့်မှုတွေလည်း ပေးပြီး လစာငွေလည်း ပိုပေးကြောင်း သိရပါတယ်။
အခု ဆန္ဒပြနေကြတဲ့ စက်ရုံမှာ မြန်မာအလုပ်သမား ၂၃၅ ဦး ရှိပါတယ်။ တရုတ်၊ ဗီယက်နမ်၊ အိန္ဒိယ၊ သီရိလင်္ကာ၊ ဘင်္ဂလားဒေ့ရှ် စတဲ့ နိုင်ငံသားတွေလည်း လုပ်ကိုင်နေကြတယ်လို့ သိရပါတယ်။
အစိုးရကို မထိခိုက်လျှင် လွတ်လပ်စွာ ရေးနိုင်
သင်းအောင် Wednesday, 11 May 2011 17:57

နိုင်ငံတော်နှင့် အစိုးရကို မထိခိုက်လျှင် လွတ်လပ်စွာ ရေးသားနိုင်ပြီး သတင်းစိစစ်ရေးက အဆုံးအဖြတ် ပေးလိမ့်မည်ဖြစ်ကြောင်း ရန်ကုန်တိုင်းဒေသကြီး အစိုးရက ပြောဆိုလိုက်သည်။



ယမန်နေ့ညနေက ပြည်လမ်းပေါ်ရှိ ပြည်သူ့လွှတ်တော် အဆောက်အအုံတွင် ကျင်းပသော ရန်ကုန်တိုင်းဒေသကြီး အစိုးရအဖွဲ့နှင့် မီဒီယာများ ပထမဆုံးအကြိမ် တွေ့ဆုံပွဲတွင် ပညာရေး၊ ကျန်းမာရေး၊ နိုင်ငံခြားရေးနှင့် လူဝင်မှုကြီးကြပ်ရေးဝန်ကြီး ဦးဉာဏ်ထွန်းဦးက ပြောဆိုခြင်း ဖြစ်သည်။

“လွတ်လပ်စွာ ရေးသားခွင့် ပြောဆိုခွင့်ဆိုတာက နိုင်ငံတော်နဲ့ အစိုးရကို ထိခိုက်စရာမပါရင် ဘာမှ လွတ်လွတ်လပ်လပ် မရေးနိုင်စရာ အကြောင်းမရှိပါဘူး။ နိုင်ငံတော်ရဲ့ လုံခြုံရေး၊ နိုင်ငံသားတွေနဲ့ ပတ်သက်လို့ ထိခိုက်မယ့် အကြောင်းအရာတွေကတော့ လုပ်ခွင့်မရှိသလို သတင်းလည်း ထုတ်ပြန်ခွင့်မရှိပါဘူး။ အဲဒီကိစ္စကိုတော့ သက်ဆိုင်ရာ သတင်းစိစစ်ရေးဘက်က ဆုံးဖြတ်ပါလိမ့်မယ်” ဟု ဦးဉာဏ်ထွန်းဦးက ဆိုသည်။

ယင်းတွေ့ဆုံပွဲသို့ ဦးဉာဏ်ထွန်းဦးနှင့် ရန်ကုန်တိုင်းဒေသကြီး အထွေထွေအုပ်ချုပ်ရေးမှူး ဦးခင်မောင်ထွန်းတို့ နှစ်ဦးသာ လာရောက်ပြီး စာနယ်ဇင်းသမားများ မျှော်လင့်ထားသကဲ့သို့ ရန်ကုန်တိုင်းဒေသကြီး ဝန်ကြီးချုပ် ဦးမြင့်ဆွေ တက်ရောက်ခြင်း မရှိခဲ့ပေ။

“ဝန်ကြီးချုပ် ဦးမြင့်ဆွေ တက်ရောက်မယ်လို့ အားလုံးက မျှော်မှန်းနေကြတာ။ ဝန်ကြီး ဦးဉာဏ်ထွန်းဦး တက်ရောက်လာတော့ ဘယ်သူလဲလို့ အချင်းချင်း လက်တို့ မေးကြရတယ်” ဟု အယ်ဒီတာတဦးက ပြောသည်။

အခမ်းအနားစသည်နှင့် ဦးဉာဏ်ထွန်းဦးက ရန်ကုန်မြို့အတွင်း ရေနုတ်မြောင်းများ ပိတ်ဆို့မှု၊ စည်ကမ်းမဲ့ အမှိုက်စွန့်ပစ်မှု၊ ပလတ်စတစ် အန္တရာယ်၊ စည်းကမ်းမဲ့ ယာဉ်မောင်းနှင်မှု၊ ယခုလပိုင်းများအတွင်း လျှပ်စစ်ဓာတ်အား ပြည့်မီစွာ ရရှိနေမှု၊ ရပ်ကွက်လူထုမှ လိုလားသူကို ရပ်ကွက်အုပ်ချုပ်ရေးမှူးအဖြစ် ခန့်အပ်နိုင်ခြင်းတို့ကို ပြောဆိုသွားကြောင်း သိရသည်။

ထို့နောက် ဦးဉာဏ်ထွန်းဦးက မေးခွန်းများ မေးမြန်းရန် စာနယ်ဇင်းသမားများကို စာရင်းဖြင့် ခေါ်ဆိုသော်လည်း ဦးဉာဏ်ထွန်းဦး၏ လက်ခံစာရင်းပါ စာနယ်ဇင်းသမား တဦးမျှ အဆိုပါ အခမ်းအနားသို့ တက်ရောက်ခြင်း မရှိကြောင်း၊ ထိုအခါမှ ဦးဉာဏ်ထွန်းဦးက တက်ရောက်လာသူများထဲမှ တချို့ကို မေးမြန်းခွင့် ပြုကြောင်း သိရသည်။

လျှပ်တပြက်ဂျာနယ် အယ်ဒီတာချုပ် ဦးမြတ်ခိုင်က သတင်းထောက်များ မေးမြန်းသည့် မေးခွန်းတိုင်းကို ဝန်ကြီး ဦးဉာဏ်ထွန်းအနေဖြင့် ဖြေဆိုမည်လားဟု မေးမြန်းရာ Cross (တန်ပြန်) မေးခွန်း၊ အရောင်ပါသော မေးခွန်းများ မေးပါက အခမ်းအနား ရုပ်သိမ်းမည် ဖြစ်ကြောင်း၊ အစိုးရကို မထိခိုက်လျှင် ရေသားခွင့်ရှိသဖြင့် ဖြေကြားမည်ဖြစ်ကြောင်း ဦးဉာဏ်ထွန်းက ပြောသည်။

လာဘ်ပေးလာဘ်ယူကိစ္စနှင့် ပတ်သက်၍ သတင်းထောက်တဦး၏ မေးမြန်းချက်ကို ဦးဉာဏ်ထွန်းဦးက လာဘ်ပေးလာဘ်ယူကိစ္စများကို ချက်ချင်း အရေးမယူနိုင်သေးကြောင်း၊ အရေးယူမှုများ လုပ်လျှင် လုပ်ငန်းကျွမ်းကျင်သူမရှိဖြစ်မည်စိုး၍ သတိပေးထားကြောင်း၊ သတိပေး၍ မရလျှင် ဝန်ထမ်းအစားထိုးနိုင်ရန် စီမံနေကြောင်း ဖြေကြားသွားသည်။

ပြည်သူလူထုက အစိုးရကို အယုံအကြည်မရှိ ခံစားရသည့်အဖြစ်ကို မနှစ်မြို့ကြောင်း၊ အထက်လူကြီးများက ပို၍ မနှစ်မြို့ကြောင်းလည်း ဦးဉာဏ်ထွန်းဦးက ပြောသည်။

7 Day News ဂျာနယ်မှ အမှုဆောင် အယ်ဒီတာ ကိုအားမာန်က ကမ်းနားလမ်းသစ်ဖောက်လုပ်ရာတွင် ဖျက်သိမ်းခံရသော အိမ်များအတွက် လျော်ကြေး ပေးခြင်း ရှိမရှိ မေးရာ အစိုးရအဖွဲ့က အားလုံးကို နစ်နာကြေးပေးကြောင်း၊ နစ်နာကြေးလိုချင်သဖြင့် တဲလာထိုးသူများကိုမှု မပေးကြောင်း ဦးဉာဏ်ထွန်းဦးက ဖြေကြားသည်။

အပတ်စဉ် အင်္ဂါနေ့တိုင်း မီဒီယာများနှင့် တွေ့ဆုံမည်ဖြစ်ပြီး တခြား ဝန်ကြီးဌာနများသို့ ဆက်သွယ် ဖြေကြားရမည် ဖြစ်သဖြင့် အင်္ဂါနေ့ မတိုင်မီ မေးလိုသည့် မေးခွန်းများ ကြိုတင် ပေးပို့ရန်နှင့် အဆင်မပြေသော ရက်များတွင် တွေ့ဆုံမှုကို ရက်ရွှေ့ဆိုင်းမည် ဖြစ်ကြောင်း အထွေထွေအုပ်ချုပ်ရေးမှူး ဦးခင်မောင်ထွန်းက ပြောကြားသည်။

အစိုးရဌာနအလိုက် ကိုယ်စားပြု ဖြေကြားခြင်း မဟုတ်သဖြင့် ရန်ကုန်တိုင်းဒေသကြီး အစိုးရအဖွဲ့နှင့် စာနယ်ဇင်း တွေ့ဆုံမှုသည် ဖရိုဖရဲနိုင်သည်ဟု တက်ရောက်သည့် သတင်းထောက်တဦးက ပြောသည်။

ညနေ ၅ နာရီ ၁၅ မိနစ်မှ ၆ နာရီခွဲအထိ ကျင်းပသော အဆိုပါ တွေ့ဆုံပွဲသို့ ဂျာနယ် ၁၀ စောင်မှ စာနယ်ဇင်းသမား ၃၀ ကျော် တက်ရောက်ခဲ့သည်။



ကော့ကရိတ်တွင် တိုက်ပွဲထပ်ဖြစ်
ဧရာဝတီ Wednesday, 11 May 2011 19:35


ကော့ကရိတ်မြို့ပြင်ရှိ မြန်မာအစိုးရ စစ်တပ်နှင့် လုံခြုံရေးစခန်း ၈ ခုကို ယနေ့နံနက် ၅ နာရီခွဲက ကရင် လက်နက်ကိုင် ပူးပေါင်းတပ်ဖွဲ့များတို့ ၀င်ရောက်တိုက်ခိုက်ရာ အစိုးတပ် အရာရှိတဦးနှင့် စစ်သားတဦး သေဆုံးကြောင်း သိရသည်။



ကော့ကရိတ်မြို့ခံ တဦးက “ကရင်သူပုန်တွေ ကော့ကရိတ်မြို့ပြင်မှာ ရှိတဲ့ နေရာ ၈ နေရာ လောက်ကို ၀င်ပစ်တာ။ လျှပ်တပြက် တိုက်တာဆိုတော့ ဒီဘက်လူတွေ အထိအခိုက် များတယ်။ သူတို့တွေ
မနက် ၈ နာရီခွဲ လောက်မှာ ပြန်ဆုတ်သွားတယ်” ဟု ပြောသည်။

တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်မဟာ ၅ မှ ဗိုလ်မှူးကြီး ကျော်သက် ဦးစီးသည့် အဖွဲ့နှင့် ကရင်အမျိုးသား လွတ်မြောက်ရေး တပ်မတော် (KNLA) တပ်မဟာ ၆ တပ်ရင်း ၁၈ မှ တပ်ရင်းမှူး ဒုဗိုလ်မှူးကြီး ကလို့ထူး ဦးစီးသော ပူးပေါင်းတပ်ဖွဲ့တို့က ၀င်ရောက် တိုက်ခိုက်ခြင်းဖြစ်ကြောင်း သိရသည်။

ကရင်ပူးပေါင်းအဖွဲ့မှ တပ်မှူးတဦးက ကော့ကရိတ်မြို့ရှိ ခြေလျင်တပ်ရင်း (ခလရ ၂၃၀) တပ်ရင်း ၉၇ အပါအ၀င် မြန်မာအစိုးရ တပ်စခန်းနှင့် လုံခြုံရေးဂိတ် ၈ ခုထက် မနည်းကို ယနေ့နံနက်က ၀င်ရောက် တိုက်ခိုက်ခဲ့သည်ဟု အတည်ပြုပြောဆိုသည်။

ကရင်ပူးပေါင်းတပ်ဖွဲ့ဘက်မှ တပ်ဖွဲ့ဝင်တချို့ ထိခိုက်ဒဏ်ရာ ရရှိမှုများ ရှိသည်ဟု သိရသော်လည်း ကရင် ပူးပေါင်းတပ်ဖွဲ့မှ ယင်းကိစ္စကို တရားဝင်ပြောကြားခြင်းမရှိပေ။

အဆိုပါ တိုက်ပွဲကြောင့် ကော့ကရိတ်မှ မြ၀တီသို့ ထွက်ခွာမည့် မော်တော်ယာဉ်တန်းများ နာရီအတော်ကြာ ရပ်နားခဲ့ရသည်ဟု ကုန်သည်များက ပြောသည်။

“ဒီနေ့က ယာဉ်တန်း အတက်ရက်။ ကျမတို့ ကားက ကော့ကရိတ်ကနေ မနက် ၆ နာရီ ဆိုရင် မြ၀တီကို တက်လို့ရပြီ။ ဒီနေ့မနက်မှာ ကော့ကရိတ်မြို့ ပတ်လည်မှာ တိုက်ပွဲတွေ ဖြစ်နေတော့ မနက် ၉ နာရီကျော်မှ ကားထွက်ရတယ်။ ကရင်သူပုန်တွေကလည်း ခဏခဏတော့ လာတိုက်နေတာပဲ။ ဒီနေ့အထိတော့ ဘာမှ ဟုတ်တိပတိမရှိသေးဘူး။ ကြားထဲမှာ လုပ်စားကိုင်စားရတဲ့ လူတွေပဲ ဒုက္ခ ရောက်တယ်” ဟု ကုန်သည် တဦးက ပြောသည်။


လာဘ်ပေးလာဘ်ယူ မကိုင်တွယ်နိုင်သေးဟု ၆ ဌာနဝန်ကြီး ဝန်ခံ
မျိုးသိဏ်း | ဗုဒ္ဓဟူးနေ့၊ မေလ ၁၁ ရက် ၂၀၁၁ ခုနှစ် ၁၁ နာရီ ၁၀ မိနစ်


(မဇ္ဈိမ) ။ ။ ကျွမ်းကျင်ဝန်ထမ်း အစားထိုးရန် အခက်အခဲရှိ၍ လာဘ်ပေးလာဘ်ယူမှုများကို ချက်ချင်းကိုင်တွယ်ရန် မဖြစ်နိုင်သေးကြောင်း ရန်ကုန်တိုင်းအစိုးရသစ် ဝန်ကြီးဌာန ၆ ခု၏ ဝန်ကြီး ဦးဥာဏ်ထွန်းဦးက အင်္ဂါနေ့က ပြုလုပ်သည့် ပထမဆုံးသော သတင်းစာရှင်းလင်းပွဲတွင် ဝန်ခံပြောကြားသွားသည်။

ရန်ကုန်တိုင်းအစိုးရသစ်၏ ရှင်းလင်းပွဲတွင် အစိုးရသစ်၏ လာဘ်ပေးလာဘ်ယူမှု ပပျောက်ရေး အစီအစဉ်များကို
ပြည်တွင်း ဂျာနယ်လစ်တဦးက မေးမြန်းရာ ဝန်ထမ်းအခက်အခဲကြောင့် ချက်ချင်းဆောင်ရွက်၍ မရကြောင်း ဦးဥာဏ်ထွန်းဦးက ပြန်လည်ဖြေဆိုပြီး အစိုးရသစ်အပေါ် အချိန်ယူစောင့်ကြည့်ပေးရန် ပြောဆိုသွားခဲ့သည်။

“လာဘ်ပေးလာဘ်ယူကိစ္စ ချက်ခြင်းကြီး မထူးနိုင်တဲ့ ကိစ္စဖြစ်ပါတယ်။ ချက်ခြင်းကြီး ထူးအောင် လုပ်လိုက်ရင် အခုတာဝန်ထမ်းဆောင်နေတဲ့ ဝန်ထမ်းတွေမရှိရင် ကျန်တဲ့သူတွေ ဘယ်သူဆက်လုပ်မလဲ။ ဒီလုပ်ငန်းတွေနဲ့ ပတ်သတ်ပြီး ကျွမ်းကျင်သူတွေ မရှိဖြစ်သွားပါမယ်။ ဒါပေမယ့် အဲဒါတွကြောင့် ဒါကို မျှောပြီး ထားမလားဆိုရင် မဟုတ်ပါဘူး။ အခု ကျနော်တို့ ဝမ်နင် (သတိ) တွေ ပေးနေပါပြီ။ ဝမ်နင်ပေးလို့ မရတဲ့သူတွေ သူ့နေရာကို အစားထိုးနိုင်အောင် အစီအမံတွေ လုပ်နေပါတယ်” ဟု ဦးဥာဏ်ထွန်းဦးက ပြောသည်။


ရန်ကုန်တိုင်း ပညာရေး၊ ကျန်းမာရေး၊ သိပ္ပံနှင့်နည်းပညာ၊ အားကစား၊ နိုင်ငံခြားရေးနှင့် လူဝင်မှုကြီးကြပ်ရေး ဝန်ကြီး ဦးဥာဏ်ထွန်းဦးက လောဘကြီးမှုနှင့် သက်သာချောင်ချိမှု မရှိခြင်းတို့ကြောင့် လာဘ်ပေးလာဘ်ယူမှု
ဖြစ်ပွားရခြင်းဖြစ်၍ လောဘတက် မတရားလာဘ်ယူသူများကို အရေးယူပြီး သက်သာချောင်ချိမှု အစီအမံများ ချမှတ်သွားမည် ဖြစ်ကြောင်းပြောဆိုသည်။

“Clean Government (သန့်ရှင်းတဲ့အစိုးရ) ဖြစ်ဖို့ Good Governance (အစိုးရကောင်း) လိုပါတယ်။ Good Governance ဆိုတာ စနစ်တကျ စီမံခန့်ခွဲ အုပ်ချုပ်ခြင်းလို့ ဗမာလို ပြန်ရပါမယ်။ စနစ်တကျ စီမံခန့်ခွဲ အုပ်ချုပ်မှ သာလျှင် လာဘ်ပေးလာဘ်ယူမှု ပပျောက်ပါလိမ့်မယ်”ဟု ဦးဥာဏ်ထွန်းဦးက ပြောသည်။


နိုင်ငံခြားသတင်းအေဂျင်စီများမှ သတင်းထောက်များကို ဖိတ်ကြားခြင်းမပြုဘဲ ပြည်တွင်းသတင်းဌာနများ၏ သတင်းစာဆရာများသာ ဖိတ်ကြားသည့် ရန်ကုန်ပြည်သူ့လွှတ်တော်တွင် ကျင်းပသောရှင်းလင်းပွဲတွင် အစိုးရသစ်အနေဖြင့် လုပ်ငန်းခွင် လုပ်သက် ရက် ၂ဝ ခန့်သာ ရှိသေးကြောင်း ပြောဆိုပြီး ယင်းကာလအတွင်း ဒုစရိုက်နှိမ်နင်းရေး၊ စည်ပင်သာယာရေး၊ လျှပ်စစ်မီးရရှိရေး၊ သယ်ယူပို့ဆောင်ရေးနှင့် ရပ်ကွက် အုပ်ချုပ်ရေးမှူးများ လဲလှယ်သည့် ကိစ္စများကို ပြုလုပ်ခဲ့သည်ဟု ရှင်းလင်းပြောဆိုသွားသည်။

အစိုးရသစ်အနေဖြင့် အမြင်မတော်သည်များကို ချက်ခြင်းရှင်းလင်းဆောင်ရွက်နေကြောင်း သာဓကအဖြစ် ဓါတ်ဆီတရက် ၂ ဂါလံ ထုတ်စနစ် ပြောင်းလဲလိုက်သဖြင့် ဆီဆိုင်များတွင် တန်းစီနေသည့် ကားများ ရှင်းလင်းသွားသည်ဟုလည်းဆိုသည်။

“ကျနော်တို့ အစိုးရကို အယုံအကြည်မရှိတဲ့ အဖြစ်ကို ကျနော်ကိုယ်တိုင်က မနှစ်မြို့သလို ကျနော့်ထက်ကြီးတဲ့ သူတွေကလဲ မနှစ်မြို့ပါဘူး” ဟု သူက ဆိုသည်။


အစိုးရသစ်အနေဖြင့် ပြည်သူများ၏ အခြေအနေမှန်ကို မီဒီယာများမှ တဆင့်သိလိုပြီး အစိုးရ၏ စေတနာထား ဆောင်ရွက်မှုကိုလည်း မီဒီယာများက အရောင်ဆိုး ဆေးခြယ်ခြင်းမရှိဘဲ ပြည်သူများသိရန်
ဖော်ပြဖို့လိုကြောင်း ပြောသည်။

သို့သော် စာပေလွတ်လပ်ခွင့်အတွက်ကိုမူ “လွတ်လပ်စွာ ရေးသားပြောဆိုခွင့်ဆိုတာက နိုင်ငံတော်နဲ့ အစိုးရကို ထိခိုက်တဲ့ဟာမပါရင် ဘာမှလွတ်လွတ်လပ်လပ် မရေးနိုင်စရာ မရှိပါဘူး။ နိုင်ငံတော်ရဲ့ လုံခြုံရေး၊ နိုင်ငံသားတွေနဲ့ ပတ်သက်တဲ့ ထိခိုက်နိုင်တဲ့ အကြောင်းအရာတွေကတော့ လုပ်ခွင့်မရှိသလို၊ ရေးသားပြောဆိုခွင့်လဲ မရှိပါဘူး။ အဲဒါနဲ့ ပတ်သတ်ပြီး သက်ဆိုင်ရာ သတင်းစီစစ်ရေးအဖွဲ့က ဆုံးဖြတ်ပါလိမ့်မယ်။ ကျနော်တို့ အလုပ်မဟုတ်ပါဘူး”ဟု ဦးဥာဏ်ထွန်းက ပြောသည်။


ရန်ကုန်တိုင်းအစိုးရသစ်အနေဖြင့် မီဒီယာများနှင့် တပတ်တကြိမ် အင်္ဂါနေ့တိုင်းတွေ့ရန် စီစဉ်ထားကြောင်းနှင့် ဝန်ကြီးဌာနအလိုက် သက်ဆိုင်သူများက တိကျစွာ ပြန်လည်ဖြေဆိုနိုင်ရန် မေးခွန်းများကို ကြိုတင်ပေးပို့ထားရန် လိုကြောင်းလည်း သူကပြောခဲ့သည်။


အပြောင်းအလဲ လုပ်တာကို မကျေနပ်တဲ့ နစက တပ်ဖွဲ့ဝင်တွေ တပ်မှ ထွက်ပြေး
မေလ11ရက် 2011 ၊ နိရဉ္ဖရာ သတင်းဌာန


မြန်မာနိုင်ငံ အနောက်ဘက် နယ်စပ် လုံခြုံရေးကို တာဝန်ယူထားသော နစက တပ်ဖွဲ့ အတွင်း တပ်သားများ အပြောင်းအလဲ လုပ်သည်ကို မကျေနပ်သော တပ်ဖွဲ့ဝင်များသည် တပ်ကို ကျောခိုင်းကာ ထွက်ပြေးနေကြသည်ဟု သတင်း ရရှိသည်။

" အခု ထွက်ပြေးသွားတဲ့ တပ်သားတွေက အမှတ်(၁) အဖွဲ့ထဲက စစ်သားတွေ ဖြစ်ပါတယ်။ သူတို့ကို တခြား တပ်သားတွေနဲ့ နေရာ အပြောင်းအလဲ လုပ်တဲ့ အတွက် အဲသလို လုပ်တာကို မကျေနပ်တာကြောင့် မိခင် တပ်ရင်းတွေကို မပြန်ဘဲ ထွက်ပြေးသွားကြတာ ဖြစ်ပါတယ်"op ဟု နစကနှင့် နီးစပ်သူ တစ်ဦးက ပြောသည်။

နစက တပ်ဖွဲ့ကို ဌာနဆိုင်ရာ အဖွဲ့ (၄) ခုဖြင့် ဖွဲ့စည်းထားရာ အဆိုပါ အဖွဲ့များမှာ အမှတ် (၁) အဖွဲ့- စစ်တပ်၊ အမှတ် (၂) အဖွဲ့- ရဲ၊ အမှတ် (၃) အဖွဲ့ လူဝင်မူကြီးကြပ်ရေးနှင့် အမှတ် (၄) အဖွဲ့- အကောက်ခွန်တို့ ဖြစ်ကြသည်။

" အခု ထွက်ပြေးနေတာက အမှတ် (၁) ထဲက စစ်သားတွေပါ။ သူတို့ကို ၁၉၉၂ ခုနှစ် နစက တပ်ဖွဲ့ကို ဖွဲ့ကတည်းက စစ်တပ်ကနေ တာဝန်ပေးထားသူတွေ ဖြစ်ပါတယ်။ သူတို့ကို ပြောင်းအလဲ လုပ်တာ၊ မိခင် တပ်ရင်းကို ပြန်ပို့တာတွေကို မလုပ်ဘဲနဲ့ နှစ်ပေါင်း ၂၀ နီးပါး နစက တပ်ဖွဲ့ တာဝန် ထမ်းဆောင်ပြီးမှ အခုအခါ အပြောင်းအလဲ လုပ်တဲ့ အတွက် မကျေနပ်တာကြောင့် ခုလို တပ်က ထွက်ပြေးသွားကြတာ ဖြစ်ပါတယ်" ဟု သူက ပြောသည်။

အပြောင်းအလဲ လုပ်ခံရသော စစ်သားများသည် မိခင် တပ်ရင်းရှိရာကို မပြန်ဘဲ တချို့မှာ မိသားစုရှိရာသို့ ပြန်သွားကြပြီး တစ်ချို့မှာလည်း ရန်ကုန်၊ မန္တလေးလို မြို့ကြီးများသို့ ထွက်ခွာ သွားကြသည်ဟု သိရသည်။

၎င်းပြင်သူက " ထွက်ပြေး ကျောခိုင်းသွားတာ အရေအတွက် အများကြီး ဖြစ်မယ်ထင်ပါတယ်။ ရာချီပြီးတော့ ရှိမယ် ထင်ပါတယ်။ ဒါကြောင့် အခု နစက ကွပ်ကဲရေးမှူး ဗိုလ်မှူးကြီး အောင်ကြီးကိုယ်တိုင် နစက နယ်မြေတွေကို သွားပြီး စည်းရုံးရေး ဆင်းနေရတယ်လို့ သိရတယ်။ သိပ်မကြာခင်ကလည်း မြင်းလွှတ်တို့ အလယ်သံကျော် နစက စခန်းတွေကို ရောက်လာပြီးတော့ ဟောပြော စည်းရုံးရေးတွေ လုပ်သွားတယ်လို့ သိရပါတယ်" ဟု ပြောသည်။

နစက တပ်ဖွဲ့ကို နယ်စပ် နယ်မြေ (၉) ဖြင့် ဖွဲ့စည်းထားပြီး စခန်းငယ် ၂၇ ခုနှင့် အင်အား ၃၀၀၀ ကျော်ခန့် ရှိသည်။ မြန်မာနိုင်ငံ အနောက်ဘက် နယ်စပ် မောင်တော၊ ဘူးသီးတောင်နှင့် ရသေ့တောင်မြို့နယ်တို့တွင် အခြေစိုက်ထားသည်။

နစက တပ်ဖွဲ့အတွင်းရှိ ရဲ၊ လ၀ကနှင့် အကောက်ခွန်ဌာနမှ ၀န်ထမ်းတို့ကို ၁ နှစ်ခွဲ၊ ၂ နှစ်အတွင်း တကြိမ်ကျစီ မိခင် ဌာနနှင့် အပြောင်းအလဲ လုပ်သော်လည်း တပ်မှ စစ်သားများကိုမူ ယခင်က တကြိမ် တစ်ခါမျှ အပြောင်းအလဲ လုပ်ခြင်း မရှိသေးကြောင်း သိရသည်။

နစက တပ်ဖွဲ့တွင် တပ်မှ လာသူများမှာ သြဇာရှိပြီး ၀င်ငွေကောင်းသဖြင့် ချမ်းသာကြသည်ဟု သိရသည်။ နယ်စပ်တွင် နေထိုင်သူ မွတ်ဆလင်များ ထံမှ အကြောင်း အမျိုးမျိုးပြပြီး ငွေများ ကောက်ခံ ရရှိသဖြင့် နစက တပ်ဖွဲ့တွင် တာဝန်ထမ်းဆောင်လိုသူ များပြားကြောင်း သိရသည်။

စစ်တပ်ပိုင် ငါးလှန်းစင်များကြောင့် လူနေရပ်ကွက်များ

တာကလူး မေလ11ရက် 2011 ၊ နိရဉ္ဖရာ သတင်းဌာန


ရခိုင်ပြည်နယ် ကျောက်ဖြူတွင် စစ်တပ်မှ ငှါးရမ်းထားသော ငါးလှန်းစင်များမှ ပုပ်နံ့ဆိုးများ ပျံ့လွင့်လာနေခြင်းကြောင့် အနီးပတ်ဝန်းကျင်ရှိ လူနေရပ်ကွက်များ အနှောင့်အယှက် ဖြစ်နေကြရသည်ဟု သတင်းရရှိသည်။

ကျောက်ဖြူမြို့ အရှေ့ဘက် ငလပွေ့ချောင်း တဘက်ကမ်းရှိ စိုင်ခုံတင် ကျေးရွာအနီး အများ ပြည်သူပိုင် မြေလွတ်များကို ဒေသအခြေစိုက် ခလရ (၃၄)မှ တစ်နှစ်လျှင် ကျပ် ၁၆ သိန်း ရယူကာ ဒေသခံ ငါးခြောက်လုပ်ငန်းရှင်တစ်ဦးကို ငါးလှန်းခွင့် ပေးထားခြင်းဖြစ်သည်ဟု စိုင်ခုံတင်ရွာသား တစ်ဦးက ပြောသည်။

"ငါးလှန်းတယ်ဆိုတာက လူနေရပ်ကွက်တွေနဲ့ အလှမ်းဝေးတဲ့ နေရာတွေမှာ သဘာဝ အအေးဓါတ်လဲရှိ ခြောက်သွေ့လဲ လွယ်တဲ့ ဆောင်းရာသီမှာပဲ လှမ်းကြတာပါ။ ခုဟာက စစ်တပ်ကနေ ခွင့်ပြုချက်ယူထားတာ ဆိုပြီးတော့ အပူပြင်းတဲ့ နွေခေါင်ခေါင်မှာ ကိုယ့်အကျိုးအမြတ်ကိုသာကြည့်ပြီး လူနေရပ်ကွက်တွေအနီးမှာ မဆင်မခြင် ငါးလှန်းနေကြတာ ဖြစ်ပါတယ်။ ရာသီဥတုကလည်းပူ ပုပ်နံ့ကလည်း တထောင်းထောင်း ထနေတော့ ကျွန်တော်တို့ ရပ်သူရွာသားတွေဟာ နေစရာ ရှာမရ ကို ဖြစ်နေကြရပါတယ်" ဟု ၄င်းရွာသားက ပြောသည်။

စိုင်ခုံတင်ရွာ သာမက အနီးအနားရှိ ငလပွေ့၊ ကညင်တော၊ ပြင်ဖြူမော်၊ စေတီတောင်ကွင်း၊ ကလာဘာတောင်၊ တောင်ရင်း ရပ်ကွက်များတွင်လည်း ၄င်းငါးလှန်းစင်များမှ ပျံ့လွင့်လာသည့် ပုပ်နံ့ဆိုး ထိုးခြင်းကို ခံနေကြရကြောင်း သိရှိရသည်။

ငလပွေ့ရွာသားတစ်ဦးကလည်း "အဲဒီ ငါးလှန်းစင်တွေဟာ ကျွန်တော်တို့ ရွာတွေနဲ့ ကိုက်တစ်ရာကျော် ၀န်းကျင်လောက် အကွာမှာပဲရှိပါတယ်။ ပုပ်နံ့ထိုးတာ မခံနိုင်ကြတာကြောင့် အဲဒီငါးလှန်းစင်တွေကို ရပ်တန့်ပေးဖို့ ကျွန်တော်တို့ ရွာတွေ ပေါင်းပြီး လက်မှတ်တွေထိုးကြပြီးတော့ မြို့နယ်အုပ်ချုပ်ရေး၊ ခရိုင်အုပ်ချုပ်ရေးတွေကို အကြိမ်ကြိမ် တိုင်ကြားခဲ့ကြပါတယ်။ ဒါပေမယ့် စစ်တပ်က ငှါးထားတာဆိုတော့ သူတို့လဲ ဘာမှ လုပ်မပေးကြပဲ လျစ်လျူရှူ့ထားကြဆဲဖြစ်ပါတယ်" ဟုပြောသည်။

သို့သော်လည်း နိုင်ငံတော်အဆင့် ပြည်နယ်အဆင့်မှ လူကြီးများ ကျောက်ဖြူသို့ အလည်လာမည်ဆိုလျှင် အဆိုပါ ငါးလှန်းစင်များကို စစ်တပ်မှ ကြိုတင်အသိပေး သိမ်းဆည်း ခိုင်းထားကြောင်းလည်း ၄င်းရွာသားက ဆက်ပြောခဲ့သည်။

ကျောက်ဖြူတွင် ယခုကဲ့သို့ စည်းမဲ့ကမ်းမဲ့ ငါးလှန်းခြင်း လုပ်ငန်းတွင်သာမက ပြည်သူကို ထိခိုက်စေနိုင်သည့် လုပ်ငန်းအများစုတွင် ဒေသခံ စစ်တပ်များမှ အများဆုံး ပါဝင် ပတ်သတ်မှု ရှိနေကြောင်း ဒေသခံများ၏ ပြောကြားချက်အရသိရှိရသည်။
ဂတ်စ်ပိုက်လိုင်းတည်ဆောက်ရာတွင် ဒိုင်းနမိုက်ဖြင့် ကျောက်ဆောင်များကို ဖြိုချနေသဖြင့် ရေနေသတ္တ၀ါများ သေဆုံးနေ
မေလ 11 ရက် 2011 နိရဉ္စရာ သတင်းဌာန

ဂတ်စ်ပိုက်လိုင်း တည်ဆောက်ရာတွင် ပင်လယ်ပြင် အတွင်းတည်ရှိသော ကျောက်ဆောင်၊ ကျောက်တန်များကို ဒိုင်းနမိုက်ဖြင့် ဖြိုခွဲနေသဖြင့် ရေနေ သတ္တ၀ါများ သေဆုံးနေကြောင်း သတင်း ရရှိသည်။
"သူတို့က ဂတ်စ်ပိုက်လိုင်း ချတဲ့နေရာမှာ ကျောက်ဆောင်၊ ကျောက်တန်းတွေနဲ့ မလွတ်ရင် အဲဒီ ကျောက်ဆောင်တွေကို ဒိုင်းနမိုက်နဲ့ ခွဲချပစ်ပါတယ်။ ခုလို လုပ်တဲ့ အတွက် ရေနေ သတ္တ၀ါတွေ သေဆုံးနေတာ ဖြစ်ပါတယ်" ဟု ဒေသခံ မျက်မြင် တဦးက ပြောသည်။

ယခုအခါ ကျောက်ဖြူမြို့နယ် ပင်လယ်ပြင်တွင် ဂတ်စ်ပိုက်လိုင်းများကို ရေအောက်ကို ချနေရာ များပြားလှသော ကျွန်းများ အနီးတည်ရှိသော ကျောက်ဆောင် ကျောက်တန်းများနှင့် မြေပြင် အနိမ့်အမြင့် မညီသည့် ကျောက်တန်းများကို ယခုကဲ့သို့ ဒိုင်းနမိုက်များကို အသုံးပြုပြီး ဖေါက်ခွဲနေခြင်း ဖြစ်သည်။

" သူတို့က သင်္ဘောနဲ့ သွားပြီး ဖေါက်ခွဲနေတာပါ။ သာမန်ပြည်သူတွေက သူတို့နားကို ကပ်ခွင့် မရှိတဲ့ အတွက် သူတို့ ဘာတွေ လုပ်နေတယ်ဆိုတာကို အတိအကျ ပြောဖို့ ခက်ပါတယ်။ ဒါပေမယ့် သူတို့ ဒိုင်းနမိုက်တွေနဲ့ ဖေါက်ခွဲတဲ့ အတွက် ငါးတွေ သေသွားတာတွေကိုတော့ တွေ့နေရပါတယ်။"

ယခုကဲ့သို့ ဒိုင်းနမိုက်ဖြင့် ဖြိုခွဲနေသည်မှာ ကြာပြီ ဖြစ်ကြောင်းနှင့် ဖေါက်ခွဲစဉ် အနီးအနားရှိ ငါးများ အပါအ၀င် ရေသတ္တ၀ါများ အားလုံးသေဆုံးကုန်ကြောင်း သိရသည်။


" သူတို့က ကျောက်တွေကို ခွဲပြီးတာနဲ့ ကျောက်တွေကို သင်္ဘောပေါ်မှာ ပါလာတဲ့ ကရိန်းတွေနဲ့ ကျောက်တွေကို ယူဆောင်နေတာကိုလည်း တွေ့ရပါတယ်။ ဆိက်ကမ်းဆောက်တဲ့ နေရာကို ပြန်သယ် သွားတယ်လို့ သိရပါတယ်" ဟု သူက ဆက်ပြောသည်။

ယခု ကျောက်ဆောင် ကျောက်တန်းများကို ဒိုင်းနမိုက်ဖြင့် ဖြိုခွဲနေရာတွင် မြန်မာနိုင်ငံသားများ သာမက တရုတ်နိုင်ငံသားများလည်း ပါဝင်သည်ဟု သိရသည်။ ဒိုင်းနမိုက်များကို ဖေါက်ခွဲနေသော သင်္ဘောမှာလည်း အလွန် ထူးဆန်းပြီး တကြိမ်တခါမျှ သူအနေနှင့် ယခင်က မမြင်ဖူးကြောင်း ပြောဆိုသည်။

ယခုအခါ တရုတ်ကို တင်ပို့မည့် ရခိုင်မှ ဂတ်စ် အတွက် ပိုက်လိုင်း တည်ဆောက်နေရာ ယခုကဲ့သို့ မဆင်မခြင် ဒိုင်းနမိုက်များကိုပါ အသုံးပြုနေသဖြင့် သဘာဝ ပတ်ဝန်းကျင် ပျက်စီးမူကိုလည်း အထူး ဖြစ်ပေါ်နေသည်ဟု သိရသည်။


တရုတ်ကုန်သွယ်ရေး လိုငွေပြရာက တဟုန်ထိုး အမြတ်ထွက်

By ဗွီအိုအေ (မြန်မာဌာန) အင်္ဂါ, 10 မေ 2011

တရုတ်နိုင်ငံရဲ့ ကုန်သွယ်ရေးဟာ ပထမ ၃ လအတွင်း လိုငွေပြနေခဲ့ရာက ဧပြီလအတွင်း မျှော်လင့်ထားတာထက် ပို့ကုန် ပိုများခဲ့တာကြောင့် ပိုငွေပြတဲ့ အဆင့်ကို ရောက်သွားတယ်လို့ ဆိုပါတယ်။ ဒါဟာ တရုတ်နိုင်ငံ အနေနဲ့ တလအတွင်း တခါမှ မကြုံဘူးတဲ့ ပို့ကုန် စံချိန်တင်လိုက်တာလည်း ဖြစ်ပါတယ်။

ဝါရှင်တန်မြို့မှာ ပြုလုပ်နေတဲ့ ကုန်သွယ်ရေးဆိုင်ရာ ဆွေးနွေးပွဲအတွင်း တရုတ်နိုင်ငံရဲ့ ကုန်သွယ်ရေးကို မျှတမှုရှိဖို့ တရုတ် အရာရှိတွေကို အမေရိကန် အစိုးရက ဖိအားပေး ပြောဆိုနေတဲ့ အချိန်မှာ တရုတ်အစိုးရက အင်္ဂါနေ့မှာ အခုလို ကြေညာလိုက်တာ ဖြစ်ပါတယ်။

ဧပြီလအတွက် တရုတ်နိုင်ငံရဲ့ ကုန်သွယ်ရေး ပိုငွေပြမှုဟာ ဒေါ်လာ သန်း ၁၁,၀၀၀ ကျော် ရှိခဲ့တယ်လို့ တရုတ်အရာရှိတွေက ပြောကြားလိုက်တာကြောင့် ဒါဟာ ကျွမ်းကျင်သူတွေ တွက်ဆထားတာထက် အတော်လေး များနေတာ ဖြစ်ပါတယ်။ ပြီးခဲ့တဲ့ မတ်လတုန်းကတော့ ကုန်သွယ်ရေး ပိုငွေပြမှုဟာ ဒေါ်လာသန်း ၁၄၀ သာ ရှိခဲ့ပြီး အခုနှစ် ပထမ ၃ လပတ်အတွင်း လိုငွေ ပြနေခဲ့တာပါ။

ဒီနှစ် ဧပြီလအတွက် ပို့ကုန် စုစုပေါင်း တန်ဖိုးဟာ သန်းပေါင်း ၁၅၆,၀၀၀ ရှိခဲ့တာကြောင့် မနှစ် ၂၀၁၀ ခုနှစ် ဧပြီလထက်စာရင် ၃၀% တက်သွားခဲ့တာလည်း ဖြစ်ပါတယ်။ ဒါကြောင့် ဧပြီလရဲ့ ပို့ကုန်ပမာဏဟာ မကြုံဘူးအောင် စံချိန်တင်သွားခဲ့တာ ဖြစ်ပါတယ်။

တရုတ်အစိုးရက ငွေကြေးဖောင်းပွမှုကို တိုက်ဖျက်ဖို့အတွက် ခြေလှမ်းပြင်နေတာကြောင့် ပြည်ပပို့ကုန်ကို ထိခိုက်လိမ့်မယ်လို့ ထင်ကြေး ပေးနေကြတာတွေလည်း ဒီကြေညာချက်ကြောင့် လျော့ကျသွားစေမှာ ဖြစ်ပါတယ်။


SSA တပ်ဖွဲ့များနှင့် တိုက်ပွဲဖြစ်ပွားပြီး အစိုးရဖက်မှ တပ်ရင်းမှူးကျဆုံး
2011-05-11 RFA

ရှမ်းပြည်နယ်အတွင်း စစ်အစိုးရတပ်ဖွဲ့တွေနဲ့ SSA ရှမ်းပြည်တပ်မတော် တောင်ပိုင်းတပ်ဖွဲ့တွေအကြား မေလ ၉ ရက်နေ့က တိုက်ပွဲဖြစ်ပွားခဲ့လို့ စစ်အစိုးရဖက်က တပ်ရင်းမှူး အပါအဝင် ၉ ဦး ကျဆုံးခဲ့ရပြီး ၁၅ ဦး ဒဏ်ရာရခဲ့တယ်လို့ သိရပါတယ်။

တိုက်ပွဲဖြစ်ပွားခဲ့တာကတော့ ရှမ်းပြည်နယ် မိုင်းကိုင်မြို့နယ်အတွင်း ဆားတောကျေးရွာအုပ်စုနဲ့ တုံလော ကျေးရွာအနီးမှာ မေလ ၉ ရက်နေ့ ညနေ ၃ နာရီ ၄၅ မိနစ်လောက်မှာ ဖယ်ခုံမြို့နယ်အခြေစိုက် စကခ ၇ လက်အောက်ခံ အမှတ် ၄၂၂ ခြေလျင်တပ်ရင်းက စစ်ကြောင်းတကြောင်းနဲ့ SSA ရှမ်းပြည်တပ်မတော် တောင်ပိုင်းတပ်ဖွဲ့တွေအကြား တနာရီကြာ ရင်ဆိုင်တိုက်ပွဲ ဖြစ်ပွားခဲ့တာလို့ သိရပါတယ်။

နှစ်ဖက်တိုက်ပွဲဖြစ်ပွားခဲ့တာနဲ့ပတ်သက်ပြီး ရှမ်းပြည်တပ်မတော် SSA တောင်ပိုင်းတပ်က ပြောရေးဆိုခွင့်ရှိသူ စိုင်းဆိုင်မိန်းက RFA ကို အတည်ပြု ပြောကြားပါတယ်။

“ကျနော်တို့ SSA လှုပ်ရှားတဲ့ တပ်ကြောင်းနဲ့ ဒီ နအဖ ဖက်က ခလရ ၄၂၂ ပေါ့နော် တုန်လော နဲ့ ဆားတော ကျေးရွာအုပ်စု အဲဒီမှာ လမ်းမှာ ပက်ပင်းတွေ့ပြီးတော့ တိုက်ပွဲဖြစ်တာပါ။ ကျဆုံးကတော့ နအဖ ဖက်က ၉ ဦး ကျဆုံးတာပေါ့နော်၊ ပြီးတော့ ၁၅ ဦး ဒဏ်ရာရတယ်။ ကျနော်တို့ဖက်ကတော့ ထိခိုက်ဒဏ်ရာ မရှိပါဘူးခင်ဗျ။ ဘာလို့လည်းဆိုတော့ သူတို့က ကားနဲ့လာတာ ကျနော်တို့က လမ်းအဖြတ်မှာ ကျနော်တို့ဖက်က အရင်စပြီးတော့ တိုက်ရတဲ့အတွက်ကြောင့် ကျနော်တို့ဖက်မှာ ဘာထိခိုက်မှုမှ မရှိပါဘူး။”

ဒီတိုက်ပွဲမှာ အစိုးရတပ်ဖက်က ခလရ ၄၂၂ တပ်ရင်းမှူး ဗိုလ်မှူး သန်းထိုက်ဝေ အပါအဝင် ဒုအရာခံဗိုလ် စိုးမင်း၊ တပ်ကြပ်ကြီး ထွန်းအောင်၊ တပ်ကြပ်ကြီး သိန်းလှိုင်၊ တပ်ကြပ် ထွန်းထွန်းလွင်၊ တပ်ကြပ် ကျော်စိုးမင်း၊ တပ်ကြပ် ထွန်းခိုင်၊ တပ်သား ကိုဇော်နဲ့ တပ်သား မျိုးဇော်ဦးတို့ ကျဆုံးခဲ့တာဖြစ်ပြီး လက်နက်ကြီးငယ် ၁၁ လက် ပျက်စီးသွားတယ် ။ တနာရီကြာ တိုက်ပွဲဖြစ်ခဲ့ပြီးနောက် ရှမ်းပြည်တပ်မတော် SSA တောင်ပိုင်းတပ်တွေ လှုပ်ရှားတဲ့ စစ်ကြောင်းဟာ အဲ့ဒီနေရာကနေ ပြန်လည် ဆုတ်ခွာခဲ့တယ်လို့လည်း သိရပါတယ်။

ရှမ်းပြည်နယ်အတွင်း အခုလအတွင်းမှာ တိုက်ပွဲ ၄ ကြိမ်ထက်မနည်း ဖြစ်ပွားခဲ့ပြီး ဒီတိုက်ပွဲဟာ အချိန်အကြာဆုံးနဲ့ ထိခိုက်ကျဆုံးများပြီး ပြင်းထန်တဲ့ တိုက်ပွဲတပွဲဖြစ်ပါတယ်။

အစိုးရတပ်ဖွဲ့တွေရဲ့ လှုပ်ရှားစစ်ကြောင်းတွေဟာ ရှမ်းပြည်နယ်အတွင်း ပိုမို လှုပ်ရှားလာနေသလိုပဲ ဒေသတွင်း ပြည်သူတွေဟာလည်း လူ့အခွင့်အရေး ချိုးဖောက်ခံရမှုတွေ ကြုံတွေ့လာနေကြရတယ်လို့လည်း စိုင်းဆိုင်မိန်းက ပြောပါတယ်။
“အရှေ့အလယ်ပိုင်းတိုင်း အသစ်ဆောက်တဲ့ ကွန်ဟိန်းဖက်ပေါ့နော်။ အဲဒီဖက်မှာ ရှိတဲ့တပ်တွေနဲ့ တခါတရံ ထိပ်တိုက်ဖြစ်ပြီးတော့ ပစ်တာလည်း ရှိပါတယ်။ စစ်ကြောင်းတွေ ရှမ်းပြည်ထဲမှာ အများကြီး ထိုးလာတယ်။ ပြီးတော့ နိုင်ငံရေးကို နိုင်ငံရေးနည်းနဲ့လည်း မဖြေရှင်းချင်ဘူး။ စစ်ရေးနဲ့ပဲ ဖြေရှင်းရတယ်။ အဲဒါကြောင့်မိုလို့ ဒီလို တိုက်ပွဲဖြစ်ခြင်းဟာလည်း ပြည်သူတွေကိုလည်း ဒုက္ခဖြစ်စေတာပေါ့နော်။ သူတို့ရဲ့ စစ်ကြောင်းတွေကြောင့်လည်း ပြည်သူတွေ အများကြီး ဒုက္ခရောက်တယ်။ ဘာလို့လဲဆိုတော့ ဒီစစ်ကြောင်းတွေကလည်း ရောက်တဲ့ ရွာတိုင်းလည်း သူတို့က အဓမ္မပေါ့လေ ပြည်သူတွေရဲ့ ပစ္စည်းသွားယူတာမျိုးပေါ့။ ပေါ်တာဆွဲတာမျိုး ရှိတာပေါ့နော်။”


စာရေးဆရာ နတ်နွယ် ကွယ်လွန်

By ဦးမိုးဇော် ဗုဒ္ဓဟူး, 11 မေ 2011

မြန်မာစာပေလောကမှာ ထင်ရှားတဲ့ မြန်မာပြည်မြောက်ပိုင်း စာအုပ်နဲ့ မြန်မာဝတ္ထုအညွှန်း စာအုပ်တွေကို ရေးသားခဲ့သူ စာရေးဆရာ နတ်နွယ်ဟာ ဒီကနေ့မနက် ၁၁ နာရီခန့်မှာ လူကြီးရောဂါနဲ့ ကွယ်လွန်သွားခဲ့ပါတယ်။ ဆရာနတ်နွယ်ဟာ ကွယ်လွန်ချိန်မှာ အသက် ၇၈ နှစ်ရှိပြီဖြစ်ပြီး ကလောင်ခွဲ ၁၄ ခုလောက်နဲ့ စာအုပ်ပေါင်း ၁၀၀ ကျော် ရေးသားခဲ့ပါတယ်။ ဆရာနတ်နွယ်ရဲ့ စာပေဖြတ်သန်းမှုနဲ့ သူ့ဘ၀အကြောင်းကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြပေးထားပါတယ်။

ဆရာနတ်နွယ်ဟာ မြန်မာစာပေလောကမှာ ပင်ကိုယ်ရေး၊ ဘာသာပြန်၊ အမှီး၊ ခရီးသွားဆောင်းပါး၊ ရုပ်ပုံလွှာအဖွဲ့နဲ့ ဝေဖန်ရေးဆောင်းပါး စတဲ့ စာပေပုံသဏ္ဌာန် မျိုးစုံကို ကလောင်ခွဲ အမည် ၁၄ ခုလောက်နဲ့ ရေးသားခဲ့သူဖြစ်ပြီး မိုးဝေနဲ့ နွယ်နီဆိုတဲ့ မဂ္ဂဇင်းတွေကိုလည်း ဦးဆောင် ထုတ်ဝေခဲ့သူ ဖြစ်ပါတယ်။

ဒီကနေ့ ဆရာနတ်နွယ် ကွယ်လွန်သွားတဲ့ အကြောင်းကိုတော့ သူ့ရဲ့ လုပ်ဖော်ကိုင်ဘက် တဦးဖြစ်သူ ကဗျာဆရာ မောင်သွေးသစ်က အခုလို ပြောပါတယ်။

“ဒီနေ့ ၁၁ နာရီ ပတ်ဝန်းကျင်မှာ ဆုံးပါတယ်။ လူကြီးရောဂါပါပဲ ခင်ဗျ။ အသက် ၇၈ နှစ်ပေါ့။”

ဆရာနတ်နွယ်ဟာ ကျန်းမာရေး မကောင်းတာကြောင့် စာပေလုပ်ငန်းတွေကနေ အနားယူနေခဲ့တာ ၃ နှစ်လောက် ရှိပြီ ဖြစ်ပါတယ်။ ဒီနှစ်ဆန်းပိုင်းမှာတော့ လေဖြတ်တာနဲ့ နှလုံးရောဂါ စတာတွေ ခံစားခဲ့ရပြီး မတ်လအတွင်းမှာတော့ ကျန်းမာရေး အခြေအနေ ပိုဆိုးလာခဲ့တာ ဖြစ်ပါတယ်။

ဆရာနတ်နွယ်ဟာ သူ မကွယ်လွန်မီမှာ စာအုပ်ပေါင်း ၁၂၀ လောက် ရေးသားပြုစုခဲ့ပါတယ်။ ဒီစာအုပ်တွေထဲက ထင်ရှားတဲ့ စာအုပ်အမည်တွေကိုတော့ ကဗျာဆရာ မောင်သွေးသစ်က အခုလို ပြောပြပါတယ်။

“မြန်မာစာပေ လောကအတွက် တကယ် တန်ဖိုးရှိတဲ့ မြန်မာစာပေ အဘိဓာန်တို့၊ မြန်မာဝတ္ထုအညွှန်းတို့ ရေးသွားတာကတော့ ဆရာမင်းကျော်နဲ့ တွဲပြီး မလိခဆိုတဲ့ ကလောင်အမည်ကို သုံးပြီးတော့ ထုတ်သွားတာတွေလည်း ရှိပါတယ်။ မြန်မာ့ဂန္ထ၀င်ဝတ္ထု စာရင်းထဲမှာတော့ မြန်မာပြည်မြောက်ပိုင်း အတွဲ ၁၊ ၂ ပေါ့၊ အဲဒါကတော့ ဆရာနတ်နွယ်ရဲ့ အထူးချွန်ဆုံးနဲ့ မြန်မာစာပေ သမိုင်းမှာ အထင်ရှားဆုံး ပင်ကိုယ်ရေး ၀တ္ထုကြီးပါပဲ၊ ကချင်ပြည်နယ် နောက်ခံပေါ့။ အဲဒီဝတ္ထုကြီးကတော့ ၃ အုပ်ရေးဖို့ သူ ကြိုးစားနေဆဲ ကာလမှာပဲ ကွယ်လွန်သွားရှာတာပါပဲ။”

ဆရာနတ်နွယ်ဟာ ၁၉၇၀ ၀န်းကျင်မှာ မိုးဝေ စာပေမဂ္ဂဇင်းကို တည်ထောင် ထုတ်ဝေခဲ့ပြီး မြန်မာ ခေတ်ပေါ်ကဗျာ ပုံစံသစ်ဖြစ်တဲ့ မိုးဝေ ကဗျာခေတ်ကိုလည်း ထူထောင်ခဲ့သူ ဖြစ်ပါတယ်။

ဆရာနတ်နွယ်ဟာ ကာရာမာဇော့ ညီအကိုများ စာအုပ်နဲ့ ၂၀၀၂ ခုနှစ်မှာ အမျိုးသားစာပေ ဘာသာပြန်ဆု ရခဲ့ပါတယ်။ ဆရာနတ်နွယ်ရဲ့ ထင်ရှားတဲ့ စာအုပ်တွေထဲမှာတော့ အပြာ အ၀ါ၊ တကွေ့ကွေ့တော့ တွေ့ကြဦးမည်၊ မိုဗီဒစ်၊ ရောမမြို့က မိန်းမပျက်၊ သီတာခုနှစ်တန် တောင်စဉ်ခုနှစ်ထပ်၊ မိမိနှင့် စာရေးဆရာများ၊ နွယ်နီ နိုင်ငံတကာ အဘိဓာန်၊ ကမ္ဘာ့ဝတ္ထုအညွှန်းနဲ့ ဂျက်လန်ဒန် ၀တ္ထုတိုများ စတာတွေ ပါဝင်တယ်လို့ ဆိုကြပါတယ်။

အမည်ရင်း ဦးလှမြင့်ဖြစ်တဲ့ ဆရာနတ်နွယ်ဟာ ၁၉၅၀ ခုနှစ်က စာပေလောကကို ၀င်ရောက်လာခဲ့ပြီး အယ်ဒီတာ၊ အယ်ဒီတာချုပ်၊ ဘာသာပြန် အယ်ဒီတာ စတဲ့ တာဝန်တွေကို စုံထောက်၊ မိုးဝေ၊ အမျိုးသား သတင်းစာနဲ့ နွယ်နီ မဂ္ဂဇင်းတွေမှာ ထမ်းဆောင်ခဲ့သူ ဖြစ်ပါတယ်။ သူ ကွယ်လွန်ချိန်မှာတော့ သားတယောက် ကျန်ရစ်ခဲ့ပါတယ်။