ဒီနေ့ ဖတ်စရာ သတင်းများ ( မေလ 10 ရက် )

ဗိုလ်ချုပ်ကြီး မင်းအောင်လှိုင် တပ်တွင်းအပြောင်းအလဲ စတင်လုပ်ဆောင်
ရန်ပိုင် Monday, 09 May 2011 19:51

ဗိုလ်ချုပ်ကြီး မင်းအောင်လှိုင်သည် ကာကွယ်ရေး ဦးစီးချုပ် တာဝန်ရယူပြီး သည့်နောက် စစ်တပ်အတွင်း ရာထူးအပြောင်းအလဲများ စတင်ပြုလုပ်နေကြောင်း ကာကွယ်ရေး ၀န်ကြီးဌာန စစ်ဘက်အသိုင်းအ၀န်းမှ သိရသည်။



အဆိုပါ ရာထူးအပြောင်းအရွေ့များကို မေလ ၅ ရက်နေ့က စတင်ပြုလုပ်ခြင်းဖြစ်ပြီး ဗိုလ်ချုပ်မှူးကြီး သန်းရွှေ ကာကွယ်ရေး ဦးစီးချုပ်ရာထူးမှ အနားယူပြီးနောက် ပထဆုံးအကြိမ်အဖြစ် ပြုလုပ်သည့် တပ်တွင်း ရာထူးအပြောင်းအရွှေ့များဖြစ်သည်ဟု စစ်ဘက်နှင့် နီးစပ်သူတဦးက ဆိုသည်။

“ကာချုပ်က လူဟောင်းတွေထဲက မကြိုက်တဲ့သူတချို့ကို ဖယ်ပြီး ကြိုက်တဲ့သူတွေကို ဆွဲတင်ဖို့လုပ်တာပါ။ ဘယ်လောက်တော်တော် မကြိုက်ရင် နေရာမရှိဘူး၊ စစ်တပ်မှာ ဖြစ်ရိုးဖြစ်စဉ်ပဲ” ဟု ၎င်းက ဆိုသည်။

ယခုပြောင်းရွေ့မှုတွင် တိုင်းစစ်ဌာနချုပ်များမှ တိုင်းမှူးများ မပါဝင်ဘဲ စစ်ဆင်ရေးကွပ်ကဲမှု စစ်ဌာနချုပ် (စကခ) မှူးများနှင့် ခြေမြန် တပ်မဌာနချုပ် တပ်မမှူးများကိုသာ အပြောင်းအလဲလုပ်ကြောင်း သိရသည်။

ယခုပြောင်းရွှေ့မှုတွင် ရှမ်းပြည်မြောက်ပိုင်း ကျောက်မဲ အခြေစိုက် အမှတ် (၁) စစ်ဆင်ရေးကွပ်ကဲမှု စစ်ဌာနချုပ် (စကခ) မှူး ဗိုလ်မှူးကြီး အောင်ရဲဝင်းအား ရှမ်းပြည်နယ် အရှေ့ပိုင်း မိုင်းဆတ်အခြေစိုက် စကခ (၁ဂ)၊ အမှတ်(၁၈) စကခမှူး ဗိုလ်မှူးကြီး မင်းဇော်အား တပ်မတော် သူနာပြုတက္ကသိုလ် ကျောင်းအုပ်ကြီး တာဝန်၊ ရခိုင်ပြည်နယ် ကျောက်တော်မြို့ အခြေစိုက် အမှတ်( ၉) စကခမှူး ဗိုလ်မှူးချုပ် တင်ဆွေဝင်းအား စစ်တက္ကသိုလ် ကျောင်းအုပ်ကြီး၊ ရှမ်းပြည်တောင်ပိုင်း ကလော မြို့အခြေစိုက် တပ်မ ၅၅ တပ်မမှူးကို အမှတ် (၉) စကခ၊ ရှမ်းပြည်မြောက်ပိုင်း သိန္ဓီအခြေစိုက် အမှတ် (၁၆) စကခမှူး ဗိုလ်မှူးကြီး ၀င်းသိန်းအား နေပြည်တော်ရှိ ကာကွယ်ရေး ဦးစီးချုပ် စခန်းရုံးတို့သို့ အသီးသီးပြောင်းရွေ့လိုက်သည်။

တခြားသော စစ်ဆင်ရေး ကွပ်ကဲမှု စစ်ဌာနချုပ်မှူးများကိုလည်း ဆက်လက်ပြောင်း ရွှေ့မည်ဖြစ်ကြောင်းလည်း သိရသည်။

ယခု စစ်တက္ကသိုလ်သို့ ကျောင်းအုပ်ကြီးအဖြစ် ပြောင်းရွှေ့ရသူ ဗိုလ်မှူးချုပ် တင်ဆွေဝင်းသည် တိုင်းမှူးရာထူး တိုးမြှင့်ခံရမည်ဟု စစ်တပ်အတွင်း သတင်းထွက်ပေါ်နေသူဖြစ်ပြီး ယခင် စစ်တက္ကသိုလ်ကျောင်းအုပ်ကြီး တာဝန်ယူသွားသည့် ဗိုလ်မှူးချုပ် မြတ်ထွန်းဦးသည်လည်း ရှမ်းပြည်နယ်တွင် မကြာမီက ဖွင့်လှစ်ခဲ့သည့် အရှေ့အလယ်ပိုင်းတိုင်း စစ်ဌာနချုပ် တိုင်းမှူးအဖြစ် ပြောင်းရွှေ့တိုးမြှင့်ခြင်းခံရသည်။

ယခုအပြောင်းအရွှေ့တွင် ပြောင်းရွှေ့ခြင်းခံရသူများသည် ပြီးခဲ့သည့်နှစ် သြဂုတ်လကမှ စတင်ပြီး ယင်းရာထူးတာဝန်များကို စတင် ထမ်းဆောင်သူများ ဖြစ်သည်။

စစ်ရေး လေ့လာသူများ အဆိုအရ ပြီးခဲ့သည့်နှစ် သြဂုတ်လအတွင်းကလည်း စစ်တပ်ရာထူး အပြောင်းအရွှေ့များကို အကြီးအကျယ် ပြုလုပ်ခဲ့သေးကြောင်း၊ ထို့နောက် ၉ လအကြာ ယခုတကြိမ် ထပ်မံပြုလုပ်ခြင်းသည် သမားရိုးကျ ပုံမှန်ပြုလုပ်ခြင်း မဟုတ်သည့်အတွက် ယခုတပ်တွင်း အပြောင်းအလဲများကို စောင့်ကြည့်ရန် လိုကြောင်း ပြောဆိုသည်။

ဗိုလ်ချုပ်မှူးကြီး သန်းရွှေ ကာကွယ်ရေး ဦးစီးချုပ်အဖြစ် တာဝန်ယူနေစဉ် ပြီးခဲ့သည့်နှစ် သြဂုတ်လအတွင်းကလည်း စစ်ဘက်ထိပ်တန်း စစ်ဗိုလ်ချုပ်များကို ရာထူးမှ အနားယူစေပြီး စကခမှူးများ၊ တိုင်းမှူးများ၊ ကြည်း၊ ရေ၊ လေ ညှိနှိုင်းကွပ်ကဲရေးမှူး နေရာများအထိ ရာထူးအပြောင်းအလဲများကို အကြီးအကျယ်ပြုလုပ်ခဲ့သည်။

ပြီးခဲသည့် မတ်လ ၃၀ ရက်နေ့တွင် ဗိုလ်ချုပ်မှူးကြီး သန်းရွှေက အာဏာသိမ်း စစ်ကောင်စီကို ဖျက်သိမ်းပြီး ကာကွယ်ရေး ဦးစီးချုပ်ရာထူးကိုလည်း ဗိုလ်ချုပ်ကြီး မင်းအောင်လှိုင်သို့ လွှဲအပ်ခဲ့သည်။

ထိုသို့ လွှဲပြောင်းပေးအပ်မှုများကြောင့် ဗိုလ်ချုပ်မှူးကြီး အနေဖြင့် ရာထူးတာဝန်မှ အနားယူသွားပြီဟု ထင်ကြေးပေး ပြောဆိုမှုများ ရှိနေသော်လည်း စစ်တပ်နှင့် ပတ်သက်၍ ဆက်လက်ချုပ်ကိုင်ထား ဆဲဖြစ်သည်ဟု အတည်မပြုနိုင်သေးသော စစ်ဘက်အသိုင်း အ၀န်းသတင်းများအရ သိရသည်။

ကြံ့ဖွံ့ပါတီ ယာယီဥက္ကဋ္ဌအဖြစ် ဦးရွှေမန်း တာဝန်ယူ
ကျော်ခ | တနင်္လာနေ့၊ မေလ ၀၉ ရက် ၂၀၁၁ ခုနှစ် ၁၈ နာရီ ၄၉ မိနစ်



ချင်းမိုင် (မဇ္ဈိမ) ။ ။ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ယာယီဥက္ကဋ္ဌအဖြစ် ဗိုလ်ချုပ်ကြီးဟောင်း သူရ ဦးရွှေမန်းသည် မေလ ၂ ရက်နေ့မှစ၍ တာဝန်ထမ်းဆောင်နေပြီဟု ပါတီတာဝန်ရှိသူများ အဆိုအရ သိရသည်။

အာဏာရ ကြံ့ဖွံ့ပါတီ၏ ဧပြီလနှောင်းပိုင်း အစည်းအဝေးက ဒုဥက္ကဋ္ဌဖြစ်သူ သူရ ဦးရွှေမန်းကို ယာယီဥက္ကဋ္ဌ၊ ဦးဌေးဦးကို အထွေထွေ အတွင်းရေးမှူး၊ ဦးအောင်သောင်းကို အတွင်းရေးမှူး ၁၊ ဦးသိန်းဇော်ကို အထွေထွေ အတွင်းရေးမှူး ၂ နှင့် ဦးမောင်ဦးကို စည်းကမ်းထိန်းသိမ်းရေး တာဝန်ရှိသူအဖြစ် ဆုံးဖြတ်ပေးခဲ့ရာ မေလ ၂ ရက်နေ့မှစ၍ ၎င်းတို့ ရုံးတက်ကြခြင်း ဖြစ်သည်။

“သူတို့အားလုံး ဒီလ ရုံးစတက်တယ်။ ရုံးချုပ်ကတော့ ရန်ကုန်ကနေ နေပြည်တော် ရွှေ့လိုက်ပြီ။ လောလောဆယ် ဥက္ကဋ္ဌနဲ့ ဒုဥက္ကဋ္ဌ တာဝန်ကိုတော့ ဦးရွှေမန်း ကိုင်တာပေါ့နော်” ဟု ကြံ့ဖွံ့ပါတီ တာဝန်ရှိသူတဦးက မဇ္ဈိမကို ပြောသည်။


ကြံ့ခိုင်ရေးနှင့် ဖွံ့ဖြိုးရေးပါတီ ယာယီဥက္ကဋ္ဌအဖြစ် ဗိုလ်ချုပ်ကြီးဟောင်း သူရ ဦးရွှေမန်း တာဝန်ထမ်းဆောင်ဟု ပါတီတာဝန်ရှိသူများ အဆိုအရ သိရ
စစ်ဗိုလ်ချုပ်ကြီးများက မွေးထုတ်ပေးခဲ့သည့် ကြံ့ဖွံ့ပါတီခေါင်းဆောင် အများစုမှာ အစိုးရသစ်၌ အုပ်ချုပ်ရေး တာဝန်များ ထမ်းဆောင်ရာ၌ ပါဝင်သွားပြီးနောက် ထပ်မံကိုင်တွယ်မည့်
ခေါင်းဆောင်ပိုင်းကို တပ်မတော်
ခေါင်းဆောင်ဟောင်းများဖြင့်
ပြန်လည်အစားထိုးခဲ့သည်။

ကျစ်လစ်ခိုင်မာစွာ ပါတီရပ်တည်နိုင်ရေးနှင့် ပြိုကွဲမှု မဖြစ်စေရေးအတွက် ယခင် နအဖ စစ်အစိုးရလက်ထက် တတိယအကြီးဆုံး စစ်ခေါင်းဆောင် ဖြစ်ခဲ့ကာ၊ အစိုးရသစ် အောက်လွှတ်တော် ဥက္ကဋ္ဌ တာဝန်ယူထားသည့် သူရ ဦးရွှေမန်းကို ပါတီဥက္ကဋ္ဌ အဖြစ်ပါ ယာယီကိုင်တွယ်ရန် တာဝန်ပေးခဲ့ခြင်း ဖြစ်သည်။

အာဏာရှင်ဟောင်း ဗိုလ်ချုပ်မှူးကြီး ဦးသန်းရွှေ၏ လက်ရင်းလူယုံတဦးဟု စစ်တပ်အသိုင်းအဝိုင်းတွင် ထင်ရှားခဲ့သူ ဦးအောင်သောင်းနှင့် ဆက်သွယ်ရေးလုပ်ငန်းများစွာတွင် အစိုးရနှင့် ပူးတွဲလုပ်ကိုင်ခွင့် ရရှိသည့် ဆက်သွယ်ရေး၊ စာတိုက်နှင့် ကြေးနန်းဝန်ကြီးဟောင်း ဦးသိန်းဇော်ဖြင့်လည်း ထပ်မံအားဖြည့်ခဲ့သည်။ ပါတီ၏ စည်းကမ်းပိုင်းဆိုင်ရာကို ပြည်ထဲရေးဝန်ကြီးဟောင်း ဦးမောင်ဦးက ကိုင်တွယ်သွားမည်ဖြစ်သည်။

“အရင်တုန်းက သူတို့အားလုံးက အစိုးရဘက်မှာရော၊ ကျနော်တုိ့ ပါတီ CEC မှာရော တာဝန်တွဲယူထားသူတွေပေါ့။ အခုကတော့ ပါတီတခုထဲကိုပဲ ဖိဖိစီးစီး လုပ်ကြမှာပေါ့လေ” ဟု ရန်ကုန်တိုင်း ပါတီတာဝန်ရှိသူတဦးက မဇ္ဈိမကို ပြောသည်။

ထိပ်ပိုင်းခေါင်းဆောင်များ အစိုးရသစ်တွင် တာဝန်များ ရရှိသွားပြီးနောက် ပါတီတွင်း၌ အဓိက နေရာရလာနိုင်သူအဖြစ် အများက ထင်ကြေးပေးခံရသည့် ရန်ကုန်မြို့တော်ဝန်ဟောင်း ဦးအောင်သိန်းလင်းသည် ထိပ်ပိုင်းနေရာများနှင့် လွဲချော်ကာ ရန်ကုန်တိုင်း တာဝန်ခံရာထူးနှင့်ပင် ကျေနပ်ခဲ့ရသည်။

ဦးအောင်သိန်းလင်း အရွေးခံသည့် တောင်ဥက္ကပမြို့နယ်ရှိ လမ်းများကို ခင်းကျင်းရန် ငွေကြေးထုတ်ပေးခဲ့သော်လည်း မပြီးပြတ်ခဲ့သလို၊ နိုင်ငံရေးဘက်၌တွင်ပါ ဆက်ဆံရေး မပြေပြစ်ဟု ပါတီလုပ်ဖော်ကိုင်ဘက်များ အဆိုအရ သိရသည်။ ထို့ပြင် ပိုင်ရှင်ရှိ မြေကွက်များကို အလွဲသုံးစား ပြုမှုဖြင့်ပါ နာမည်ထွက်နေသေးသည်။

ထို့အတူ ပါတီက ထူထောင်ခဲ့သည့် နာရေးကူညီမှုအသင်းပါ ပျက်စီးယိုယွင်းနေပြီဟု ပါတီတွင်းသတင်းများက ဆိုပြီး၊ ရွေးကောက်ပွဲ မတိုင်ခင်ကတည်းက လက်စမသတ်ခဲ့သည့် ရန်ကုန်တိုင်း အရှေ့ပိုင်းခရိုင်ရှိ လမ်းများမှာလည်း မပြီးပြတ်သေးကြောင်း သိရသည်။

ယခုအခါ ကြံ့ဖွံ့ပါတီ၏ ထိပ်ပိုင်းခေါင်းဆောင်များအကြား အာဏာခွဲဝေရာ၌ မကျေလည်မှုများ ရှိနေသဖြင့် စည်းရုံးရေး ကိစ္စများ၌ပါ အားနည်းလာနေကာ၊ အစိုးရသစ်တွင် တာဝန်ယူထားသူများ၏ ဝင်ရောက်ချယ်လှယ်မှုများကြောင့် မကျေမနပ် ဖြစ်နေကြကြောင်း ပါတီတာဝန်ရှိသူများက ထုတ်ဖော်ပြောဆိုလာသည်။

ကြံ့ဖွံ့ပါတီကို ၁၉၉၃ ခုနှစ်မှစ၍ ၁၇ နှစ်ကြာ လူမှုရေးအသင်းအဖြစ် စစ်အစိုးရက ထူထောင်ခဲ့ပြီး၊ နာယက အဖြစ် ဦးသန်းရွှေနှင့် ဒုဗိုလ်ချုပ်မှူးကြီးဟောင်း ဦးမောင်အေးတို့က ဦးဆောင်လာခဲ့ပြီး ၂ဝ၁ဝ ရွေးကောက်ပွဲ မတိုင်မီ ပါတီအဖြစ် အသွင်ပြောင်းခဲ့သည်။

ရွေးကောက်ပွဲတွင် လွှတ်တော် ၃ ရပ်ပေါင်း မဲဆန္ဒနယ် ၁,၁၅၄ အနက် ကြံ့ဖွံ့က ၈၈၂ နေရာ (၇၆.၅ ရာခိုင်နှုန်း) ဖြင့် အနိုင်ရခဲ့သည်ဟု စစ်အစိုးရ ကြေညာခဲ့သည်။

စာရေးဆရာ ဝေမှူးသွင်ကို ဖမ်းဆီး

By မအေးအေးမာ တနင်္လာ, 09 မေ 2011


အမျိုးသား ဒီမိုကရေစီ အဖွဲ့ချုပ်က ဆောင်ရွက်နေတဲ့ နိုင်ငံရေး အကျဉ်းသားတွေ လွတ်မြောက်ရေး လက်မှတ်ရေးထိုး လှုပ်ရှားမှုမှာ ပူးပေါင်း ပါဝင်နေခဲ့သူ စာရေးဆရာ ဝေမှူးသွင်ကို အာဏာပိုင်တွေက ဖမ်းဆီးသွားတယ်လို့ အမျိုးသား ဒီမိုကရေစီ အဖွဲ့ချုပ်ရဲ့ တက်ကြွ လှုပ်ရှားသူတွေက ပြောပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် မအေးအေးမာက တင်ပြပေးထားပါတယ်။

အမျိုးသား ဒီမိုကရေစီ အဖွဲ့ချုပ်က ပြုလုပ်တဲ့ နိုင်ငံရေး အကျဉ်းသားများ လွတ်မြောက်ရေး လက်မှတ်ရေးထိုးတဲ့ လှုပ်ရှားမှုမှာ စာရေးဆရာတွေ၊ အနုပညာရှင်တွေရဲ့ လက်မှတ်တွေ ပါဝင်ဖို့အတွက် စာရေးဆရာ ဝေမှူးသွင်က အကူအညီပေးပြီး တက်ကြွစွာ လုပ်ဆောင်ခဲ့ပြီးနောက် ဖမ်းဆီးခံရတာဖြစ်ကြောင်း အမျိုးသား ဒီမိုကရေစီ အဖွဲ့ချုပ် တောင်ဒဂုံမြို့နယ် စည်းရုံးရေး ကော်မတီဝင် တဦးက အခုလို ပြောပြပါတယ်။

“ဝေမှူးသွင်က စာရေးဆရာဗျ၊ သူက မင်္ဂလာတောင်ညွန့်မှာ နေတယ်။ စနေနေ့ နေ့လယ် ၁ နာရီလောက်က SB က သူ့အိမ်ကို ၀ိုင်းပြီးတော့ ဝေမှူးသွင်ကို ဖမ်းသွားတာ။ သူ့ကို ဘာလို့ ဖမ်းလဲဆိုတော့ နိုင်ငံရေး အကျဉ်းသားများ လွတ်မြောက်ရေးအတွက် လက်မှတ်လိုက်ထိုးတဲ့ Campaign တခု ကျနော်တို့ လုပ်နေကြတယ်။ အဲဒီဟာနဲ့ ပတ်သက်ပြီး ဝေမှူးသွင်က အဲဒီလက်မှတ်တွေကိုလည်း သူက လိုက်ထိုးတယ်၊ စာရေးဆရာအုပ်စု၊ သူ့ရဲ့ သူငယ်ချင်း ရေးဖော် ရေးဘက်တွေရဲ့ လက်မှတ်တွေကို နိုင်ငံရေး အကျဉ်းသားများ လွတ်မြောက်ရေးအတွက် ထိုးပေးဖို့ လိုက်တောင်းတယ်။

“အဲဒီလို တောင်းခံတဲ့အပြင် နိုင်ငံတော်ကို အကြည်ညို ပျက်စေတဲ့ သရော်စာ တစောင်ကိုပါ သူက ပူးတွဲပြီး ဝေတယ်လို့ ကြားတယ်။ အဲဒီအတွက် သူ့ကို စနေနေ့ နေ့လယ် ၁ နာရီလောက်က သူ့အိမ်ကို SB တွေ နယ်မြေခံရဲတွေ ၀ိုင်းပြီးတော့ ဖမ်းသွားကြတယ်လို့ သိရတယ်။ အခုလည်း သူ့အိမ်ကို SB တွေ နယ်မြေခံရဲတွေက စောင့်နေကြတယ်။”

ကိုဝေမှူးသွင်ဟာ ၁၉၈၈ ခုနှစ် ကာလက လှုပ်ရှားမှုမှာ ပါဝင်ခဲ့တာတွေ ရှိသလို ပြီးခဲ့တဲ့နှစ်က ပြုလုပ်ခဲ့တဲ့ ၂၀၁၀ ရွေးကောက်ပွဲကာလ အတွင်းမှာ ပါတီတခုဖြစ်တဲ့ မြန်မာ့ ဒီမိုကရေစီ ကွန်ဂရက် ပါတီရဲ့ ခေါင်းဆောင်အဖြစ်လည်း တာဝန်ယူခဲ့ပါတယ်။ ဒီနောက်မှာတော့ နိုင်ငံရေး အကျဉ်းသား လွတ်မြောက်ရေး လက်မှတ်ထိုးတဲ့ လှုပ်ရှားမှုမှာ တက်တက်ကြွကြွနဲ့ ပါဝင်လာတာလည်း ဖြစ်ပါတယ်။

နိုင်ငံရေး အကျဉ်းသားတွေ အမြန်ဆုံး ပြန်လွှတ်ပေးဖို့အတွက် လိုအပ်နေပြီ ဖြစ်ကြောင်းကိုလည်း လက်မှတ်ရေးထိုး လှုပ်ရှားနေသူတွေက ဆက်လက် ပြောပြပါတယ်။

“လက်မှတ်ထိုးတယ် ဆိုတာက နဂိုကတည်းက နိုင်ငံရေး အကျဉ်းသားတွေကို နိုင်ငံတကာ စံနှုန်းမှာဆိုရင် ရွေးကောက်ပွဲတို့ လွှတ်တော်တို့ ခေါ်ပြီးပြီဆိုရင် လွှတ်ပေးတဲ့ ထုံးစံတွေ ရှိကြတယ်။ အခုတက်လာတဲ့ အစိုးရ သမ္မတကြီး ကိုယ်တိုင်က လွှတ်ပေးမှု မရှိသေးတဲ့အတွက် ကျနော်တို့က နိုင်ငံရေး အကျဉ်းသားများကို လွှတ်ပေးဖို့ မေတ္တာရပ်ခံတဲ့ အနေနဲ့ စည်းရုံးပြီး လှုပ်ရှားနေတဲ့ သဘောပါ။ အဲဒီအပေါ်မှာလည်း ကိုဝေမှူးသွင် အနေနဲ့ သူကလည်း စာရေးဆရာတွေရဲ့ လက်မှတ်တွေ ရဖို့ ဆောင်ရွက်ခဲ့တာပါ။ အမှန်တကယ်ကတော့ နိုင်ငံတော် အစိုးရ ကိုယ်တိုင်က ဒါတွေကို လွှတ်ပေးခဲ့ရင် ကောင်းတာပေါ့ဗျာ။”

အခုလို နိုင်ငံရေး အကျဉ်းသားတွေ လွတ်မြောက်ရေး လက်မှတ်ရေးထိုးမှု လုပ်နေတဲ့ စာရေးဆရာ ဝေမှူးသွင်နဲ့ ပတ်သက်ပြီး နောက်ဆုံးသတင်းတွေအရ သူ့ကိုဖမ်းဆီးတာဟာ မူးယစ်ဆေးဝါး သုံးစွဲတာကြောင့် ဖမ်းတာလို့လည်း အတည်မပြုနိုင်တဲ့ သတင်းတွေအရ ကြားနေရပါတယ်။ အာဏာပိုင်တွေဘက်ကတော့ ဘာကြောင့် ဖမ်းဆီးသလဲ ဆိုတာကို အတည်ပြု ပြောကြားခြင်း မရှိသေးပါဘူး။



ဦးအောင်သိန်းလင်း ငွေကြေးအလွဲသုံးစာမှုဖြင့် မေးမြန်းရန် ဆင့်ခေါ်ခံရ
ဧရာဝတီ Monday, 09 May 2011 19:38

ရန်ကုန်မြို့တော်ဝန်ဟောင်း ဦးအောင်သိန်းလင်းသည် တာဝန် ထမ်းဆောင်ခဲ့စဉ်က ကျပ်သန်း ထောင်ချီကာ ငွေကြေး အလွဲသုံးစားမှုကြောင့် ဧပြီလနှောင်းပိုင်းမှစ၍ စစ်ဆေးမေးမြန်းရန် အာဏာပိုင်များ၏ ဆင့်ခေါ်ခြင်း ခံထားရကြောင်း သတင်းများ ထွက်ပေါ်နေသည်။



ဗိုလ်မှူးချုပ်ဟောင်း ဦးအောင်သိန်းလင်းသည် ၂၀၀၃ ခုနှစ်မှ ၂၀၁၁ ခုနှစ်ထိ မြို့တော်ဝန်တာဝန် ထမ်းဆောင်ခဲ့သည့် ကာလအတွင်း ရန်ကုန်မြို့တော် စည်ပင်သာယာရေး ကော်မတီပိုင် ငွေကြေးများအား ကိုယ်ကျိုးစီးပွားအတွက် အသုံးပြုခဲ့ကြောင်း၊ အလွဲသုံးစားလုပ်ထားသော ငွေကြေးပမာဏမှာ အနည်းဆုံး ကျပ်သန်းပေါင်း ၂ ထောင်ကျော် (အမေရိကန်ဒေါ်လာ ၂ သန်းဝန်းကျင်) ရှိကြောင်း အတည်မပြုနိုင်သော သတင်းအရ သိရသည်။

ထိုငွေကြေးအား မည်သည့်နေရာ၌ သုံးစွဲခဲ့ကြောင်း ရှင်းလင်းပေးရန် လက်ရှိ ရန်ကုန်မြို့တော်ဝန်သစ် ဦးလှမြင့်မှ ခေါ်ယူသော်လည်း လာရောက်ဖြေရှင်းမှု မရှိဟု ရန်ကုန် စည်ပင်သာယာရေး ၀န်ထမ်းတချို့က ပြောသည်။

လက်ရှိ ရန်ကုန်မြို့တော်ဝန် ရာထူးကို အငြိမ်းစား ဗိုလ်မှူးကြီးဟောင်းနှင့် သံတမန်ဟောင်းတဦးဖြစ်သူ ဦးလှမြင့်က တာဝန်ယူထားသည်။

လမ်းတံတားဌာနမှ ၀န်ထမ်းတဦးက “သူ မြို့တော်ဝန်ဖြစ်တုန်းက လာဘ်ယူထားတဲ့ မြေကွက်တွေက ရာချီရှိပါတယ်။ တိုက်ခန်းတွေလည်း အများကြီးပါ။ လမ်းခင်းမယ်ဆိုပြီး တင်ထားတဲ့ ဘတ်ဂျက်တွေကလည်း အများကြီးပါ။ သူခင်းသွားတဲ့လမ်းတွေရဲ့ ကုန်ကျစရိတ်က ဘတ်ဂျက်ရဲ့ အနည်းစုပဲရှိတယ်” ဟု ဆိုသည်။

အထက်ပါ သတင်းများနှင့်ပတ်သက်၍ ဦးအောင်သိန်းလင်းအား ဧရာဝတီက ယနေ့ ဆက်သွယ်ခဲ့သော်လည်း ဆက်သွယ်မရခဲ့ပေ။

ငွေကြေးအလွဲသုံးစားမှုများနှင့် ပတ်သက်၍ ဦးအောင်သိန်းလင်း ဖမ်းဆီးစစ်ဆေးခံနေရသည်ဟု ကောလာဟလများလည်း ထွက်ပေါ်ခဲ့သည်။ ယင်းသတင်းနှင့် ပတ်သက်၍ ဦးအောင်သိန်းလင်း၏ သားမက်တော်စပ်သူ ဗိုလ်ကြီးဟောင်း ဦးကျော်သူစိုးကို ဧရာဝတီက ယနေ့ ဆက်သွယ်မေးမြန်းရာ ထိုသတင်းမှာ မှန်ကန်မှုမရှိဟု ဖြေကြားသည်။

ဦးအောင်သိန်းလင်းသည် လက်ရှိအာဏာရ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) ၏ ဗဟိုအလုပ်မှုဆောင်တဦးနှင့် ရန်ကုန်တိုင်း ပါတီတာဝန်ခံတဦးလည်းဖြစ်သည်။

ဦးအောင်သိန်းလင်းသည် ကြံ့ဖွံ့ပါတီမှ ပြည်သူ့လွှတ်တော် ကိုယ်စားလှယ်အဖြစ် တောင်ဥက္ကလာပမြို့နယ်မှ ၀င်ပြိုင်ခဲ့ရာ အနိုင်ရခဲ့သော်လည်း တခြားကြံ့ဖွံ့ပါတီ ကိုယ်စားလှယ် အများစုကဲ့သို့ မဲလိမ်၊ မဲခိုးမှုများဖြင့် အနိုင်ရခဲ့ခြင်းဖြစ်ကြောင်း ဝေဖန်ခံခဲ့ရသူလည်း ဖြစ်သည်။

ရန်ကုန်မြို့ရှိ ရွှေပြည်သာ၊ ဒဂုံမြို့သစ် (တောင်၊ မြောက်) စသည့် မြို့နယ်များ၏ မြေကွက်အများအပြားကိုလည်း ဦးအောင်သိန်းလင်း ပိုင်ဆိုင်ထားပြီး မန္တလေးတိုင်း၊ သာစည်မြို့နယ်၌ ရန်ကုန်မြို့တော် စည်ပင်သာယာမှ တည်ဆောက်ထားသော မြို့တော်ဘိလပ်မြေစက်ရုံ စီမံကိန်းမှလည်း ကျပ်ငွေသန်းရာချီကာ အလွဲသုံးစား လုပ်သွားခဲ့ကြောင်းသိရသည်။

ပြီးခဲ့သည့် မတ်လကုန်တွင် အစိုးရသစ် အပြောင်းအလဲ ပြုလုပ်ခဲ့ပြီးနောက် ဦးအောင်သိန်းလင်းသည် မြို့တော်ဝန်ရာထူးအား လက်လွှတ်ခဲ့ရသည်။

စစ်အစိုးရလက်ထက်တွင် စစ်ဗိုလ်ချုပ်များ၊ ဝန်ကြီးများ၊ ဒေသဆိုင်ရာ အာဏာပိုင်များသည် နိုင်ငံတော် သယံဇာတနှင့် ပစ္စည်းများကို အလွဲသုံးစားလုပ်မှုများ၊ လာဘ်စားမှုများ၊ အဂတိလိုက်စားမှုများ ပြုလုပ်ခဲ့ကြသည်။


ကော့ကရိတ် တိုက်ပွဲများတွင် နှစ်ဘက် ထိခိုက်သေကျေမှုရှိ
ဧရာဝတီ Monday, 09 May 2011 19:24

ကရင်ပြည်နယ် ကော့ကရိတ်မြို့နယ် အတွင်း ယခုရက်ပိုင်းတွင် ဖြစ်ပွားခဲ့သည့် ကရင်ပူးပေါင်းတပ်များနှင့် မြန်မာအစိုးရ စစ်တပ်တို့၏ တိုက်ပွဲများကြောင့် နှစ်ဘက်ထိခိုက် သေကျေမှုများ ရှိသည်ဟု ကရင် တပ်မှူး များက ပြောသည်။

ယမန်နေ့ မွန်းလွဲ ၂ နာရီခန့်က ကော့ကရိတ်မြို့နယ် ဝေါ်လေဒေသ ဖောမူ့ဘောထာ့ရွာတွင် ကရင် အမျိုးသား လွတ်မြောက်ရေးတပ်မတော် (KNLA) တပ်ရင်း ၂၀၁ နှင့် ကနဲလေးရွာ အခြေစိုက် မြန်မာ အစိုးရ၏ ခြေမြန်တပ်ရင်း (ခမရ - ၃၇၂) တို့ တိုက်ပွဲဖြစ်ပွားခဲ့ရာ မြန်မာစစ်တပ်ဘက်က တပ်ဖွဲ့ဝင် ၆ ဦး သေဆုံးပြီး ၇ ဦး ဒဏ်ရာ ရရှိခဲ့ကြောင်း သိရသည်။

KNLA တပ်ရင်း ၂၀၁ မှ ဗိုလ်ခုဝါးက “မနေ့က ကျနော်တို့ ပြောက်ကျားနည်းနဲ့ သွားတိုက်တာ သူတို့ဘက်က အကျအဆုံး များတယ်။ အားလုံး ၆ ယောက်ကျတယ်။ လက်နက်၊ လူသူနဲ့ အင်အားခြင်းက ကွာတော့ ကျနော်တို့ ဒီနည်းကိုပဲ သုံးတယ်” ဟု ပြောသည်။

ယခုရက်ပိုင်း အတွင်း ကရင်ပြည်နယ် ကော့ကရိတ်မြို့နယ် ချူးကလိဒေသတွင် ဖြစ်ပွားခဲ့သည့် တိုက်ပွဲ တွင်လည်း KNLA ဘက်မှ တပ်ဖွဲ့ဝင်တချို့ ဒဏ်ရာရရှိခဲ့ရာ တပ်ဖွဲ့ဝင် ၂ ဦး မှာ ထိုင်း - မြန်မာနယ်စပ်တွင် ဆေးဝါးကုသမှု ခံယူလျှက် ရှိသည်ဟု သိရသည်။

မေ လဆန်းပိုင်းကစ၍ ကရင်ပြည်နယ် ကြာအင်းဆိပ်ကြီးမြို့နယ် ကျိုက်ဒုံဒေသတွင် ရက်သတ္တ ၁ ပတ်ခန့် ကြာသည်အထိ ဖြစ်ပွားခဲ့သော တိုက်ပွဲ၌ တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်မဟာ ၅ အဖွဲ့မှ တပ်ဖွဲ့ဝင် ၂ ဦးကျဆုံးပြီး တချို့ ဒဏ်ရာရရှိခဲ့သည်ဟု ဒေသခံတဦးက ပြောသည်။

၎င်း တိုက်ပွဲကြောင့် ကျိုက်ဒုံဒေသခံ ရွာသား ၁၀၀၀ ကျော် ထိုင်းဘက်ခြမ်းရှိ အုန်းဖန်မြို့နယ် အတွင်း ထွက်ပြေး ရောက်ရှိလာခဲ့ပြီး တိုက်ပွဲများအပြီးတွင် ထိုင်းအာဏာပိုင်များက နေရပ်သို့ ပြန်ပို့ခဲ့သည်ဟု သိရသည်။


ဘင်လာဒင် ခိုအောင်းခဲ့မှုမှာ ကြံရာပါ မဟုတ်ဟု ပါကစ္စတန် ၀န်ကြီးချုပ် ဂီလာနီ ခုခံ

By ဗွီအိုအေ (မြန်မာဌာန) တနင်္လာ, 09 မေ 2011

ပါကစ္စတန်နိုင်ငံမှာ အယ်လ်ခိုင်းဒါး (Al-Qaida) ခေါင်းဆောင် ပုန်းအောင်နိုင်တာဟာ အရည်အချင်းရှိရှိ မအုပ်ချုပ်နိုင်တာကြောင့် ဖြစ်တယ်ဆိုတဲ့ ပြောဆိုချက်တွေကို ပါကစ္စတန် ၀န်ကြီးချုပ်က ပယ်ချလိုက်ပါတယ်။ အမေရိကန် တပ်တွေက ၀င်ရောက်စီးနင်း တိုက်ခိုက်ခဲ့လို့ အိုစမာ ဘင်လာဒင် (Osama Bin Laden) သေဆုံးသွားတာက ဒီအချက်ကို လက်တွေ့ ပြသနေပါတယ်လို့ စွပ်စွဲ ပြောဆိုသူတွေက ဆိုကြပါတယ်။

တနင်္လာနေ့က လွှတ်တော်မှာ မိန့်ခွန်းပြောကြားရာမှာ အဲဒီလို စွပ်စွဲချက်တွေက အဓိပ္ပာယ် မရှိပါဘူးလို့ ယူဆွတ်ဖ် ရာဇာ ဂီလာနီ (Yousuf Raza Gilani) က ပြောလိုက်ပါတယ်။ ထောက်လှမ်းရေးဌာန အပါအ၀င် ပါကစ္စတန် အာဏာပိုင်တွေဟာ အယ်ခိုင်းဒါးနဲ့ ချိတ်ဆက် ချိန်ညှိထားတာတွေ ရှိနေတယ်လို့ ပြောဆိုတာတွေဟာ မရိုးသားရာ ကျတယ်လို့ သူက ဆိုပါတယ်။

ပါကစ္စတန်နိုင်ငံ အဘော့တာဘက် (Abbottabad) မြို့က ဘင်လာဒင်ရဲ့ အိမ်ဝင်းကို ပြီးခဲ့တဲ့ အပတ်အတွင်းက အမေရိကန် အထူးတပ်တွေက ၀င်ရောက် စီးနင်းခဲ့ကြတာပါ။

ပါကစ္စတန် မြေပေါ်မှာ တဖက်သတ် သူ့သဘောနဲ့သူ လုပ်သွားတဲ့ လုပ်ရပ်တွေကို ဆန့်ကျင်ကြောင်း ၀န်ကြီးချုပ် ဂီလာနီက သတိပေးလိုက်ပါတယ်။ တချိန်တည်းမှာပဲ အမေရိကန်နဲ့ ဆက်ဆံရေး ခိုင်မာတာကိုလည်း ပြောဆိုလိုက်ပါတယ်။

အမေရိကန်နဲ့ ပါကစ္စတန်တို့ရဲ့ တွဲဖက်မှုမှာ နှစ်ဦးနှစ်ဝ အကျိုးစီးပွားတွေကို ဖြည့်ဆည်းနိုင်ပြီး အပြန်အလှန် လေးစားယုံကြည်မှု အပေါ်မှာ အခြေခံထားတာ ဖြစ်တယ်လို့ သူက ဆိုပါတယ်။

ပါကစ္စတန်ရဲ့ ဦးစားပေး လုပ်ငန်းကတော့ အကြမ်းဖက်ဝါဒကို ဖယ်ရှားရေး ဖြစ်တယ်လို့ ၀န်ကြီးချုပ်က အမတ်တွေကို ပြောပါတယ်။ အကြမ်းဖက် ဆန့်ကျင်ရေး တိုက်ပွဲမှာ လူပေါင်း ၃၀,၀၀၀ နဲ့ လုံခြုံရေး တပ်ဖွဲ့ဝင်ပေါင်း ၅,၀၀၀ သေဆုံးခဲ့ရပြီး ဖြစ်တယ်လို့ သူက ဆိုပါတယ်။

ပါကစ္စတန်မှာ ဘင်လာဒင် ဘယ်လိုများ ခိုအောင်းသွားနိုင်ခဲ့တာလဲ ဆိုတာကို စုံစမ်းစစ်ဆေးဖို့ သူက အမိန့််ပေးလိုက်ပါတယ်။ ဘင်လာဒင် သေဆုံးသွားတာဟာ တရားမျှတမှု ဖြစ်တယ်လို့ သူက ပြောလိုက်ပါတယ်။

အရင် ၀န်ကြီးချုပ် နာဝပ်ဇ် ရှရစ်ဖ် (Nawaz Sharif) ဦးဆောင်တဲ့ အဓိက အတိုက်အခံ ပါတီရဲ့ ပါတီဝင်တွေကတော့ အမေရိကန်ရဲ့ ဘင်လာဒင် စစ်ဆင်ရေးဟာ ပါကစ္စတန် အချုပ်အခြာ အာဏာကို ချိုးဖောက်တာ ဖြစ်တယ်လို့ ဝေဖန်ကြပါတယ်။ သူတို့ ဝေဖန်ချက်တွေ ထွက်ပေါ်လာ အပြီးမှာ ၀န်ကြီးချုပ်က အခုလို ပြောဆိုတာ ဖြစ်ပါတယ်။


ရွေးကောက်ပွဲ ကျင်းပဖို့ ထိုင်းလွှတ်တော် ဖျက်သိမ်း

By ဗွီအိုအေ (မြန်မာဌာန) တနင်္လာ, 09 မေ 2011

ဇူလိုင်လ ၃ ရက်နေ့မှာ ရွေးကောက်ပွဲ ကျင်းပဖို့အတွက် ထိုင်းဘုရင် ဘူမိဘော အဒူယာဒက်ဂ်ျ (Bhumibol Adulyadej) က လွှတ်တော်ကို ဖျက်သိမ်းလိုက်ပါတယ်။ ဘုရင်ရဲ့ ဆုံးဖြတ်ချက်ဟာ ပါတီတွေ ပြင်းပြင်းထန်ထန် မဲဆွယ်စည်းရုံးကြဖို့ စတင်ဖွင့်ပေးလိုက်တာ ဖြစ်ပါတယ်။

ဝန်ကြီးချုပ် အဘီဆစ် ၀ိတ်ဂျာဂျီဝ (Abhisit Vejjajiva) နဲ့ အရင်ဝန်ကြီးချုပ် တပ်ခ်ဆင် ရှင်နာဝပ် (Thaksin Shinawatra) တို့ရဲ့ နောက်လိုက်တွေကြားမှာ ဒီနှစ် မဲဆွယ်စည်းရုံးရေးက ပြင်းထန်စရာ ရှိတယ်လို့ မျှော်လင့်ထားကြပါတယ်။

နိုင်ငံရေး မတည်ငြိမ်မှုတွေကြောင့် ထိုင်းနိုင်ငံဟာ အထိနာခဲ့ရပြီး ၂၀၀၆ ခုနှစ် အာဏာသိမ်းပွဲမှာ မစ္စတာ တပ်ခ်ဆင် ပြုတ်သွားခဲ့ကတည်းက နိုင်ငံအတွင်းမှာ အကွဲကြီး ကွဲနေခဲ့ရပါတယ်။ မစ္စတာ တပ်ခ်ဆင်ရဲ့ မဟာမိတ်တွေက ပြီးခဲ့တဲ့ ရွေးကောက်ပွဲတွေမှာ နိုင်ခဲ့ပေမဲ့ အစိုးရ ၂ ဆက်လုံးဟာ ဥပဒေ အဆုံးအဖြတ်ကြောင့် ပြုတ်ခဲ့ရတာ ဖြစ်ပါတယ်။

မစ္စတာ အဘီဆစ်ရဲ့ ဒီမိုကရက် ပါတီဟာ တခြားပါတီတွေနဲ့ ညွန့်ပေါင်းဖွဲ့ပြီး ၂၀၀၈ ခုနှစ်မှာ အာဏာရရှိလာခဲ့တာ ဖြစ်ပါတယ်။ ဒါပေမဲ့ မစ္စတာ တပ်ခ်ဆင်ဟာ ကျေးလက်နဲ့ အလုပ်သမား လူတန်းစား အတွင်းမှာ ကျယ်ကျယ်ပြန့်ပြန့် ထောက်ခံမှု ရရှိနေဆဲပါ။

မစ္စတာ အဘီဆစ်ရဲ့ အစိုးရဟာ အခွင့်ထူးရ လူတန်းစားတွေနဲ့ နီးစပ်လွန်းတယ်လို့ အဲဒီ အခြေခံ လူတန်းစားတွေက မြင်ကြပါတယ်။



အီဂျစ် မြန်မာသံရုံးက အကူအညီမပေး
2011-05-09 RFA

ဂျော်ဒန်နိုင်ငံ ဟာဆန်းမြို့ အိုအေစစ် အထည်ချုပ်စက်ရုံက လစာငွေတိုးမြင့်ရေးအတွက် အလုပ်မဆင်းဘဲဆန္ဒပြနေတဲ့ မြန်မာအလုပ်သမားတွေရဲ့ တောင်းဆိုချက်ကို အလုပ်ရှင်က ငြင်းပယ်လိုက်ကြောင်းသိရပါတယ်။


ဒါပေမဲ့ ဂျော်ဒန်နိုင်ငံမှာအလုပ်လုပ်ကိုင်နိုင်ဖို့ အတွက် စီစဉ်ပေးတဲ့ ရန်ကုန်မြို့ က အလုပ်အကိုင် ရှာဖွေရေးအဖွဲ့ ရဲ့ ကိုယ်စားလှယ်က အလုပ်သမားတွေကို လာရောက်ညှိနှိုင်းနေတယ်လို့  ဆန္ဒပြအလုပ်သမား ကိုတီဒီထွန်းက RFA ကိုပြောပါတယ်။ ရန်ကုန်မြို့မှာ ပွဲစားနဲ့ စာချုပ်ချုပ်စဉ်က ကတိပေးခဲ့တဲ့ အတိုင်း လစာ မရရှိတဲ့အပြင် စားစရိတ် ၁၅ ဒေါ်လာ ဖြတ်တောက်ခဲ့ကြောင်း၊ ကျန်းမာရေး စောင့်ရှောက်မှု ကုန်ကျစရိတ်တွေလည်း ထုတ်မပေးတာကြောင့် အလုပ်သမားတွေက ပြီးခဲ့တဲ့ ဧပြီ ၂၄ ရက်နေ့ က အလုပ်မဆင်းဘဲ ဆန္ဒပြခဲ့ကြတာ ဖြစ်ပါတယ်။

ပြီးခဲ့တဲ့ရက်မှာ အလုပ်ရှင်က အလုပ်သမားတွေကို စားစရိတ်ကို ၅ ဒေါ်လာ လျှော့ပေါ့ပြီး ၁၀ ဒေါ်လာဘဲ ဖြတ်တောက်မဲ့အကြောင်းနဲ့ ရက်မှန်ကြေး ၁၀ ဒေါ်လာကို ၁၅ ဒေါ်လာ အထိ တိုးပေးမဲ့အကြောင်း ညှိနှိုင်းခဲ့တယ်လို့ သိရပါတယ်။ အလုပ်သမားတွေက လက်မခံခဲ့ဘဲ ဆက်လက် ဆန္ဒပြနေတဲ့အတွက် အလုပ်ရှင်က သူတို့ကို အလုပ်ပြန်ဆင်းဖို့ ဖိအားပေးခဲ့ကြောင်းနဲ့ အလုပ်သမားတွေက လက်မခံခဲ့ကြောင်းလည်း သိရပါတယ်။ ဒီကိစ္စနဲ့ ပတ်သက်ပြီး ဆန္ဒပြ အလုပ်သမားတွေက အီဂျစ်နိုင်ငံက မြန်မာသံရုံးကို ဆက်သွယ်တိုင်ကြားခဲ့ပေမဲ့ သံရုံးက မကူညီတဲ့အပြင် အလုပ်သမားတွေကို ပြစ်တင် ပြောဆိုနေကြောင်း သိရပါတယ်။


နိုင်ငံရေး အကျဉ်းသားအားလုံး လွတ်မြောက်လိမ့်မည်ဟု မွန်နိုင်ငံရေး အကျဉ်းသား မျှော်လင့်
May 9th, 2011 နိုင်မာန် -


အစိုးရသစ် ပေါ်ပေါက်ပြီးနောက်တွင် နိုင်ငံရေး အကျဉ်းသား အားလုံးကို လွတ်ငြိမ်းချမ်းသာခွင့် ပေးလိမ့်မည်ဟု မျှော်လင့်ကြောင်း မွန်နိုင်ငံရေး အကျဉ်းသား နိုင်ယက္ခက ပြောသည်။

၂၀၁၀ ရွေးကောက်ပွဲ မတိုင်မီကပင် ယခုကဲ့သို့ မျှော်လင့်ခဲ့ကြောင်းကို လွန်ခဲ့သည့် သီတင်းပတ်က ထောင်ဝင်စာတွေ့ခဲ့သည့် ဇနီးဖြစ်သူ မိချစ်ခင်အား ပြောကြားခဲ့သည်။


“သူက အစိုးရသစ် ပေါ်ပြီးရင် နိုင်ငံရေး အကျဉ်းသားအားလုံးကို လွှတ်ပေးမယ်လို့ ယုံကြည်ထားတယ်။ ကျမအနေနဲ့လည်း အဲဒီလိုပဲ ဖြစ်စေချင်တယ်။ ရွေးကောက်ပွဲ မတိုင်ခင်ကလည်း သူလွတ်လိမ့်မယ်လို့ ကျမကို ပြောခဲ့သေးတယ်။ ကျမ သူ့ကို သွားတွေ့တိုင်းလည်း အဲဒီလိုပဲ အမြဲပြောတယ်” ဟု မိချစ်ခင် က ပြောသည်။

လွတ်ငြိမ်းချမ်းသာခွင့် ရရှိပါက တရားဝင် နိုင်ငံရေးပါတီတွင် နိုင်ငံရေး လုပ်လိုကြောင်းလည်း နိုင်ယက္ခက ဇနီးဖြစ်သူကို ပြောဆိုခဲ့သည်။

နိုင်ယက္ခသည် မွန်ပြည်သစ်ပါတီတွင် စည်းရုံးရေးမှူးတဦး ဖြစ်ပြီး မွန်ပြည်သစ်ပါတီနှင့် စစ်အစိုးရ အပစ်ခတ် ရပ်စဲပြီးနောက် ရဟန်းသံဃာတော်များနှင့် လူငယ်များအားနိုင်ငံရေးသင်တန်းများ ပို့ချခြင်းကြောင့် မွန်လူမျိုးများအကြား လူသိများခဲ့သည်။

နိုင်ယက္ခ၊ နိုင်မျိုးသွေးနှင့် အပေါင်းပါ (၅) ဦးကို လမ်းပြကြယ်အဖွဲ့ ခေါင်းဆောင် ရှေ့နေ ဦးအေးမြင့်၊ Eleven အားကစားဂျာနယ် အယ်ဒီတာ ကိုဇော်သက်ထွေးနှင့်အတူ ၂၀၀၃ ခုနှစ်ဇူလိုင်လ ၁၇ ရက်နေ့တွင် အာဏာပိုင်များက ဖမ်းဆီးခဲ့သည်။

နိုင်ငံတော် ပုန်ကန်ရန် ကြံစည်မှုဖြင့် ၂ဝဝ၃ ခုနှစ် နိုဝင်ဘာလ ၂၈ ရက်တွင် သေဒဏ်စီရင်ခြင်း ခံခဲ့ရသော်လည်း အယူခံဝင်ရာမှ ထောင်ဒဏ်တသက်တကျွန်းသို့ ပြစ်ဒဏ် လျှော့ချပေးခဲ့သည်။

နိုင်ယက္ခကို ယခု အင်းစိန်ထောင် တိုက် (၄) အခန်း (၆) တွင် ထိန်းသိမ်းထားဆဲ ဖြစ်ပြီး၊ နိုင်မျိုးသွေးကို ၂၀၀၉ ခုနှစ်တွင် အင်းစိန်ထောင်မှ သာယာဝတီထောင်သို့ ပြောင်းရွှေ့ခဲ့သည်။

အစိုးရသစ်အနေနှင့် အကျဉ်းသားအချို့ကို လွတ်ငြိမ်းချမ်းသာခွင့် ပေးရန်ရှိသော်လည်း နိုင်ငံရေး အကျဉ်းသား ပါမပါကို အသေးစိတ် မသိရှိကြောင်း အစိုးရအဖွဲ့ဝင် ခေါင်းဆောင်တဦးကို ကိုးကားပြီး AFP သတင်းစာမျက်နှာတွင် ဖော်ပြခဲ့သည်။

မြန်မာနိုင်ငံတွင် နိုင်ငံရေး အကျဉ်းသား ၂၂၀၀ ကျော် ရှိကြောင်း လန်ဒန်အခြေစိုက် နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးက ဖော်ပြသည်။


င်ငံရေး အကျဉ်းသား လွှတ်မြောက်ရေး ရခိုင်တွင် လက်မှတ် ၅၀၀၀ ကျော် စုဆောင်း ရရှိ

နိုင်ငံရေး အကျဉ်သား လွှတ်မြောက်ရေး အတွက် ရခိုင်ပြည်နယ်မှ မြို့နယ် ခုနှစ်မြို့နယ်တွင် လက်မှတ်ရေထိုးမူကို စတင်ဆောင်ရွက်နေရာ ယခုအခါ လက်မှတ်ပေါင်း ၅၀၀၀ ကျော်ရရှိပြီ ဖြစ်ကြောင်း ပါတီ တာဝန်ရှိသူများက ပြောသည်။

အဆိုပါ လက်မှတ်ရေးထိုးမူကို စစ်တွေ၊ ရသေ့တောင်၊ တောင်ကုတ်၊ ရမ်းဗြဲ၊ မာန်အောင်၊ သံတွဲနှင့် ဂွမြို့နယ် တွင် ပြုလုပ်နေခြင်း ဖြစ်သည်။
ရခိုင်ပြည်နယ် အဖွဲ့ချုပ် တွဲဘက်အတွင်းရေးမှူး ကိုသိန်းလိူင်က “ အခု လက်မှတ်ရေးထိုးတာဟာ လူပေါင်း ၅၀၀၀ ကျော်ရရှိနေပြီလို့သိရပါတယ်။ တောင်ကုတ်မှာဆိုရင် ဧပြီလ ၂၈ ရက်နေ့က စတင်တာ ဒီကနေ့ထိ လက်မှတ် ၂၀၀၀ ကျော်ရပြီလို့ သိရပါတယ်။ စစ်တွေနဲ့ ရသေ့တောင်မှာလည်း တစ်ထောင်ကျော် ရရှိနေပြီလို့ ပါတီ(စီး) ဥက္ကဌ ဦးမောင်ကြွင်းအောင်က ပြောပါတယ်။ ရမ်းဗြဲနဲ့ မာန်အောင်မှာဆိုရင်လည်း နှစ်ထောင်ကျော် ရရှိနေပြီး ဂွမြို့နယ်ကတော့ မသိရသေးပါဘူး†ဟု ပြောသည်။

အဆိုပါ ရရှိသော လက်မှတ်များကို ရန်ကုန်မြို့ NLD ရုံးချုပ်သို့ အမြန်ဆုံး ပို့ဆောင်သွားမည် ဖြစ်ကြောင်းလည်းသူက ပြောသည်။
“ ရခိုင်ပြည်သူ လူထုတွေကတော့ စိတ်ဝင်စားကြပါတယ်။ လူတိုင်းက စစ်မှန်တဲ့ ဖက်ဒရယ် ပြည်ထောင်စုကို လိုလားနေကြတော့ ခုလို စစ်မှန်တဲ့ ပြည်ထောင်စုကို တည်ဆောက်မယ် ဆိုရင် ပထမ အဆင့်အနေနဲ့ နိုင်ငံရေး အကျဉ်းသားတွေကို အရင်ဆုံးပြန်လွှတ်ပေးဖို့လိုတယ်ဆိုတာကို လူတိုင်း သိကြပါတယ်။ ဒါကြောင့် နိုင်ငံရေး အကျဉ်းသားတွေ လွှတ်ပေးဖို့ ကျွန်တော် ပြုလုပ်နေတဲ့ လူပ်ရှားမူကို ထောက်ခံတဲ့ အနေနဲ့ လူတွေက ၀င်ရောက် လက်မှတ်ရေးထိုး ပေးကြတာ ဖြစ်ပါတယ်†ဟု သူက ပြောသည်။

ရခိုင်ပြည်နယ် ခုနှစ်မြို့နယ်တွင်သာမက တခြားကျန်မြို့နယ်များတွင်လည်း ပန်ကြားလွှာတွင် လက်မှတ်များ ပိုမို ရရှိအောင် စုဆောင်းကောက်ခံသွားမည် ဖြစ်ကြောင်းသိရသည်။

ပန်ကြားလွှာကို သမ္မတ ဦးသိန်းစိန်သို့ ပေးပို့သွားမည် ဖြစ်ပြီး ပန်ကြားလွှာထဲတွင် အမျိုးသား ပြန်လည်သင့်မြတ်ရေးအတွက် နိုင်ငံရေးအကျဉ်းသားများ ပြန်လွှတ်ပေးရေး၊ သဘောထားကွဲလွဲသူ ပြည်ပရောက် မြန်မာနိုင်ငံသားများ နေရပ်ရင်းသို့ ပြန်လည်ခေါ်ယူရေး၊ တိုင်းရင်းသား လက်နက်ကိုင် အဖွဲ့များနှင့် အပစ်အခတ်ရပ်စဲပြီး ငြိမ်းချမ်းရေးအတွက် တွေ့ဆုံဆွေးနွေးရေး တောင်းဆိုချက်များ ပါရှိကြောင်း သိရသည်။



ဂတ်စ်ကို နိုင်ငံခြားသို့ ရောင်းပြီး ဖွဲခွံဓါတ်ငွေ့ဖြင့် မီးပေးမည့် အစီအစဉ် စစ်တွေမြို့သားများ လက်ခံမည်မဟုတ်

စစ်တွေမြို့ လျှပ်စစ်မီး ရရှိရေးကို ဓါတ်ငွေ့ အပါအ၀င် ဒီဇယ် စက်များကို အသုံးမပြုဘဲ ဖွဲခွံသုံး ဓါတ်ငွေ့ဖြင့် လျှပ်စစ်မီး ပေးဝေ လာမည်ဆိုပါ မြို့လူထု အနေဖြင့် ၀ိုင်းဝန်း ဆန့်ကျင် ကန့်ကွက်သွားမည် ဖြစ်ကြောင်း စစ်တွေမှ မြို့ခံ လူကြီး တစ်ဦးက ပြောသည်။

ဒီဖွဲခွံ ဓါတ်ငွေ့သုံး စက်တွေက လေထု ညစ်ညမ်းမူကို အရမ်း ဖြစ်စေတဲ့ အပြင် သဘာဝ ပတ်ဝန်းကျင် ပျက်စီးမူကို ဖြစ်ပေါ်စေပါတယ်။ အခု စစ်တွေမှာ ဖွဲခွံစက်ကနေ ထုတ်လိုက်တဲ့ အညစ်အကြေးတွေကြောင့် သဘာဝ ပတ်ဝန်းကျင် ညစ်ညမ်းမူတွေ ဖြစ်နေတဲ့ အပြင် ရေနေ သတ္တ၀ါတွေပါ သေနေတာကို တွေ့နေရပါတယ်။ ဒါကြောင့် ဒီလို ဖွဲခွံသုံး စက်တွေကို ဆက်တည်ဆောက်မယ်ဆိုရင် တတ်နိုင်တဲ့ နည်းနဲ့ ကန့်ကွက်သွားရမှာ ဖြစ်ပါတယ် ဟု သူက ပြောသည်။

စစ်တွေမြို့ ပြည်တော်သာ ရပ်ကွက် ပြည်နယ်ရုံးနောက်တွင် တည်ရှိသော ဖွဲခွံသုံး မီးစက်မှ ထွက်ရှိသော အညစ်အကြေး အရည်များမှာ မီးစက်တည်ရှိရာ သဗ္ဗာန်ချောင်းထဲသို့ စီးဝင်နေသဖြင့် ရေနေသတ္တ၀ါများ သေဆုံးမူရှိနေပြီး သဘာဝ ပတ်ဝန်းကျင်ကိုလည်း ထိခိုက်မူ ရှိနေကြောင်း သိရသည်။

“ အရင် သဗ္ဗာန်ချောင်းထဲမှာ လူတွေက နေ့တိုင်းလိုလို ငါးရှာလို့ရတယ်။ အခု ငါးဆို တစ်ကောင်မှ ချောင်းထဲကို မ၀င်တော့ဘူး။ ချောင်းတစ်ခုလုံးက အဆိပ်သင့်သွားပြီ ဖြစ်တယ်။ ချောင်းထဲ ပေါက်ရောက် နေတဲ့ ဒီရေရောက် တောတွေလည်း ပျက်စီးနေတယ်။ ဒီလို ဖြစ်တာက ဖွဲခွံစက်က စုတ်ထုတ်ပစ်တဲ့ အရည်တွေကြောင့် ဖြစ်ပါတယ်။ ဒီလို စက်မျိုးတွေ ဆက်တည်ရင် ရှေ့မှာ ပိုထိခိုက်နိုင်ပါတယ်†ဟုသူက ပြောသည်။

ဖွဲခွံသုံး စက်ရုံမှ ထွက်လာသော အနံ့အသက်မှာလည်း အထူး ဆိုးဝါးပြီး စက်ရုံမှ ထုတ်လိုက်သော မီးခိုမှာလည်း လေထု ညစ်ညမ်းမူကို အရမ်းဖြစ်စေသည်ဟု သိရသည်။

“ အခုက ဒီစက်ရုံပိုင်ရှင် ဦးစိုးတင့်အောင်က စစ်တွေ တမြို့လုံးကို ဖွဲခွံနဲ့ မီးပေးမယ်ဆိုပြီး လျှောက်ထားတယ်လို့ သိရတယ်။ တခြား ကုမ္ပဏီ တစ်ခုကလည်း ဒီဇယ်နဲ့ တမြို့လုံးကို မီးပေးမယ်ဆိုပြီး လျှောက်ထားတယ်လို့ သိရပါတယ်။ အခုလောလောဆယ်မှာ အတည်တော့ မကျသေးဘူး။ ဘယ်သူ့ကိုမှ မပေးသေးဘူး။ ဖွဲခွံစက်တွေကို ဆက်တည်ပြီး မီးပေးဖို့ လုပ်ရင်တော့ စစ်တွေက လူတွေက အထက် နေပြည်တော်ထိ စာရေး တိုင်မယ်လို့ စီစဉ်ထားပါတယ်ဟု သူက ပြောသည်။

ဖွဲခွံ မီးစက်မှ ဖြန့်ဖြူးသော မီးမှာ အားမပြည့်သဖြင့် ကြက်ဥ အနှစ်ကဲ့သို့ ခပ်ကြန်ကြန် ဖြစ်နေပြီး မည်သည့် စက်မူ လက်မူ လုပ်ငန်းကိုမှ အဆိုပါ လျှပ်စစ်မီးဖြင့် လည်ပတ် လုပ်ကိုင်နိုင်ခြင်း မရှိကြောင်း သိရသည်။

ရခိုင်ပြည်နယ်တွင် ဓါတ်ငွေ့သိုက်များမှ ဓါတ်ငွေ့များ ထုတ်ယူနေပြီ ဖြစ်သော်လည်း ဓါတ်ငွေ့ကို ဒေသအတွင်း တစုံတရာ အသုံးမပြုဘဲ အိမ်နီးချင်း တရုတ်သို့ ရောင်းစားထားပြီး စစ်တွေ အပါအ၀င် ရခိုင်မှ မြို့များတွင် ဖွဲခွံဖြင့် လျှပ်စစ် မီးပေးရန် အစိုးရမှ စီစဉ်နေခြင်း အပေါ် ရခိုင် လူထုက အထူး မကျေမနပ် ဖြစ်နေကြောင်း သိရသည်။
ခရိုင်၊ မြို့နယ်၊ ရပ်ကွက် အုပ်ချုပ်ရေးမှူးတွေ ရာထူးအခေါ် ပြောင်းပေမဲ့ အများစု လူမပြောင်း

By ဦးမိုးဇော် တနင်္လာ, 09 မေ 2011

မြန်မာနိုင်ငံမှာ အစိုးရသစ် ပြောင်းလဲ ဖွဲ့စည်းပြီးတဲ့နောက် တိုင်းနဲ့ပြည်နယ် အသီးသီးက ရယက ခေါ် ရပ်ကွက်နဲ့ ကျေးရွာ အေးချမ်းသာယာရေးနဲ့ ဖွံ့ဖြိုးရေးကောင်စီ ဥက္ကဋ္ဌတွေကို အုပ်ချုပ်ရေးမှူး အမည်နဲ့ အစားထိုး ပြောင်းလဲလိုက်ချိန်မှာ တချို့ဒေသတွေမှာတော့ အရင် ရယက ဥက္ကဋ္ဌတွေကို ဆက်လက် ခန့်ထားတဲ့အပေါ် ကန့်ကွက်တာတွေ ရှိနေပါတယ်။ ချင်းပြည်နယ် အတွင်းမှာတော့ အသစ်ပြောင်းလဲလိုက်တဲ့ အုပ်ချုပ်ရေး အဖွဲ့သစ်က အုပ်ချုပ်ရေး ရန်ပုံငွေအတွက်ဆိုပြီး တအိမ်ထောင်ကို တလ ၅၀၀ ကျပ် ကောက်ခံနေတာကြောင့် ဒေသခံတွေ စိတ်ပျက်နေကြတယ်လို့ ဆိုပါတယ်။ ဒီသတင်းကိုတော့ ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

မတ်လ ၃၀ ရက်နေ့က ပြည်ထောင်စု အစိုးရအဖွဲ့ကို သမ္မတသစ် ဦးသိန်းစိန် စတင် တာဝန်ယူချိန်မှာ နိုင်ငံတော် အေးချမ်းသာယာရေးနဲ့ ဖွံ့ဖြိုးရေး ကောင်စီရဲ့ အုပ်ချုပ်ရေး ယန္တရား အဆင့်ဆင့်ကို ဖျက်သိမ်းကြောင်း တရားဝင် ကြေညာခဲ့တာ ဖြစ်ပါတယ်။

ဒီလို ကြေညာပြီးတဲ့ နောက်ပိုင်းမှာ ရပ်ကွက်နဲ့ ကျေးရွာအဆင့် အေးချမ်းသာယာရေးနဲ့ ဖွံ့ဖြိုးရေး ကောင်စီတွေကို ဖျက်သိမ်းပြီး အရင် ရယက ဥက္ကဋ္ဌ အမည်အစား အုပ်ချုပ်ရေးမှူးအဖြစ် အစားထိုး ပြောင်းလဲလိုက်ပါတယ်။ ဒါပေမဲ့ နေရာဒေသ အတော်များများမှာ အရင် ရယက ဥက္ကဋ္ဌတွေကိုပဲ အုပ်ချုပ်ရေးမှူးအဖြစ် ဆက်လက်ခန့်ထားပြီး စကားလုံး ပြောင်းလဲလိုက်ပေမဲ့ လူမပြောင်းလဲတာကြောင့် တချို့ဒေသတွေမှာ ကန့်ကွက်တာတွေ ရှိနေပါတယ်။

ရန်ကုန်တိုင်း သင်္ဃန်းကျွန်းမြို့နယ် အတွင်းက အခြေအနေကိုတော့ လွှတ်တော်ကိုယ်စားလှယ် တဦးဖြစ်တဲ့ ဦးသိန်းညွန့်က အခုလို ပြောပါတယ်။

“ကျနော်တို့ကတော့ သင်္ဃန်းကျွန်းက ၆ ရပ်ကွက်ကို အုပ်ချုပ်ရေးမှူးတွေ အပြောင်းအလဲ လုပ်ပေးဖို့ လူထုက ဒီလို တင်ပြလာတယ် ဆိုတာကိုတော့ ပြည်ထဲရေးဝန်ကြီးဆီကို ကျနော် ပြည်သူ့လွှတ်တော် ကိုယ်စားလှယ် ဦးသိန်းညွန့်နဲ့ အမျိုးသားလွှတ်တော် ကိုယ်စားလှယ် ဦးဖုန်းမြင့်အောင်တို့က လက်မှတ်ထိုးပြီးတော့ တင်ပြထားပါတယ်။

“ကျနော်တို့ကတော့ ကွင်းဆင်း လေ့လာပြီးတော့ လူထုရဲ့အသံက ဒီလို၊ တကယ့် ဖြစ်ပျက်နေတဲ့ ဖြစ်ရပ်က ဒီလို၊ အဲဒီအခြေအနေကို လွှတ်တော် အစည်းအဝေး ကျင်းပချိန် မဟုတ်တဲ့အတွက် လွှတ်တော်ထဲမှာ ပြောဆိုခွင့် အချိန်မရသေးတဲ့ အချိန်မှာ သက်ဆိုင်ရာ ပြည်ထဲရေး ၀န်ကြီးဆီကိုတော့ ဖြစ်ကြောင်းရယ် ကုန်စင်ကို ကျနော်တို့ ရေးသား ပေးပို့နေတာပေါ့။”

သင်္ဃန်းကျွန်း ၆ ရပ်ကွက်က အုပ်ချုပ်ရေးမှူး ပြောင်းလဲဖို့ တင်ပြ တောင်းဆိုရတာဟာ ရယက ဥက္ကဋ္ဌ တာဝန်ယူစဉ်က စီမံခန့်ခွဲမှု အားနည်းတာနဲ့ လာဘ်စားမှုတွေ ရှိတာကြောင့် ဖြစ်တယ်လို့ ဦးသိန်းညွန့်က အခုလို ဆက်ပြောပါတယ်။

“လူထုက တင်ပြတဲ့ အထောက်အထားတွေအရ အခုခန့်ထားတဲ့ အုပ်ချုပ်ရေးမှူးတွေက အရင် ရယက ဥက္ကဋ္ဌ လုပ်တုန်းက အရက်ပုန်းရောင်းတဲ့သူတွေ ပါတယ်ဗျာ။ ဧည့်စာရင်းတို့ အိမ်ရှင် အိမ်ငှား စာချုပ်တို့ကို အကြောင်းပြုပြီးတော့ လူထုဆီက ငွေကို တရားမ၀င် တောင်းခံတာပေါ့၊ အဲဒီအချက်တွေကို အဓိကထားပြီး တင်ပြပေးထားပါတယ်။

“ဒီအထဲမှာ အဆိုးဆုံးကတော့ ရပ်ကွက် အုပ်ချုပ်ရေးမှူး ခန့်ဖို့အတွက် ထောက်ခံပေးတဲ့သူ၊ ခန့်တဲ့သူတွေက သမ္မတကြီး ဦးသိန်းစိန် ပြောကြားထားတဲ့ လာဘ်ပေးလာဘ်ယူမှုနဲ့ မကင်းတဲ့ သတင်းတွေလည်း ကျနော်တို့ ကြားနေရတယ်။ လူထုကလည်း ထုတ်ဖော် ပြောနေကြပါပြီ။ ကျနော်တို့ သင်္ဃန်းကျွန်းက ၆ ရပ်ကွက် ဆိုပေမဲ့ နောက်ထပ် လာဦးမယ်လေ။ တခြားမြို့နယ်တွေမှာလည်း ဒီသတင်းတွေက တော်တော်များများ အသံထွက်နေပြီကိုး။”

ဒီကိစ္စနဲ့ ပတ်သက်ပြီး အစိုးရက မကြာခင်မှာ အရေးယူ ဆောင်ရွက်ပေးလိမ့်မယ်လို့လည်း ဦးသိန်းညွန့်က မျှော်လင့်ကြောင်း ပြောပါတယ်။

ဧရာဝတီတိုင်း မြောင်းမြမြို့နယ်က အမည်မဖော်လိုသူ တယောက်ကလည်း သူတို့မြို့နယ် အတွင်းမှာ အလားတူ အုပ်ချုပ်ရေး ညံ့ဖျင်းမှုနဲ့ လာဘ်စားတာတွေ ရှိတာကြောင့် အရင် ရယက ဥက္ကဋ္ဌတွေကို အုပ်ချုပ်ရေးမှူး ဆက်မခန့်ဖို့ တောင်းဆိုတာတွေ ရှိနေတယ်လို့ ပြောပါတယ်။

ချင်းပြည်နယ် ဟားခါးမြို့မှာတော့ အရင် ရယက ဥက္ကဋ္ဌတွေကို အုပ်ချုပ်ရေးမှူးအဖြစ် ဆက်လက်ခန့်ထားနေပြီး အုပ်ချုပ်ရေးအဖွဲ့က လစဉ် ရန်ပုံငွေ ကောက်ခံနေတာကြောင့် လူထုက စိတ်ပျက်နေကြတယ်လို့ မြို့ခံတဦးက အခုလို ပြောပါတယ်။

“အခု ဟားခါးမှာ ရပ်ကွက်အုပ်ချုပ်ရေးအဖွဲ့ ရန်ပုံငွေအတွက် ဆိုပြီးတော့ တအိမ်ထောင်ကို တလ ၅၀၀ ကျပ် ရန်ပုံငွေ ကောက်ခံနေတယ်။ ဟားခါးမှာ အိမ်ထောင်က ၄,၀၀၀ လောက် ရှိတယ်။ လစဉ် လစဉ် ကောက်တဲ့ဟာက ကျနော်တွက်ကြည့်တော့ သိန်း ၂၀ လောက် ကောက်နေတယ်။ ရပ်ကွက်ရန်ပုံငွေ ဆိုတာက ဒီငွေတွေနဲ့ ဘာများလုပ်ဖို့ ရှိသလဲ ဆိုတော့လည်း သူတို့ ဘာမှမပြောဘူး။ အထက်ခွင့်ပြုချက်နဲ့ ကောက်တာလား၊ သူတို့ဟာသူတို့ ကောက်တာလား ဆိုတာလည်း ကျနော်တို့ မသိဘူး။ ပြည်သူလူထုက ညည်းနေကြတယ်။ ဒါကြောင့် အခု ဒီမိုကရေစီ ထူထောင်နေတယ် ဆိုပေမဲ့ အရင် နအဖ စစ်တပ် အုပ်ချုပ်တုန်းက အတိုင်းပါပဲ။ ဘာမှ ထူးမခြားနားဘူးလို့ ပြောနေကြတယ်။”

ဟားခါးမြို့ လူထုက တစုံတရာ ကန့်ကွက်တာ မရှိဘူးလို့ သူက ပြောပါတယ်။ အချို့ဒေသတွေမှာတော့ လူထုက ကန့်ကွက်သူတွေကို အစားထိုး ခန့်အပ်တာ ရှိတယ်လို့လည်း သိရပါတယ်။

ဒီလို နေရာဒေသ အများစုမှာ အုပ်ချုပ်ရေးမှူး ခန့်ထားတဲ့အပေါ် ကန့်ကွက်တာ မကျေနပ်တာတွေ ရှိပေမဲ့ မကွေးတိုင်း မင်းဘူးမြို့မှာတော့ ရယက ဥက္ကဋ္ဌကို အုပ်ချုပ်ရေးမှူးအဖြစ် ဆက်လက် ခန့်ထားတဲ့ အပေါ်မှာ ကျေနပ်သူတွေလည်း ရှိပါတယ်။

“လက်ရှိလူတွေကိုပဲ ပေးထားတာပါ။ အပြောင်းအရွှေ့ မရှိပါဘူး။ ကျေးရွာဆိုလည်း အရင်တုန်းက လုပ်ခဲ့တယ်ပေါ့လေ။ ရွေးချယ်ပွဲ မတိုင်ခင်က လူတွေပဲ အုပ်ချုပ်ရေးမှူးဆိုပြီး ပေးတာပေါ့။ ကျမတို့ အမှတ် ၂ မှာဆိုရင်လည်း အုပ်ချုပ်ရေးမှူးဆိုပြီး ဦးတင်ကြိုင်ကို အဲဒီလိုပဲ ပေးတာပေါ့။ စစ်အုပ်ချုပ်ရေးတုန်းကလည်း ဦးတင်ကြိုင်ပဲ။ အခုလည်း ဦးတင်ကြိုင်ပဲ။ ရပ်ကွက်ကလည်း ကြိုက်ပါတယ်။ သူ့ရဲ့ လုပ်ရပ်ကလေးတွေကလည်း ကောင်းပါတယ်။ ရပ်အကျိုး၊ ရွာအကျိုး၊ ကျောင်းအကျိုး၊ ကျန်းမာရေးအကျိုး၊ အဆောက်အဦးတွေက အစ တိုးတက်တယ်လေ။ အဲဒီတော့ ဦးတင်ကြိုင်ကို ကြိုက်ကြပါတယ်။”

မင်းဘူးမြို့ခံတယောက် ပြောသွားတာ ဖြစ်ပါတယ်။

စစ်အစိုးရက ရေးဆွဲ အတည်ပြုခဲ့တဲ့ ၂၀၀၈ ခုနှစ် ဖွဲ့စည်းပုံ အခြေခံဥပဒေမှာတော့ ရပ်ကွက် သို့မဟုတ် ကျေးရွာ အုပ်ချုပ်ရေးကို ရပ်ရွာက ကြည်ညိုလေးစားပြီး သိက္ခာ သမာဓိ ရှိသူကို ဥပဒေနဲ့အညီ ခန့်ထားရမယ်လို့ ဖော်ပြထားပါတယ်။ သမ္မတသစ် ဦးသိန်းစိန်ရဲ့ မိန့်ခွန်းမှာလည်း အဂတိ လိုက်စားတာတွေကို ပပျောက်အောင် လုပ်ဆောင်မယ်လို့ ကတိပြု ပြောကြားထားတာလည်း ဖြစ်ပါတယ်။