တီးတိုး ငွေကြေးများ

တီးတိုးငွေကြေးများ အပိုင်း (၁)



မျိုးသိဏ်း၊ စန္ဒီနွယ် | ကြာသပတေးနေ့၊ မတ်လ ၃၁ ရက် ၂၀၁၁ ခုနှစ် ၁၉ နာရီ ၁၆ မိနစ်



၂ဝ၁ဝ ခုနှစ်အတွက် နိုင်ငံပေါင်း ၁၇၆ နိုင်ငံ၏ အဂတိလိုက်စားမှု အဆင့် စီပီအိုင် CPI- Corruption Perceptions Index 2010 ကို Transparency International အဖွဲ့က ထုတ်ပြန်ခဲ့ရာ မြန်မာနိုင်ငံသည် ဒုတိယအဆိုးဝါးဆုံး နေရာတွင် ရှိနေသည်။

ယခုနှစ်ပိုင်းအတွင်း ကမ္ဘာသိ သင်္ဘောပြန်ပေးအဖွဲ့များ သောင်းကျန်းရာ ဆိုမာလီ နိုင်ငံကို အဂတိလိုက်စားမှု အဆိုးရွားဆုံး နိုင်ငံဟု Transparency International က သတ်မှတ်ပြီး အိုစမာဘင်လာဒင်၏ တာလီဘန်တပ်များ ခိုအောင်းရာဟု အမေရိကန် ယူဆထားသည့် အာဖဂန်နစ္စတန်နှင့် မြန်မာနိုင်ငံကို ဒုတိယအဆိုးရွားဆုံးဟု ပူးတွဲသတ်မှတ်သည်။

မတ်-၂၅ ရက်နေ့က နေပြည်တော်စစ်ရုံးတွင် ပြုလုပ်သည့် နအဖ နှုတ်ဆက်ပွဲတွင် စစ်ခေါင်းဆောင် ဗိုလ်ချုပ်မှူးကြီးသန်းရွှေက မြန်မာနိုင်ငံသည် ဒေသတွင်း နိုင်ငံများဖြစ်သည့် လာအိုနှင့် ကမ္ဘောဒီးယားတို့ထက်ပင် နိမ့်ကျနေကြောင်း အာဏာရှင် သက်တမ်းတလျှောက် ပထမဆုံးအကြိမ် ဝန်ခံသွားခဲ့ပြီး အစိုးရသစ်ကို အဂတိလိုက်စားမှု တိုက်ဖျက်ရန် ညွှန်ကြားပြောဆိုခဲ့သည်။

အသွင်ပြောင်း အစိုးရသစ်ကို အာဏာသိမ်း စစ်အုပ်စု ခေါင်းဆောင်၏ နောက်ဆုံး တရားဝင် ပြောဆိုမှုမှာ လူရယ်စရာ ပျက်လုံးတခုသဖွယ် ဖြစ်နေသော်လည်း အဂတိလိုက်စားမှုနှင့် လည်ပတ်နေခဲ့သည့် အုပ်ချုပ်ရေးစနစ်ဒဏ်ကို လူထု အမှန်တကယ် ခံစားနေရသည်မှာ ရာစုနှစ် တဝက်နီးပါး ကြာမြင့်ပြီဖြစ်သည်။

စနစ်ပျက် ခေတ်ပျက်တွင် အာဏာစက်ဖြင့် ခေါင်းပုံဖြတ်ခြင်း၊ မွေးဖွားခြင်းမှ သေဆုံးသည်အထိ လူမှုကိစ္စများကို လာဘ်ပေး အောက်ကျို့ရခြင်း၊ သာမာန် ပြည်သူ့ရပိုင်ခွင့်များကို ငွေပေးဝယ်နေရခြင်း တို့နှင့် ပတ်သတ်၍ လူထုတွင် ခံစားမှု ဇာတ်လမ်းအဖြစ်အပျက် များစွာ ရှိနေသည်။

ကဏ္ဍအမျိုးမျိုးတွင် လူထုက ပေးနေရသည့် အဂတိလိုက်စားငွေများ၊ တရားမဝင် တီးတိုးပေးရသည့် “တီးတိုးငွေကြေးများ” နှင့်ပတ်သတ်သည့် ဖြစ်ရပ်များကို မဇ္ဈိမက စီစဉ် ဖော်ပြပေးလိုက်ပါသည်။



မှတ်ပုံတင်နဲ့ တီးတိုးငွေ



မဇာဇာတစ်ယောက် အခုချိန်ထိ အသက်(၁၂)နှစ်ပြည့် နိုင်ငံသားစိစစ်ရေးကတ်နဲ့ပဲ။ သူမအသက်က အခု ၂၇-၂၈ ဝန်းကျင် ရှိနေပြီ။ ဘာလို့ (၁၂)ပြည့် နိုင်ငံသားစိစစ်ရေးကတ်ပြားပဲ ကိုင်ထားရလဲလို့ မေးကြည့်မိတော့-

“အခုထိကို ကတ်မလဲရသေးဘူး။ ပိုက်ဆံမတတ်နိုင်လို့။ ဒီ ၁၂နှစ်ပြည့်က ဟိုးမူလတန်းကျောင်းတက်တုန်းက ကျောင်းမှာ လာလုပ်ပေးကြလို့၊ ပိုက်ဆံမပေးရလို့ လုပ်ဖြစ်သွားတာ။ အခုမှတ်ပုံတင်လုပ်ရင် မကုန်ဘူးဆိုတောင် အနည်းဆုံး တစ်သောင်းတစ်သောင်းခွဲလောက် ကုန်တယ်။”

တရားဝင် သတ်မှတ်ထားတာ မဟုတ်ပေမယ့် တီးတိုးငွေကြေးကို မတတ်နိုင်တဲ့အတွက် သူ့မှာ မှတ်ပုံတင်မရ ဖြစ်နေတဲ့ အနေအထားပါ။

“ကိုယ်က အခုအိမ်ထောင်သည်လည်း ဖြစ်နေတယ်။ ကလေးကလည်း မူကြိုအရွယ်၊ ယောက်ျားက ၃၄ ဘတ်စ်ကားလိုင်းက စပယ်ယာဆိုတော့ ဝင်ငွေက ထမင်းစားရရုံပဲ။ ဘယ်လိုမှလက်ထဲ တစ်သောင်း-တစ်သောင်းခွဲ မစုမိဘူးလေ။ အဲဒါကြောင့်မို့ မလုပ်ဖြစ်တာ” လို့ ပြောပါတယ်။

လူမျိုးခြား ဖြစ်ပေမယ့် တီးတိုးငွေကြေး ပေးနိုင်လို့ နိုင်ငံသားစိစစ်ရေးကတ် ရသွားသူက ကိုထွန်းထွန်းပါ။ သူက-

“ကျနော့်အစ်ကိုက အခုမလေးရှားကနေခေါ်နေပြီ။ အခု ကျနော့်အသက် (၁၉)နှစ်ရှိပြီ။ နိုင်ငံခြားသွားဖို့ ပတ်စပို့တ် လျှောက်မှာမို့လို့ မှတ်ပုံတင် အမြန်လုပ်ပေးဖို့ လ.ဝ.က (လူဝင်မှုကြီးကြပ်ရေး) ဝန်ထမ်းတစ်ယောက်ကို သွားမေးတာ။ ခြောက်သောင်းလောက် ကျမယ်လို့ပြောတယ်။ လူမျိုးခြားမို့ နဲနဲပိုခက်တယ်လို့ ပြောတယ်။ ကျနော်လည်း အမြန်လိုနေတာရယ် အိမ်ကလည်း လုပ်လိုက်ပါတော့လို့ ပြောတော့ လုပ်လိုက်တယ်။”

“လက်ဗွေနှိပ်တဲ့ တချိန်ပဲ သွားလိုက်ရတယ်။ ကျန်တာအကုန် သူတို့လုပ်ပေးတယ်။ အကိုတုန်းကတော့ နှစ်သောင်းပဲ ပေးရတယ်။” လို့ပြောတဲ့ ကိုထွန်းထွန်းက ပေါက်ဈေးထက် ပိုပေးခဲ့ရလို့ မခံချိ မခံသာ ဖြစ်ဟန် တွေ့ရပါတယ်။

တီးတိုးငွေ မပေးရပဲ လုပ်ပိုင်ခွင့်ကြောင့် အလွယ်တကူ နိ်ုင်ငံသားစိစစ်ရေးကတ်ရခဲ့တဲ့ သူ အမျိုးသမီးတဦးကလည်း အခုလို ပြောပါသေးတယ်။

“ကျမတုန်းက ၃ရက်နဲ့ ကတ်ပြားရတယ်။ စုစုပေါင်းပိုက်ဆံ သုံးထောင် ဝန်းကျင်လောက်ပဲ ကုန်သွားတယ်နဲ့ တူတယ်။ သိပ်တောင်မမှတ်မိချင်ဘူး။ ဘာလို့လဲဆိုတော့ ကျွန်မဦးလေးက လ.ဝ.က ဝန်ထမ်းလေ။”

တရားဝင်သတ်မှတ်ထားတဲ့ နည်းလမ်းအတိုင်းဆိုရင် ငွေကုန်ကြေးကျ မများတဲ့အကြောင်း မမေမိုးက ရှင်းပြပါတယ်။

“ကတ်ပြားလုပ်မယ်ဆိုတော့ ပထဆုံး သူတို့ဆီက ဖောင်ဝယ်ရတယ်။ အဲဒီဖောင်က ရ.ယ.က ရုံးတွေမှာလဲ ရှိတယ်။ တချို့က ၂ဝဝ နဲ့ ရောင်းတယ်။ တချို့က ၃ဝဝ ။ ခုနောက်ပိုင်းတော့ တထောင်လောက်နဲ့ ပြန်ရောင်းတယ်လို့ကြားတယ်။

ကျမက အဲတာကို ဝယ်ပြီးတော့ဖြည့်၊ ဦးလေးနဲ့ ရုံးလိုက်သွား၊ ချက်ချင်းပဲ လက်ဗွေနှိပ်။ နောက်နေ့ သွေးအမျိုးအစားစစ်ပြီး သွားပေး။ ၃ရက်မြောက်နေ့ ကျတော့ ကတ်ပြားကျလာရော။” ဆိုပြီး မတူကွဲပြားတဲ့ သူမနိုင်ငံသားစီစစ်ရေးကတ်ပြား ရရှိပုံကို ပြောပြပါတယ်။



လူဝင်မှုကြီးကြပ်ရေးနှင့် ပြည့်သူ့အင်အားဝန်ကြီးဌာန မှ တရားဝင် ထုတ်ပြန်ထားသည့် နိုင်ငံသားစိစစ်ရေးကတ် လျှောက်ထားရန် လိုအပ်ချက် ၇ ချက်သာ ရှိသည်။ ယင်းတို့မှာ-

(၁) ကာယကံရှင် ကိုယ်တိုင်လျှောက်ရမည်။

(၂)လျှောက်ထားသူအမည်ပါ အိမ်တောင်စုလူဦးရေစာရင်း(သန်းခေါင်စာရင်း) မူရင်းနှင့် မိတ္တူ တစုံ။

(၃)လျှောက်လွှာနှင့် ရပ်ကွက်အတွင်းနေထိုင်ကြောင်း (ရယက)ထောက်ခံချက်မူရင်း။

(၄)မိဘနှစ်ပါး၏ နိုင်ငံသား/အမျိုးသားမှတ်ပုံတင်လက်မှတ်မူရင်းနှင့် မိတ္တူ တစောင်စီ။

(၅)မွေးစာရင်း (သို့) ကျောင်းထောက်ခံချက် မူရင်းနှင့်မိတ်တူ။

(၆)သွေးစစ်ချက်

(၇) (ဝ.၈)လက်မ x (ဝ.၈)လက်မအရွယ် ဓာတ်ပုံ (၄)ပုံ (မျက်မှန်မပါ)။ စသည်တို့ ဖြစ်သည်။

ထို့အတူ "နိုင်ငံသားစိစစ်ရေးကတ်ပြုလုပ်ရာတွင် စာရွက်စာတမ်းကြေးအဖြစ် တစ်ဦးလျှင် (၆)ကျပ်နှုန်းဖြင့်ကောက်ယူရမည်။ ပျောက်ဆုံးပြီး အသစ်ထပ်မံပြုလုပ်ပါက တစ်ဦးလျှင် ၁ဝ ကျပ်နှုန်းသာကောက်ယူရမည်ဖြစ်သည်။ မှတ်ချက်-အိမ်ထောင်စုစာရင်း ပြုလုပ်ရာတွင် မည်သည့်အခကြေးငွေမှ ပေးဆောင်ရန်မလို" ဟု ဖော်ပြထားသည်။





တီးတိုးငွေကြေးများ အပိုင်း (၂)

မျိုးသိဏ်း၊ ဟိန်းမင်း | အင်္ဂါနေ့၊ ဧပြီလ ၀၅ ရက် ၂၀၁၁ ခုနှစ် ၁၄ နာရီ ၁၉ မိနစ်


ဆေးရုံနှင့် လက်ဘက်ရည်


ရန်ကုန်ဆေးရုံကြီး အရေးပေါ်ဌာနရှေ့တွင် ကိုစိုးမြင့် ကားတံခါးဖွင့်ပြီး ကိုယ်ဝန်ဆောင် ဇနီးသည်ကို တွဲမည်အပြု အပေါက်ဝရှိ ဆေးရုံဝန်ထမ်း ဝတ်စုံဝတ်များက ပြာပြာသလဲဖြင့် တွန်းလှည်းတစီးယူလာပြီး ထိုင်ခိုင်းသည်။ ထို့နောက် ဘာမပြောညာမပြော တွန်းလှည်းကို အပြေးမောင်းသွားသဖြင့် ကိုစိုးမြင့်လည်း တွန်းလှည်းသမားနောက် ပြေးလိုက်ရတော့သည်။



အိုင်စီယူ (အရေးပေါ် ကြပ်မတ်ကုသဆောင်) ခန်း ဆရာဝန်များ စားပွဲရှေ့ တွန်းလှည်းရပ်တော့ ‘အော် ပြည်သူ့ဆေးရုံဝန်ထမ်းတွေ ဒီလို တာဝန်သိတာပဲ” ဟု သူ စိတ်ထဲမှ ချီးကျူးလိုက်သည်။



နာ့စ် အမျိုးသမီးက ဆေးရုံစာအုပ် သွားလုပ်ဆိုသဖြင့် ယောင်ဝါးဝါး ပြန်လှည့်လာတော့ တွန်းလှည်းတွန်းသည့် ဝန်ထမ်းက လက်ဘက်ရည်ဖိုးပေးပါ ဟု ပြောသည်။ ကိုစိုးမြင့် ထောင်တန် တရွက် ထုတ်ပေးလိုက်သည်။

ထိုဝန်ထမ်းညွှန်ပြသည့်နေရာတွင် လူနာမှတ်တမ်းစာအုပ် သွားလုပ်တော့ တာဝန်ကျ အမျိုးသမီးက လက်ဘက်ရည်ဖိုး တတ်နိုင်သမျှ ထည့်ပါ၊ လှူတဲ့သဘောပေါ့ ဟု ထပ်ပြောသည်။ နောက်ထပ် ငွေငါးရာတန် တရွက်ထုတ်လိုက်ရသည်။

ပြည်သူ့ဆေးရုံကြီးမှ ဝန်ထမ်း အတော်များများသည် လက်ဘက်ရည်ကို အထူးစွဲနေကြသည့်အလား ဇနီးသည် မီးဖွားသည့် သုံးရက်တာ ကာလမျှအတွင်း လက်ဘက်ရည် ဖောချင်းသောချင်း သောက်နိုင်အောင်ရန် ကိုစိုးမြင့် ပေးခဲ့ရသည်။



“စရိတ်မျှပေးသာ ပြောတာဗျ။ အကုန်လုံး ပိုက်ဆံပေးနေရတယ်။” ဟု သူက ဆိုသည်။ ကုတင်ကောင်းကောင်း လေဝင်လေထွက်ကောင်းတဲ့ နေရာ လိုချင်ရင် နာ့စ်မတွေကို ငွေပေးရသည်။ လူနာစောင့်ကတ်ပြား တောင်းပြီး အဝင်အထွက် လုပ်ပေမယ့် အပေါက်စောင့်ဝန်ထမ်းတွေက တံခါးဝ ခွထိုင်ပြီး ငွေတောင်းသည်။ ခွဲခန်းသို့ ထရော်လီ တွန်းခ၊ နာ့စ်အကူဝန်ထမ်းများ ဆေးထည့်ပေးခ စသည်တို့အတွက် အိပ်ထောင်ထဲမှ ထွက်ကုန်သည်။

“လက်ဘက်ရည်ဖိုးသာပြောတာ ခွဲခန်း အဝင်အထွက် အကူတွေဆို နှစ်ထောင်လောက် ပေးတာ မရဘူး။ ငါးထောင်၊ တသောင်းတောင်းတာ။ ဆေးရုံစရောက်တဲ့ အချိန်ကစပြီး နောက်ဆုံး ဆေးရုံဆင်းပြီး ကားပေါ်တက်တဲ့အထိ လက်ဘက်ရည်ဖိုး ဆိုတာချည်းပဲ ကြားနေရတော့ လက်ဘက်ရည် ဆိုရင်တောင် မုန်းသွားတယ်” ဟု ကိုစိုးမြင့်က ပြောသည်။

ဆေးရုံမှ လက်ဘက်ရည်ကြိုက်သူများနှင့် တွေ့ဆုံခဲ့သူ အခြားသူတဦးမှာ မခင်လေးနွယ် ဆိုသူ အမျိုးသမီး ဖြစ်သည်။

“ဆေးကျောင်းတက်နေတဲ့ ကျမမောင်လေး သင်္ကြန်လည်ရင်း ကားအက်ဆီးဒင့်ဖြစ်တာ ကျမတို့လိုက်သွားတော့ အရေးပေါ်အခန်းမှာ ဒီအတိုင်း ထားထားတယ်။ ဖြစ်တာ သုံး၊လေး နာရီ ရှိပြီ ဘာလို့မကုသေးတာလဲ ဘာညာနဲ့ ကျမတို့ စိတ်တွေတိုပြီး ဟိုပြောဒီပြော ပြောမှ ဆရာဝန်ကြီးတယောက်က ကလေးက ဆေးကျောင်းသားလား စောစောက မသိလို့ပါ ဆိုပြီး ကျန်တဲ့သူတွေကို ဆူတယ်။ အဲ့တော့မှ ချက်ချင်းဓာတ်မှန်ရိုက် ချက်ချင်းခွဲခန်းသွင်းတာ။ ဆရာဝန် ပေါက်စတွေနဲ့ နာ့စ်တချို့က သင်္ကြန်မှာ မူးလို့ရူးလို့ ဖြစ်တဲ့လူတွေများတယ်။ တချို့ဆိုရင် မှတ်လောက် သားလောက်အောင် ပစ်ထားတယ်တဲ့။ ကိုယ့်မောင်လေး ဦးစားပေးခံရပေမယ့် တခြားလူနာတွေ အော်နေဟစ်နေတာကို မြင်ရတော့ ဒီလိုလုပ်တာတော့ မကောင်းဘူးလို့ ထင်မိတယ်” ဟု မခင်လေးနွယ် ဆိုသည်။

လူနာကို ဆီး၊ သွေး၊ စစ်ရန် နာ့စ်များက သွားခိုင်းသည့် ဆေးခန်းမှာ ပုံမှန်ကျသင့်ငွေထက် နှစ်ဆမက ပိုများနေသည်။ အမြန်ဆို၍ ပြေးဝယ်ရသည့် ဆေးရုံတွင်းဆေးဆိုင်မှာ ပြင်ပဆိုင်များထက် သိသိသာသာ ပိုများနေသည်။

“သူတို့ ညွှန်းတဲ့ ဓာတ်ခွဲခန်းတို့ ဆေးခန်းတို့ကို သွားရင် သူတို့က ကော်မရှင်ရတယ်လေ။... တခြားမှာ သွားစစ်ရင် ရတော့ရတယ်။ ဒါပေမယ့် ဘာလိုတယ် ညာလိုတယ် ပြောသလို မလုပ်ဘူး ဆိုပြီး ဆောင့်တာအောင့်တာ တွေလုပ်တယ်” စရိတ်မျှပေးစနစ်တွင် လူနာတဦး မည်သည့်အနေအထားတွင် မည်မျှ မျှပေးရမည်ကို သတ်မှတ်ရန် ခက်ခဲခြင်းက အဂတိလိုက်စားမှုကို ပိုမို အားပေးရာ ရောက်နေသည်။

“တချို့နေရာတွေမှာ စေတနာရှိသလောက် ပေးလို့ရပေမယ့် တချို့နေရာတွေကျတော့ ဘယ်လောက်ပေးဆိုပြီး ဗြောင်တောင်းတာတွေ ရှိတယ်။ ဒါမျိုးကျတော့ စေတနာမပါချင်တော့ဘူး။ လက်ဘက်ရည်ဖိုးပြောပေမယ့် လက်ဘက်ရည်ဖိုးနဲ့လည်း မတူတော့ဘူး” မခင်လေးနွယ်က ပြောသည်။



တီးတိုးငွေကြေးများ အပိုင်း (၃)

စိုးဝေယံ | ဗုဒ္ဓဟူးနေ့၊ ဧပြီလ ၀၆ ရက် ၂၀၁၁ ခုနှစ် ၁၃ နာရီ ၂၂ မိနစ်



အဖြေထွက်ထားတဲ့ ထွေအုပ်အရာရှိ စာမေးပွဲ



ပြည်ထောင်စုသမ္မတ မြန်မာနိုင်ငံတော်၊ ပြည်ထောင်စုရာထူးဝန်အဖွဲ့ ကြေငြာချက် (၁/ ၂ဝ၁၁) အရ ပြည်ထဲရေး ဝန်ကြီးဌာန၊ အထွေထွေအုပ်ချုပ်ရေး ဦးစီးဌာန၊ ဦးစီးအရာရှိ / မြို့နယ်အုပ်ချုပ်ရေးမှုး ရာထူး လစ်လပ်နေရာ ၂ဝဝ အတွက် နိုင်ငံတဝှမ်းမှ သတ်မှတ်အရည်အချင်း ပြည့်စုံသူများ လျှောက်ထားကြလေသည်။

ဖြေဆိုရန် လျှောက်ထားသူ နှစ်သောင်းငါးထောင်အနက် ၈၅ဝဝ ကို ဖြေခွင့်ပြုသည်။ လစ်လစ်ရာထူး နေရာ ၂ဝဝ အတွက် ဖြေဆိုသူ ၈၅ဝဝ ဖြစ်၍ ပမာဏများလွန်းသည်။ သို့သော် ကိစ္စမရှိ။ ထိုသို့သော စိန်ခေါ်မှုသည် ဖြေဆိုသူ ပညာတတ် ဘွဲ့ရတို့အတွက် တုန်လှုပ်စရာ မဟုတ်။ သည်းခံနိုင်ကြသည်။

နေပြည်တော်တွင် တည်းခိုခန်းမရှိ ဟိုတယ်သာရှိပြီး၊ ဟိုတယ်ဈေးကြီးလှ၍ စာမေးပွဲ လာဖြေသူများသည် တရက်လျှင် မြန်မာကျပ်ငွေ ၁၅ဝဝ သာပေးရသည့် လူဦးရေ ၆ဝဝဝ တပြိုင်နက် လက်ခံနိုင်သည့် တခုတည်းသော တည်းခိုဆောင် ‘စည်ပင်ရိပ်သာ’ တွင် တည်းခိုရန် ကြိုးစားကြသည်။

ကျောက်မျက်ပြပွဲ အရှိန်မသေသေးခြင်း၊ ခရီးသွားများပြားခြင်းတို့ကြောင့် စည်ပင်ရိပ်သာ၌ အခန်းများပြည့်နေသဖြင့် သောင်ပြင်လွှတ်ခံရသည့်ပမာ ခိုနားရာမရှိ ငုတ်တုပ်မေ့နေကြသည့် ဦးစီးအရာရှိလောင်းလျာများဖြင့် နေပြည်တော် လမ်းမကြီးများမှာ စည်ကားသိုက်မြိုက်နေသည်။

စည်ပင်ရိပ်သာအတွင်းရှိ ပန်းခြံများ၊ ခုံများ တွင်ထိုင်သူထိုင်၊ အိပ်သူအိပ်၊ ဦးရာလူစနစ်ဖြင့် ပေးမည်ဆို၍ စာရင်းပေးထားသော မိမိတို့ နာမည်များ ခေါ်လေမလားဟု မျှော်နေသူများကလဲ တဖုံ မြင်တွေ့ရသည်မှာ ဂျပန်နိုင်ငံနှင့် ရှမ်းပြည်အရှေ့ပိုင်း ငလျင်ဒဏ်ခံဒေသများမှ ဒုက္ခသည်များ နေပြည်တော် စည်ပင်ရိပ်သာသို့ ပြောင်းလာသည့်အလား ထင်မှားရပေသည်။



ထိုနေရာ ၅ဝ တွင်လည်း ဘဘကြီးဆိုသူများနှင့် အစပ်အဆက်ရှိကြသူများ၊ ဗိုလ်မှုး၊ ဗိုလ်ကြီး တို့ဖြင့် အစပ်အဆက် ရှိကြသူများက နေရာ ၃ဝ ခန့်ယူထားသေးကြောင်း ရိုးတိုးရိပ်တိတ် ပေါက်ကြားသွားသဖြင့် စည်ပင်ရိပ်သာ အဆောင်ဆောင် အခန်းခန်း များရှိ စာဖြေသူများနှင့် ဘုန်းကြီးကျောင်းများတွင် ခိုကပ်နေကြသော စာဖြေသူများ ဒေါသအမျက် ချောင်းချောင်းထွက် ပေါက်ကွဲကြလေခြင်း ဖြစ်သည်။

ထမင်းတခါပြင် တထောင့်ငါးရာကျပ် ဖြစ်သည်။ တခြား အစားအစာများ ဈေးသက်သာစွာ စားသောက်လိုက မိုင်အနည်းငယ်ဝေးသော မြို့မဈေးနှင့် ပျဉ်းမနားမြို့သို့ သွားရောက်နိုင်သည်။ သို့သော် မုန့်ဟင်းခါး ၅ဝဝ ဖိုး သွားစားရန် ဆိုင်ကယ် ကယ်ရီခ ၂ဝဝဝ ပေးရမည် ဖြစ်သည်။

သို့သော် အနေ၊ အစား ဆင်းရဲခြင်းမျှဖြင့် ငါတို့၏ ခိုင်ကျဉ်သော စိတ်ဓာတ်ကို မပျက်အံ့ဟု နှလုံးသွင်းထားသည့်အလား ရာထူးဝင်ခွင့် စာမေးပွဲဖြေမည့် ဘွဲ့ရပညာတတ်များသည် စိတ်ပျက်ခြင်း အလျှင်းမရှိဘဲ စာမေးပွဲအတွက် အသီးသီးအသက အားတင်းထားကြလေသည်။

ရာထူးဝင်စာမေးပွဲတွင် မြန်မာစာ၊ အင်္ဂလိပ်စာ၊ အထွေထွေဗဟုသုတ တို့ ဖြေဆိုရမည် ဖြစ်သော်လည်း စာမေးပွဲဖြေသည့်ရက်၌ မြန်မာစာ ဖြေဆိုအပြီးတွင် ထူးဆန်းသည့် အပြုအမူများ သူတို့ထံ၌ မြင်တွေ့လာရသည်။

မြန်မာစာဖြေပြီးသည်နှင့် လျှောက်ထား ဖြေဆိုသူ အများစုသည် အိပ်ရာလိပ်သူလိပ်၊ အထုပ်အပိုးများ ပြင်သူပြင်၊ ကားလက်မှတ်ဖြတ်သူဖြတ် စသဖြင့် နေ့ချင်းတွင်း မိမိတို့နေရပ်သို့ ပြန်ကုန်ကြခြင်း ဖြစ်သည်။ ကျန်ဘာသာများကို ဖြေဆိုခြင်း မပြုကြတော့ရုံသာမက ဒေါသထွက်ခြင်း၊ နာကျဉ်းခြင်း၊ ထမင်းငတ်ခြင်း စသော အမူအရာများ၊ ဒေါသစကားများ၊ လှောင်ပြောင်သည့် ဟာသစကားများ ကိုပါ ပြောဆိုသွားကြလေသည့်အတွက် အားလုံးသော နေပြည်တော်နေ လူသားတို့သည် ယင်းတို့အား အံသြလျှက် ရှိကြချေသည်။

ဖြေဆိုသူ ၈၅ဝဝ အနက်မှ နောက်တရက်တွင် ဖြေဆိုသူ ၈ဝဝ သာ ကျန်ခဲ့လေသည်အထိ နေရပ်ပြန်သွားကြခြင်း အကြောင်းရင်းကား ဤသို့ဖြစ်ကြောင်း သိရလေသည်။

လစ်လပ်နေရာ ၂ဝဝ တွင် တပ်မတော်မှ ဗိုလ်ကြီးအဆင့်ဖြင့် အငြိမ်းစားယူထားသူ ၁ဝဝ ကို သီးသန့် ပေးမည်ဖြစ်ပြီး လက်ရှိ တာဝန်ထမ်းဆောင်နေသည့် ဝန်ထမ်းများကို နေရာ ၅ဝ ပေးမည်ဖြစ်သည်။ ထို့ကြောင့် စာမေးပွဲဝင်ဖြေမည့် အထွေထွေ အုပ်ချုပ်ရေးမှူးအလောင်းအလျာ ၈၅ဝဝ တို့သည် လက်ကျန်နေရာ ၅ဝ အတွက် ဝိုင်းဝန်း ကံစမ်းကြသည့်နှယ် ဖြစ်နေတော့သည်။

ထိုနေရာ ၅ဝ တွင်လည်း ဘဘကြီးဆိုသူများနှင့် အစပ်အဆက်ရှိကြသူများ၊ ဗိုလ်မှုး၊ ဗိုလ်ကြီး တို့ဖြင့် အစပ်အဆက် ရှိကြသူများက နေရာ ၃ဝ ခန့်ယူထားသေးကြောင်း ရိုးတိုးရိပ်တိတ် ပေါက်ကြားသွားသဖြင့် စည်ပင်ရိပ်သာ အဆောင်ဆောင် အခန်းခန်း များရှိ စာဖြေသူများနှင့် ဘုန်းကြီးကျောင်းများတွင် ခိုကပ်နေကြသော စာဖြေသူများ ဒေါသအမျက် ချောင်းချောင်းထွက် ပေါက်ကွဲကြလေခြင်း ဖြစ်သည်။

ချက်ခြင်းလက်ငင်းဆိုသလို အထုပ်အပိုးများပြင်ဆင်ကာ ဖြစ်သည့်နည်းဖြင့် ဖြစ်သလို ပြန်သွားကြလေတော့သည်။



တီးတိုး ငွေကြေးများ အပိုင်း (၄)



စန္ဒီနွယ် | တနင်္လာနေ့၊ ဧပြီလ ၁၁ ရက် ၂၀၁၁ ခုနှစ် ၁၈ နာရီ ၂၈ မိနစ်


ရင်မခုန်တော့သော ကျောင်းတော်



’’ကျနော်က ကျောင်းဆရာ အလုပ်နဲ့ အသက်မွေးတာ အနှစ် ၃ဝ နီးပါး ရှိသွားပါပြီ။ မူလတန်းပြနဲ့တင် အနှစ် ၂ဝ လောက် လုပ်ခဲ့ရတယ်။ ကိုယ့်နောက်က တက်တဲ့သူတွေတောင် အလယ်တန်းပြ၊ အထက်တန်းပြတွေ ဖြစ်ကုန်တယ်။ ကိုယ်က အဲလိုဖြစ်အောင်လုပ်ဖို့ နည်းလမ်းကို သိထားတယ်။ ဒါပေမဲ့ အဲဒါက ကိုယ့်ကို အကျင့်ဖျက်သွားလိမ့်မယ်၊ ဒါတွေက တကယ်တော့ ရင်ခုန်စရာ မကောင်းပါဘူး။ အလယ်တန်းပြဖြစ်ချင်ရင် ဘယ်နှသိန်း၊ အထက်တန်းပြဖြစ်ချင်ရင် ဘယ်နှသိန်းဆိုတာ သတ်မှတ်ထားပြီးသား။”

”ကျနော်က ဒီကျောင်းဆရာ အလုပ်ကို တကယ့်ဝါသနာနဲ့၊ ခံယူချက်နဲ့ လုပ်ခဲ့တာ။ ဒီတော့ကာ ကျနော် လာဘ်ပေးတာတွေ၊ လာဘ်ယူတာတွေ မလုပ်ဘဲ မူပြ ဆရာအဖြစ်နဲ့ အနှစ် ၂ဝ ပြည့်ခါနီးမှ တောနယ်တနေရာဖြစ်တဲ့ သုံးခွမြို့စွန်က မူလတန်းကျောင်းလေးမှာ မူလတန်းကျောင်းအုပ် ဖြစ်ခဲ့ပါတယ်။ ဒါလည်း ကျနော် သည်းခံပြီး လုပ်ခဲ့သေးတယ်။ နောက်ပိုင်းတော့ ဒီိလိုမူမမှန်တဲ့ ပညာရေးစနစ်မှာ ကျနော် ဘယ်လိုမှ ဆက်သွားလို့ မရတော့ဘူးဆိုတာ ခံစားလိုက်ရတယ်။ ဘာလို့လဲဆိုတော့ ဒီနေ့ခေတ်ရဲ့ ပညာရေးစနစ်ထဲမှာ အမှန်တကယ် ထူးချွန်တဲ့ ကျောင်းသူ ကျောင်းသားတွေ ပေါ်ထွက်လာဖို့ မျှော်လင့်ချက်က ဝေးလွန်းတယ်။ ဒီလိုမပေါ်ထွက်အောင် အကွက်ချထားတဲ့ စီမံကိန်းလို့ပဲ ပြောရတော့မယ်။ အရည်အချင်းက အဓိကမဟုတ်ဘူး။ အရေအတွက်က အဓိက ဖြစ်နေတယ်။”

”ဟိုအရင်တုန်းက နှစ်ဆန်း ၂ ရက်နေ့ရောက်လို့ အောင်စာရင်းတွေ ထွက်ကြပြီဆိုရင် မူလတန်းကစပြီး အထက်တန်း (နဝမတန်း) အထိ တကယ်ကို ရင်ခုန်စရာ ကောင်းပါတယ်။ ကိုယ်ခုံနံပါတ်မှ ပါပါ့မလားဆိုပြီး၊ လူတွေ ကျောင်းရှေ့မှာ ကြိတ်ကြိတ်တိုးလို့။ ဘယ်လောက် တန်ဖိုးရှိလိုက်လဲ။”

”အခုတော့ နှစ်ဆန်းနှစ်ရက်နေ့ အောင်စာရင်းထွက်တဲ့နေ့မှာ လူတွေ ခြောက်ကပ်လို့။ ဘာလို့လဲဆိုတော့ သူတို့ကိုယ်သူတို့ အောင်မယ်ဆိုတာ သိနေကြပြီလေ။ နောက်တတန်းအတွက်တောင် ဆရာမက နွေကျူရှင် တခါထဲ ခေါ်လိုက်ပြီ။ သူတို့ခေါ်တဲ့ ကျူရှင်သာတက်ရင် အောင်ပြီးသားပဲ။ တကယ်တော့ ပြဋ္ဌာန်းထားတဲ့ ပညာရေးစနစ်ကိုက ၁ဝဝ ရာခိုင်နှုန်း စာမေးပွဲအောင်ရမယ်။ စာတတ်ရမယ် မဟုတ်ဘူး။ လုံးဝ အကျဆိုတာ မရှိဘဲ။ ဒါကိုက ဆရာ ဆရာမတွေကို အကျင့်ပျက်ဖို့ ဖြစ်လာတာ။ အလိုလိုအောင်မယ့် ကိစ္စကို သူတို့ကျူရှင် တက်မှ၊ သူတို့ကို လက်ဆောင်ပဏာပေးမှ အောင်မယ်ဆိုတဲ့ စတိုင်ဖမ်းလာကြတယ်။ ဘယ်လောက် စိတ်ပျက်စရာကောင်းလဲ။ ဒီတော့ တယ်တော်တဲ့ ကျောင်းသား၊ ကြိုးစားချင်စိတ် ရှိတဲ့သူတောင် ကြိုးစားမှုနှုန်းက သုံးပုံမှာ တပုံလောက် ကျသွားတယ်။”

”ဒီလိုဇာတ်လမ်းကြီးမှာ ကျနော် ဘယ်လိုမှ ဆက်ပြီး သရုပ်မဆောင်နိုင်တော့ဘူး။ ရှေ့ကလူတွေလို လိုက်မလုပ်ရင်လည်း ကျနော့် မိသားစု ဒီလစာနဲ့ ထမင်းငတ်တော့မယ်။ ဒီတော့ ကျနော် လုပ်ဖို့က ရင်ခုန်စရာ မကောင်းတဲ့ ဒီဇာတ်လမ်းထဲက ထွက်လိုက်ဖို့ပဲ။ အခုတော့ ဆန်ရောင်းနေတယ်” လို့ ဆရာဦးထွန်းဆိုသူက ရင်ဖွင့်ပြောဆိုပါတယ်။

ကလေး စာမေးပွဲ အောင်ဖို့ကတော့ လွယ်ပါတယ်

’’ကျမ ကလေးက အခု ဒုတိယတန်းပါ။ ဒါပေမဲ့ “က“ ကနေ “အ“ အထိတောင် ကောင်းကောင်း မသိချင်သေးဘူး ဖြစ်နေတယ်။ မူလတန်းကတည်းက သူ့အတန်းပိုင်ဆရာမဆီမှာပဲ ကျူရှင်ပြန်ထားခဲ့တာ။ ကိုယ်က ထားချင်လို့တော့ မဟုတ်ဘူး။ ဆရာမက အတန်းမှာရှိတဲ့ ကျောင်းသားတိုင်း သူ့ဆီမှာ တက်ရမယ်လို့ ပြောတယ်။ အဲဒါ ကိုယ့်ကလေးမျက်နှာငယ်မှာဆိုးလို့ ထားလိုက်တယ်။ ဆရာမက ကျောင်းသားတွေရဲ့ စီးပွားရေးကိုလည်း သိနေတယ်။ သူက တယောက်ချင်း ခေါ်မေးထားတာ။ တကယ်မတတ်နိုင်တဲ့ သူဆိုရင်တော့ သူက သင်မပေးဘူး။ အလကားတော့ သင်မပေးဘူး။ အတန်းထဲမှာလည်း ဂရုမစိုက်တော့ဘူး။ အဲလိုဂရုမစိုက်မှာစိုးလို့ ဆရာမကို ပေးရကမ်းရတဲ့ အကျိုးက ကိုယ်ကလေးက စာတော့ မတတ်ဘူး၊ အတန်းတွေတော့ တက်သွားတယ်။

ပြီးတော့ အောင်စာရင်းမထွက်ခင် ကျမကို ခေါ်ခေါ်တော့ ပြောပါတယ်။ ကလေးက စာမေးပွဲမှာတော့ ကျနေတယ်။ ဒါပေမဲ့ သူ့ကို ကျမ အတန်းတင်ပေးလို့ ရပါတယ်။ အဲဒါ တင်ရမလား၊ မတင်ဘဲ ထားရမလားဆိုတာ မေးတာပါ။ ဘယ်သူပဲဖြစ်ဖြစ် ကိုယ်သားသမီးကို အောင်စေချင်တာပဲလေ။ ဒီတော့ ကျမလည်း တင်ခိုင်းလိုက်မိတယ်။ အဲဒါ အခုမှ နောင်တရနေတယ်။ ကလေးက စာကို ကောင်းကောင်း မဖတ်တတ်ဘူး ဖြစ်နေတယ်’’ ဆိုပြီး ကျောင်းသားမိခင်က ကလေးရဲ့ အနာဂတ်ပညာရေးကို ရင်မောစွာနဲ့ ဆိုလာပါတယ်။



တီးတိုးငွေနဲ့ ကပ်တိုး ဆရာမ



မဝေလင်းနဲ့ မခိုင်ဇာဟာ အရမ်းရင်းနှီးကြတဲ့ ရွယ်တူသူငယ်ချင်းတွေ ဖြစ်ကြပါတယ်။ သူတို့နှစ်ယောက်ဟာ စနစ်သစ် ပညာရေးရဲ့ ပထမဆုံးနှစ်ဖြစ်တဲ့ ၂ဝဝ၁-၂ဝဝ၂ တက္ကသိုလ်ဝင်တန်းကို ဧရာဝတီတိုင်း ဒေသကြီးကနေ ဖြေဆိုအောင်မြင်ခဲ့ကြသူတွေပါ။ သူတို့ရဲ့ ရမှတ်တွေဟာလည်း မတိမ်းမယိမ်းပါပဲ။ တဘာသာကို ရမှတ် ၄ဝ နဲ့ ၆ ဘာသာ ၂၄ဝ ကို မြန်မာစာ တဘာသာထဲမှာ ၅ဝ ကျော်ရသွားလို့ သူတို့ အမှတ်က စုစုပေါင်း ၂၅ဝ ကျော်တွေနဲ့ပေါ့။

တကယ်ကို ဘာမှ လုပ်စားလို့ မရတဲ့ အမှတ်တွေပဲ ဖြစ်ပါတယ်။ ဒါပေမဲ့ ဂုဏ်ကလေးတခုရှိအောင် မီရာလျှောက်မယ်လို့ နှစ်ဦးသား ဆုံးဖြတ်လိုက်ပါတယ်။

အဲဒါ တခြားမဟုတ်ပါဘူး။ ဆရာ အတတ်သင် လျှောက်ဖို့ပဲ ဖြစ်ပါတယ်။ လျှောက်လွှာ ခေါ်ချိန် ကို စောင့်ကြပါရော။ လျှောက်လွှာခေါ်တဲ့ အခါ နှစ်ယောက်စလုံး လိုအပ်တာ ယူပြီး သွားကြတဲ့အခါ သူလိုကိုယ်လို သုံးစားလို့ မရတဲ့ အမှတ်တွေနဲ့ လျှောက်တဲ့သူတွေက များတော့ လျှောက်လွှာရွေးချယ်ပွဲမှာတင် စကွဲမှာ စိုးရိမ်ပြီး သူတို့ အိမ်ပြန်လာကြပါတယ်။

အိမ်ရောက်လို့ အကျိုးအကြောင်းပြောတော့ မိဘဖြစ်သူတွေက သားသမီးလျှောက်လွှာပါဖို့အရေး အဲဒီနယ်ပယ်က အာဏာရှိ ဝန်ထမ်းတဦးနဲ့ မရရတဲ့နည်းနဲ့ ချိတ်ဆက်ရပါတော့တယ်။ ဘာပဲဖြစ်ဖြစ် သမီးတွေ ဆရာမဖြစ်ဖို့အရေး ပင်ကို အရည်အသွေးထက် ပိုအရေးကြီးတာက ကပ်တိုးတတ်ဖို့ပါပဲ။ အကောင်ကြီးကြီးကို ကပ်ပြီး တိုးဝင်ပါမှ လိုရာပန်းတိုင် ရောက်နိုင်တော့မှာ မဟုတ်ပါလား။ ဒီအတွက် တောက်လျှောက်ဆိုသလို တီးတိုးငွေ ထုတ်ပါတော့တယ်။

ပထမအဆင့် ဖောင်ပါပြီး အင်တာဗျူးခန်း ဝင်ဖို့အတွက် ငွေကျပ် ၅ သောင်းနဲ့ လက်ဆောင်ပဏာတွေ ဖြစ်ပါတယ်။ ဒီအတွက် သူတို့နှစ်ယောက် ပထမအဆင့်ကို ချောမောစွာ ဖြတ်ကျော်သွားကြပါတယ်။ အင်တာဗျူးခန်း ရောက်လို့ မေးတဲ့မေးခွန်းက နိုင်ငံရေး ဦးတည်ချက်၊ စီးပွားရေး ဦးတည်ချက်တွေကို မေးတာပါတဲ့။ အဲဒီမှာ နှစ်ယောက်စလုံး အပြင်ရောက်လို့ အဖြေတိုက်ကြတဲ့အခါ ဝက်ဝက်ကွဲအောင် လွဲကြပါတယ်တဲ့။ သိပ်ခက်တဲ့ မေးခွန်းမို့ မဖြေနိုင်ကြပါဘူးတဲ့။

သူတို့ကိုယ်သူတို့ မပါတော့ဘူးလို့ ထင်ပေမယ့် သူတို့နှစ်ယောက်လုံး ရွေးချယ်ခံခဲ့ရပါတယ်။ ဒါက တီးတိုးငွေကြေးရဲ့ အကျိုးပါပဲ။

တီးတိုးငွေနဲ့ ကပ်တိုးဆရာမ ဖြစ်ဖို့ ကြိုးပမ်းလိုက်ကြတာ နောက်ဆုံးမှာတော့ သူမတို့နှစ်ယောက် သွေးကွဲတဲ့ အဆင့်ကို ရောက်ပါတော့တယ်။ မဝေလင်းဆိုသူက သင်တန်းပြီးလို့ ဆရာမအဖြစ် တာဝန် ထမ်းဆောင်တဲ့အခါ ဇာတိနဲ့ မနီးမဝေး ဖျာပုံမှာ မူ-ပြ ဆရာမ ဖြစ်ခဲ့ပေမယ့် မခိုင်ဇာကတော့ ဘာမှ မဆီမဆိုင်တဲ့ ချင်းပြည်က မူ-ပြ ဆရာမလေး ဖြစ်လို့ သွားပါတယ်။

ဒါပေမဲ့ အခုတော့ မခိုင်ဇာတယောက် ဟင်္သာတကို လယ်-ပြ အဖြစ်နဲ့ ရောက်လို့နေပါပြီ။ ’’ဒါဟာလည်း တီးတိုးငွေရဲ့ အကျိုးပဲ’’ လို့ဆိုပါတယ်။