ဒီပဲယင်းလုပ်ကြံသတ်ဖြတ်မှုကြီး (၉၉)လပြည့် ၀မ်းနည်းခြင်းနှင့် အမျိုးသားပြန်လည်ရင်ကြားစေ့ရေးတောင်းဆိုသည့် ဆန္ဒပြပွဲ ရုပ်သံမှတ်တမ်း(ဂျပန်)

မြန်မာနိုင်ငံရဲ့ နိုင်ငံရေး၊ စီးပွားရေး၊ လူမူရေး ကြပ်တည်းနေသောအခြေအနေမှအမြန်ဆုံးလွှတ်မြောက်ရန်
အတွက်တွေ့ဆုံဆွေးနွေးရေးသည်မဖြစ်မနေ အမြန်ဆုံးလိုအပ်နေပါသည်။
အမျိုးသားခေါင်းဆောင် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်တို့သည် ဒီပဲယင်း
အရေးအခင်းဖြစ်ရပ်မှန် ဖေါ်ထုတ်ပေးရန်နှင့် နိုင်ငံအတွက်အရေးတကြီးလိုအပ်နေသော တွေ့ဆုံဆွေးနွေး
မှုအမြန်ဆုံးပေါ်ပေါက်စေရေးအတွက် လက်ရှိစစ်အစိုးရကို အစဉ်တစိုက် တောင်းဆိုနေပါသည်။

အမျိုးသားဒီမိုကရေစီအဖွဲ့ ချုပ်(လွတ်မြောက်နယ်မြေ)ဂျပန်ဌာနခွဲနှင့်ဂျပန်ရောက်မြန်မာ့ဒီမိုကရေစီအင်အားစု
များမှလည်း လစဉ်(၃၀)ရက်နေ့တိုင်းကျင်းပနေကြ မြန်မာသံရုံးရှေ့ တွင် ဒီပဲယင်းနိုင်ငံတော်လုပ်ကြံမှု (၉၉) လပြည့် ၀မ်းနည်းခြင်းနှင့် အမျိုးသားပြန်လည်ရင်ကြားစေ့နိုင်ရေးအတွက်တောင်းဆို
ဆန္ဒပြခဲ့ကြပါသည်။
ဆန္ဒပြပွဲအခမ်းအနားကို နေ့လည် ၃နာရီမှ ၄နာရီအထိ ကျင်းပပြုလုပ်ခဲ့ပါသည်။.

ttp://nldlajb.blogspot.com/
မှကူးယူတင်ပြသည်။
MAUNG NE WIN

သန်းရွှေလည်း တွေ့ ခဲ့တာဘဲ၊ အခု သိန်းစိန်လည်း တွေ့ ပြနေတာဘဲ။

ပြည်ပရောက်သူတွေ ပြန်လာရေး ဒေါက်တာ နေဇင်လတ် ပြောဆို

2011-08-25
နိုင်ငံရေး လှုပ်ရှားမှုကြောင့် ပြည်ပကို ထွက်ခွာသွားသူ အားလုံးကို တစုံတရာ အရေးယူမှု မပြုဘဲ ပြန်လာခွင့်ပြုမှာ ဖြစ်ကြောင်း သမ္မတ ဦးသိန်းစိန်ရဲ့ နိုင်ငံရေး အကြံပေး ပုဂ္ဂိုလ် ဒေါက်တာ နေဇင်လတ်က RFA ကို သြဂုတ်လ ၂၄ ရက်နေ့က ပြောဆိုလိုက် ပါတယ်။
သမ္မတ ဦးသိန်းစိန် မကြာခင်က နေပြည်တော်မှာ ပြောကြားခဲ့သလို ပြည်ပရောက် မြန်မာနိုင်ငံသားတွေ ပြန်လာကြဖို့ ဖိတ်ခေါ်ခဲ့မှုနဲ့ ပတ်သက်လို့ မကြာခင် အသေးစိတ် ထုတ်ပြန်ဖို့ အစိုးရက စီစဉ် ဆောင်ရွက်နေကြောင်း၊ ရာဇ၀တ်ပြစ်မှု ကျူးလွန်ခဲ့သူများကလွဲလို့ ပြည်ပကို ထွက်ခွာသွားသူ အားလုံးကို တစုံတရာ အရေးယူမှာ မဟုတ်ဘူးလို့ ဆိုပါတယ်။
ဒါ့အပြင် မြန်မာနိုင်ငံမှာ အစိုးရ ၀င်ရောက် စွက်ဖက်မှု မရှိတဲ့ လူ့အခွင့်အရေးဆိုင်ရာ အဖွဲ့အစည်း တရပ်ကို အခု ရက်ပိုင်း အတွင်း တရားဝင် ထူထောင် ဖွဲ့စည်းဖို့ အစီအစဉ် ရှိကြောင်း ဒေါက်တာ နေဇင်လတ်က ပြောပါတယ်။
အဲဒီ လူ့အခွင့်အရေး ကာကွယ်ရေးနှင့် ဖွံ့ဖြိုး တိုးတက်ရေးအဖွဲ့ကို အများက ကြည်ညို လေးစားရတဲ့ ပုဂ္ဂိုလ်တွေနဲ့ ဖွဲ့စည်းသွားမှာ ဖြစ်ပြီး၊ လူ့အခွင့်အရေး ချိုးဖောက်မှုတွေကို လွတ်လွတ် လပ်လပ် စုံစမ်း ဖော်ထုတ်မယ်လို့ သူက ပြောပါတယ်။

RFAမှကူးယူတင်ပြသည်။
MAUNG NE WIN

နိုင်ငံရေးအကျဉ်းသား လွှတ်ရေးအဆို တပ်မတော်သား အမတ်များပါ ထောက်ခံ

ချင်းမိုင် (မဇ္ဈိမ) ။ ။ သောကြာနေ့ ပထမအကြိမ် ပြည်သူ့လွှတ်တော် ဒုတိယ ပုံမှန် အစည်းအဝေးတွင် နိုင်ငံရေး အကျဉ်းသားများ လွတ်မြောက်ရေးနှင့် ပတ်သက်သည့် အဆိုသည် လွှတ်တော် ဆွေးနွေးပွဲများ အတွင်း ထောက်ခံဆွေးနွေးသူ အများဆုံးရရှိခဲ့သည့် အဆိုတခုဖြစ်ကာ တပ်မတော်သား လွှတ်တော်အမတ်များပါ ပထမဆုံးအကြိမ် ဝင်ရောက်ထောက်ခံ ဆွေးနွေးသည့် အဆိုတခုဖြစ်ခဲ့သည်ဟု ပြည်သူ့လွှတ်တော် အမတ်များက ပြောသည်။မတ်လအတွင်းက ကျင်းပခဲ့သည့် လွှတ်တော် စည်းဝေးပွဲများနှင့် ယခု ကျင်းပဆဲ လွှတ်တော် အစည်းအဝေးများတွင် တင်သွင်းခဲ့သည့် အဆိုတခုကို ထောက်ခံဆွေးနွေးမှုမှာ အမတ် ၁ ဦးမှ ၄ ဦး အထိသာ ရှိခဲ့သည်။သို့သော် ပြည်သူ့လွှတ်တော် အမတ် ဦးသိန်းညွန့် ကြာသပတေးနေ့တွင် တင်သွင်းခဲ့သည့် “ယုံကြည်ချက်ကြောင့် အကျဉ်းကျခံ နေရသူများအတွက် အထွေထွေ လွတ်ငြိမ်းချမ်းသာခွင့် သမ္မတမှ ထုတ်ပြန်ပေးရေး” အဆိုကို ပြည်သူ့ လွှတ်တော်တွင် သောကြာနေ့က ဆွေးနွေးရာ၊ တိုင်းရင်းသားပါတီများမှ လွှတ်တော်အမတ်များ သာမက တပ်မတော်သား အမတ်များ၊ စုစုပေါင်း ၁၅ ဦး ဆွေးနွေး ထောက်ခံခဲ့ကြခြင်းကြောင့် ထောက်ခံမှု အများဆုံးရသည့် အဆိုတခုဟု လွှတ်တော်အမတ်များက ပြောကြသည်။

နိုင်ငံရေး အကျဉ်းသားများ လွတ်မြောက်ရေးနှင့် ပတ်သက်သည့် အဆိုကို တပ်မတော်သား လွှတ်တော်အမတ်များ ပထမဆုံးအကြိမ် ဝင်ရောက်ထောက်ခံ ဆွေးနွေး

၂၅ ရာခိုင်နှုန်းဝေစုမှ တပ်မတော်သား လွှတ်တော် အမတ်များဖြစ်သည့် ဗိုလ်မှူးကြီး ဋ္ဌေးလှိုင်၊ ဗိုလ်မှူးကြီးတင့်ဆန်းတို့မှ အချို့သော တပ်မတော်သားများသည် အကြောင်းအမျိုးမျိုးကြောင့် အရပ်ဘက် တရားရုံးမှ ပြစ်ဒဏ်များ ကျခံခဲ့ရပြီး ထိုသူများသည် နိုင်ငံအတွက် အလုပ်လုပ်ခဲ့သူများ ဖြစ်ခြင်းကြောင့် ထိုသူများပါ လွတ်ငြိမ်းချမ်းသာခွင့်တွင် ပါဝင်စေလိုသည့် အတွက် ဦးသိန်းညွန့်၏ လွတ်ငြိမ်းချမ်းသာခွင့် အဆိုကို ထောက်ခံကြောင်း ဆွေးနွေး သွားကြသည်။ တနေ့တည်းမှာပင် အင်းစိန်ထောင်တွင်း တံခါးပိတ် တရားရုံးက ဗိုလ်ကြီးဟောင်း နေမျိုးဇင်ကို အီလက်ထရောနစ် ဥပဒေ ချိုးဖောက်မှုဖြင့် ထောင်ဒဏ် ၁၀ နှစ်ချမှတ်လိုက်သည်။ယင်းကဲ့သို့ တပ်မတော်သား လွှတ်တော်အမတ်များ ပါဝင်ဆွေးနွေးခြင်းမှာ ပထမဆုံး ဖြစ်ကြောင်းလည်း ပြည်သူ့ လွှတ်တော် အမတ် ဦးခိုင်မောင်ရည်က ဆိုသည်။“ဒါ ပထမဦးဆုံး ဆွေးနွေးခြင်းပဲ ဆွေးနွေးတဲ့သူတွေကလည်း ဗိုလ်မှူးကြီးအဆင့် ရှိသူတွေ ထိပ်ဆုံးမှာ ထိုင်တဲ့နှစ်ယောက် ခုံနံပတ် ၁၊ ၂ အဲဒီမှာထိုင်တဲ့ နှစ်ယောက်က ထဆွေးနွေးသွားတာ” ဟု မဇ္ဈိမကို ပြောသည်။ဦးသိန်းညွှန့်၏ အဆိုပါ အဆိုကို တိုင်းရင်းသား စည်းလုံးညီညွတ်ရေး ပါတီ အပါအဝင် တိုင်းရင်းသား ပါတီများဖြစ်သည့် ရှမ်းတိုင်းရင်းသားများ တိုးတက်ရေးပါတီ၊ ရခိုင်တိုင်းရင်းသားများ တိုးတက်ရေး ပါတီ၊ ဖလုံစဝေါ် ပါတီ၊ မွန်ဒေသလုံးဆိုင်ရာ ဒီမိုကရေစီ ပါတီ၊ ချင်းတိုးတက်ရေး ပါတီများမှ ထောက်ခံ ဆွေးနွေးခဲ့ကြသည်။ယင်းအပြင် အမျိုးသား ဒီမိုကရေစီ အင်အားစု ပါတီမှ ခွဲထွက်ကာ ပါတီသစ်ထောင်ခဲ့သူ ဦးသိန်းညွန့်၏ အဆိုကို အမျိုးသား ဒီမိုကရေစီ အင်အားစုပါတီမှ ဦးစိုးဝင်းနှင့် ဒေါက်တာ သန်းဝင်းတို့မှလည်း ထောက်ခံခဲ့ကြသည်။ သို့သော် ကြံ့ဖွံ့အမတ်များဖြစ်သည့် ဦးစံလင်းနှင့် ဒေါ်လဲ့လဲ့ဝင်းဆွေတို့မှ ကန့်ကွက် ဆွေးနွေးခဲ့ကြသည်ဟု သိရသည်။ဦးသိန်းညွန့်၏ အဆိုတွင် “ယုံကြည်ချက်ကြောင့် အကျဉ်းကျခံနေရသူများ အတွက် အထွေထွေ လွတ်ငြိမ်းချမ်းသာခွင့် သမ္မတမှ ထုတ်ပြန်ပေးရေး” ဟု သုံးနှုန်းထားခြင်းကြောင့် ပြည်ထဲရေးဝန်ကြီး ဒုတိယ ဗိုလ်ချုပ်ကြီး ကိုကိုမှနိုင်ငံတော် သမ္မတ ဦးသိန်းစိန်ထံ ဆက်လက် တင်ပြပေးရန် လွှတ်တော် ဥက္ကဋ္ဌ သူရဦးရွှေမန်းက မေတ္တာရပ်ခံခဲ့ပြီး ဒုဗိုလ်ချုပ်ကြီး ကိုကိုက သမ္မတထံ ဆက်လက် တင်ပြပေးမည် ဖြစ်သည်။နိုင်ငံရေး အကျဉ်းသားများနှင့် ပတ်သက်သည့် အဆိုကို ဦးသိန်းညွန့်မှ ယခုလ ၈ ရက်နေ့တွင် လွှတ်တော်ရုံး တင်ပြထားခဲ့ပြီး၊ ကြံ့ခိုင်ဖွံ့ဖြိုးရေး အမတ်တဦးဖြစ်သူ သူရဦးအေးမြင့်မှလည်း လွတ်ငြိမ်းချမ်းသာခွင့်နှင့် ပတ်သက်သည့် အဆိုကို ယခုလ ၂ဝ ရက်နေ့တွင် လွှတ်တော်ရုံးသို့ တင်ပြထားသည်ဟု သိရသည်။သောကြာနေ့ လွှတ်တော် ဆွေးနွေးပွဲများတွင် နိုင်ငံရေး အကျဉ်းသားများနှင့် ပတ်သက်သည့် ယင်းအဆိုကိုဆွေးနွေးသူများခြင်းကြောင့် ထိုအဆို တခုတည်းသာ ဆွေးနွေးနိုင်ခဲ့ကြသည်ဟု ပြည်သူ့လွှတ်တော် အမတ်များကပြောကြသည်။ပြည်သူ့လွှတ်တော်၏ မေးခွန်းများတွင် ဦးသိန်းညွန့်မှ မေးမြန်းသည့် မေးခွန်းဖြစ်သည့် သင်္ကန်းကျွန်းမြို့နယ်မှ လူကုန်ကူးခံရသူ ၂၆ ဦး နှင့်ပတ်သက်သည့် မေးခွန်းကို အလုပ်သမားဝန်ကြီး ဦးအောင်ကြည်မှ လူကုန်ကူးမှု ကျူးလွန်သူဟု ယူဆရသူ ဦးကျော်မြင့်ကို ဖမ်းဆီးစစ်ဆေးနေပြီ ဖြစ်ကြောင်း ဖြေသည်။ယင်းအပြင် ရှေ့နေ စာမေးပွဲများ ပြန်လည် ကျင်းပခွင့်၊ လိုင်စင် သိမ်းခံရသူများ အတွက် ပြန်ထုတ်ပေးရန် ရှိမရှိကို ဦးသိန်းညွန့်မှ မေးမြန်းရာ တရားသူကြီးချုပ် ဦးထွန်းထွန်းဦးမှ “တရားရုံးမှ သတ်မှတ်ထားသည့် ဥပဒေ ၁၂/၇ အရ ရှေ့နေ စည်းကမ်း မလိုက်နာသူများကို ရှေ့နေ လိုင်စင် ပြန်ထုတ်ပေးရန် မရှိပါ” ဟု ပြန်လည် ဖြေကြားခဲ့သည်။ဦးသိန်းညွန့်၏ နောက်ထပ်မေးခွန်းတခုဖြစ်သည့် ၂ဝဝ၈ ဖွဲ့စည်းပုံ အခြေခံဥပဒေတွင် တရားရုံးများ တခါးဖွင့်ပြီးပြည်သူ့ရှေ့တွင် တရားစီရင်ရန် ဖေါ်ပြထားသော်လည်း အင်းစိန်ထောင်တွင် အထူးတရားရုံးများ ဖွင့်ကာ တခါးပိတ် စစ်ဆေးနေခြင်းသည် ဥပဒေနှင့် ကိုက်ညီမှု ရှိမရှိ မေးသည်ကို ပြည်ထောင်စု တရားသူကြီးချုပ်မှ အထူးတရားရုံးများ လုပ်ရခြင်းသည် သက်သေများ တရားခံများ၏ လုံခြုံရေးအရ၊ လုပ်ရခြင်းဖြစ်ပြီး မြန်မာပြည်တွင် တခါးပိတ် စစ်ဆေးခြင်းမရှိပါဟု ပြန်လည် ဖြေကြားသည်။ယင်းအပြင် ဦးသိန်းညွန့်မှ သင်္ဘောသားများ ကားသွင်းခွင့်ရှိမရှိ မေးခွန်းကို မေးမြန်းခဲ့ရာ စီးပွားကူးသန်းဝန်ကြီး ဦးဝင်းမြင့်မှ ပို့ကုန်သွင်းကုန် စည်းကမ်းအတိုင်း လုပ်နေခြင်းကြောင့် သင်္ဘောသားများ ကားသွင်းခွင့် မရှိကြောင်းဖြေသည်။သောကြာနေ့ အမျိုးသား လွှတ်တော် အစည်းအဝေးတွင် အမျိုးသား လွှတ်တော် အမတ် ဦးခက်ထိန်နန်က ဖားကန့်ဒေသရှိ ကျောက်စိမ်းများကို ရေရှည် စနစ်တကျ ထိန်းသိမ်း တူးဖေါ်ရေးအဆို တင်သွင်းရာ အမျိုးသား လွှတ်တော် အမတ်များအားလုံး သဘောတူလက်ခံခဲ့ကြသည်။ဦးခက်ထိန်နန်၏ အဆိုကို သတ္တုတွင်းဝန်ကြီး ဦးသိန်းထိုက်က ဖြည့်စွက် ဆွေးနွေးရာတွင် အဆိုပါ ဒေသအတွင်းရှိကျောက်စိမ်းလုပ်ကွက်များကို လျှော့မည်ဖြစ်ကာ တိုင်းရင်းသား အမည်ခံ တရုတ်လူမျိုးများ၏ လုပ်ငန်းခွင်အတွင်း ကြီးစိုးမှုများကိုလည်း စိစစ်သွားရန် ရှိသည်ကြောင်း ဖြေကြားသည်ဟု အမျိုးသား လွှတ်တော် အမတ် ဦးဖုန်းဖြင့်အောင်က ဆိုသည်။“လုပ်ကွက်တွေကို လျော့ပါမယ် စက်တွေနဲ့ တူးတာတွေလည်း လျှော့ပါမယ်၊ တိုင်းရင်းသား အမည်ခံပြီးတော့ တရုတ်တွေ ကြီးစိုးနေတာတွေကိုလည်း သက်ဆိုင်ရာ ကချင်ပြည်နယ် အစိုးရနေပြီးတော့ စနစ်တကျ စစ်ဆေး ပါမယ် ဒေသခံတွေ ဦးစားပေးတဲ့ စနစ်ကို ကျင့်သုံးမယ် အဲဒီလိုပြောပါတယ်” ဟု ဦးဖုန်းမြင့်အောင်က မဇ္ဈိမကိုပြောသည်။ယင်းအပြင် အမျိုးသား လွှတ်တော်တွင် အလုပ်သမားဝန်ကြီး ဦးအောင်ကြည်မှ အလုပ်သမားများနှင့် ပတ်သက်သည့် ဥပဒေမူကြမ်းကို တင်သွင်သွားပြီး အဆိုပါမူကြမ်းကို လာမည့်တနင်္လာနေ့တွင် လွှတ်တော်မှ ဆက်လက် ဆွေးနွေးမည် ဖြစ်သည်။ဦးအောင်ကြည်၏ ဥပဒေမူကြမ်းတွင် အလုပ်သမားသမဂ္ဂများ ဖွဲ့စည်းနိုင်ရန်၊ အလုပ်သမားများမှ မကျေနပ်ချက်များ ရှိပါက သက်ဆိုင်ရာ၏ အစီအစဉ်ဖြင့် ဆန္ဒပြခွင့်နှင့် အလုပ်ရှင် အဖွဲ့အစည်းများ ဖွဲ့စည်းရေး စသည့်အချက်များ ပါဝင်ကြောင်း ဥပဒေမူကြမ်းကို ဖတ်ခွင့်ရသူ ဦးဖုန်းမြင့်အောင်က ဆိုသည်။အမျိုးသားလွှတ်တော်၏ သောကြာနေ့ အဆိုများတွင် အမျိုးသား လွှတ်တော် အမတ် ဦးခင်ရွှေ၏ ဒေါ်လာဈေးပြန်လည်သတ်မှတ်ပေးရန် အဆိုကို တနင်္လာနေ့တွင် ဆွေးနွေးရန်ရှိပြီး ဦးခင်ရွှေ၏ နောက်ထပ် အဆိုတခုဖြစ်သည့် ခရီးသွား လုပ်ငန်းများကို ဟိုတယ်နှင့် ခရီးသွားလုပ်ငန်းကို ဝန်ကြီးဌာနမှ ဦးစီးမှုမရှိဘဲ ဝန်ကြီးဌာနမှ ပုဂ္ဂိုလ်များ အပါအဝင် ပုဂ္ဂလိက လုပ်ငန်းရှင်များနှင့် ဖွဲ့စည်းရန် အဆိုကိုလည်း လွှတ်တော်မှ အတည်ပြုပေးခဲ့သည်။သောကြာနေ့ လွှတ်တော်များကို နံနက် ၁ဝ နာရီတွင် စတင်ကြကာ၊ ပြည်သူ့လွှတ်တော်သည် မွန်းလွဲ ၂း၃ဝ တွင် ပြီးဆုံးပြီး အမျိုးသားလွှတ်တော်သည် ညနေ ၄း၁၅ တွင် ပြီးဆုံးသည်။ လွှတ်တော် နှစ်ရပ်သည် စနေ၊ တနင်္ဂနွေတွင် ခေတ္တ ရပ်နားမည်ဖြစ်ကာ တနင်္လာနေ့တွင် ပြန်လည် စတင်မည်ဖြစ်သည်။

မဇ္ဈိမ မှကူးယူတင်ပြသည်။

MAUNG NE WIN

အာမခံချက်ရှိလို့ ဒီခြေလှမ်းတွေ လှမ်းနေတာ ဖြစ်တယ်

ပြီးခဲ့တဲ့ ၁၇ရက်နေ့တုန်းက ကြံ့ဖွတ်သမ္မတဦး(ဗိုလ်)သိန်းစိန်က မဟာမိန့်ခွန်းကြီးတခု ချွေပြီးတဲ့နောက်မှာ ငြိမ်းချမ်းရေး ဆွေးနွေးပွဲ ကမ်းလှမ်းတယ်ဆိုတဲ့ ကြေညာချက်တခု ဆက်ထွက်လာပါတယ်။ သူတို့ဟာ သတင်းစာ ရှင်းလင်းပွဲ ဆိုတာတွေ တခြိမ်းခြိမ်းကျင်းပသလို ဒေါ်အောင်ဆန်းစုကြည်ကို ကြပ်ပြေး နေပြည်တော်ကိုခေါ်ဆွေးနွေးတာတွေလည်း လုပ်ပါတယ်။ မီဒီယာသမားတွေ အတွက်တော့ သတင်းစည်ဝေနေတဲ့ ကာလပေါ့။ဦး(ဗိုလ်)သိန်းစိန်ရဲ့ မိန့်ခွန်းမှာပါတဲ့ ဗမာပြည်က ထွက်သွားသူတွေ ဗမာပြည်ကို ပြန်လာနိုင်ပါတယ် ဆိုတာရော၊ပြည်ထောင်စု အစိုးရအဖွဲ့ အတွင်းရေးမှူး နာမည်နဲ့ ထုတ်တဲ့ “ငြိမ်းချမ်းရေး ဆွေးနွေးရန် ဖိတ်ခေါ်ခြင်း”ဆိုတာကိုရောပါ ဘယ်သူကမှ (လက်နက်ချချင်သူကလွဲရင်) အလေးအနက်ထားတာ၊ ယုံကြည်တာ မရှိပေမယ့် တက်ကာစ ကြံ့ဖွတ် အစိုးရဟာတယ်လဲ ခြေသွက်လှပါကလားလို့ ပြောစရာ ဖြစ်နေပါတယ်။ အခုကာလကို ဗမာပြည် နိုင်ငံရေးမှာ ကြံ့ဖွတ် အစိုးရသစ်က နိုင်ငံရေး ထိုးစစ်တွေဆင် စဆင်တဲ့ ကာလလို့ဆိုရင် ရမယ်ထင်ပါတယ်။ အစိုးရ “အသစ်” တရပ် ပေါ်ပေါက်လာလို့ လေးလလောက် ကာလပိုင်းအတွင်းမှာ ဒါလောက်များပြားတဲ့ ခြေလှမ်းတွေ၊ ဒါလောက် မျက်စေ့လည်စရာကောင်းတဲ့ ပရိယာယ်တွေကို တခုပြီးတခု အခုလို ဆက်တိုက် ဖော်ထုတ်လာတာ ကို တွေ့ရတော့ ဒါတွေဟာ ဒီအစိုးရ မပေါ်ပေါက်မီကထဲက စီမံကိန်းချ ပြင်ဆင်ထားတာလေလား၊ ဗိုလ်သန်းရွှေ တို့ရဲ့ ရွှေဉာဏ်တော်များလား၊ မစဉ်းစားပဲ မနေနိုင်ပါဘူး။ တစက်ကလေးမှ သတင်းမပေါက်ပဲ ခြေလှမ်းတမျိုးပြီး တမျိုး လုပ်လာတာတွေကို တွေ့တော့ နဝတ-နအဖခေတ်များက လုပ်နည်းတွေကိုလည်း သတိရစေပါတယ်။ တဆက်ထဲမှာပဲ တခြားဘာတွေ လုပ်လာဦးမှာလဲ၊ ဒီလို စီမံ ပြင်ဆင်ပြီးတာတွေ ရှိနေတော့ အခုလုပ်နေတဲ့ အလုပ်ရုံတို့၊ ရှင်းလင်းပွဲတို့မှာ ပြောကြတဲ့ အစိုးရ မဟုတ်သူတွေရဲ့ အမြင်တွေကို ဘယ်လောက်အထိ လက်ခံ စဉ်းစားမှာလဲဆိုတာ တွေးတောစရာ ဖြစ်လာပါတယ်။

နေရာမှာ နဝတ-နအဖတို့နဲ့ ဒီနေ့ကြံ့ဖွတ်အစိုးရတို့အကြား မတူညီတာ တချို့ကို ထောက်ပြဖို့ လိုတယ်ထင်ပါတယ်။ နဝတ-နအဖစစ်အစိုးရတွေ အာဏာယူထားတဲ့ အချိန်မှာ ရှစ်လေးလုံး အရေးတော်ပုံကြီးရဲ့ အရှိန်က ရှိနေပါတယ်။ ပြည်တွင်းပြည်ပ အနေနေရာရာမှာ အပြတ်ဆန့်ကျင်တာ ခံနေရပါတယ်။ သူတို့ကိုယ်တိုင်က အာဏာသိမ်းအစိုးရ ဖြစ်နေပါတယ်။ သူတို့အဖို့ ပြဿနာရယ်လို့ ပေါ်လာရင် အချိန်ဆွဲ မနေနိုင်ပါဘူး။ ကြမ်းတန်ကြမ်း၊ ရမ်းတန်ရမ်း၊ ချက်ချင်း လက်ငင်း အရေးယူရပါတယ်၊ ကိုယ့်အရိပ်ကိုယ်တောင် လန့်နေရတာမို့ (ဗိုလ်စောမောင်၊ ဗိုလ်ခင်ညွန့်အပါ အဲဒီကာလအတွင်း သူတို့အချင်းချင်း အရေးယူခဲ့ရတာတွေ နည်းသမို့လား) အခု(ဦး)ဗိုလ်သိန်းစိန် အစိုးရ လုပ်သလို သဏ္ဌာန်အရ ဟန်ပြတွေကိုတောင် မလုပ်ဝံ့ပါဘူး။ ဒီကြံ့ဖွတ် အစိုးရကျတော့ သူတို့က အာဏာသိမ်း အစိုးရ မဟုတ်ဘူးလို့ ပြောလို့ ရသလို ဖြစ်နေပါတယ်။ နောက်ပြီး အနောက်နိုင်ငံတွေဘက်ဆီကလည်း မျက်ရိပ်ပြသူကပြ ဖြစ်နေပါတယ်။ ဗမာပြည်က ၁၉၈၈ ခုနှစ် အရေးတော်ပုံ နောက်ပိုင်း စစ်အစိုးရတွေအဖို့ ဒီနေ့ဟာ အနောက်နိုင်ငံတွေနဲ့ အနီးစပ်ဆုံး အခြေအနေလို့ ပြောရင် ရပါတယ်။ ဒါ့အပြင် အာဆီယံဥက္ကဋ္ဌ နေရာလို မက်လုံးတွေကလည်း ရှိနေတော့ ကြံ့ဖွတ် အစိုးရအနေနဲ့ ဘာမှမရလည်း အရင်းမို့ စွန့်စားရကျိုးနပ်သလို ဖြစ်နေပြီး အခုဒီကိစ္စတွေကို လုပ်တော့တာ ဖြစ်ပါတယ်။ ဒါဖြင့် ဒီသတ္တိတွေကို သူတို့ ဘယ်ကရနေတာလဲ။ အင်မတန် ရှင်းပါတယ်။ သူတို့နောက်မှာ စစ်တပ် ရှိနေတယ်၊ စစ်တပ်ဟာ သူတို့ရဲ့ စစ်တပ်ပဲ။ စစ်တပ်နဲ့ သူတို့ဟာ တသားတည်းရှိနေတယ် ဆိုတဲ့ အာမခံချက် ရှိနေတာက တကြောင်း ၂ဝဝ၈ခုနှစ် ဖွဲ့စည်းပုံ အခြေခံ ဥပဒေ ဆိုတာကြီးကလည်း အာမခံချက် ပေးထားတယ်ဆိုတဲ့ အကြောင်းတွေကြောင့် ဖြစ်ပါတယ်။ သူတို့ ဒီနေ့လှမ်းနေတဲ့ ခြေလှမ်း မှန်သမျှကို ဒီ၂ဝဝ၈ ဖွဲ့စည်းပုံ အခြေခံ ဥပဒေဘောင်ထဲက ထွက်မသွားအောင်လှမ်းနေတာချည့် ဖြစ်တယ် ဆိုတာကို သတိထားသင့်ပါတယ်။ နောက်တချက်က သူတို့ အနေနဲ့ ဘယ်သူ၊ ဘယ်အဖွဲ့အစည်းနဲ့ ဆက်ဆံဆက်ဆံ ဒီ ၂ဝဝ၈ ဖွဲ့စည်းပုံ ဘောင်ထဲကို ဆွဲသွင်းဖို့ လုပ်နေတယ် ဆိုတာ ဖြစ်ပါတယ်။ လက်နက်ကိုင် အင်အားစုတွေနဲ့ စကားပြောရင်တောင် ဒီဘောင်ထဲကို အတင်းဆွဲသွင်းပြောနေတာကို သတိထားမိကြမှာပါ။ (ဦး)ဗိုလ်သိန်းစိန်- ကြံ့ဖွတ် အစိုးရရဲ့ဒီမိုကရေစီဆိုတာ ဒီဘောင်ထဲမှာပဲဖြစ်ပါတယ်။ဒီတော့ သူတို့အနေနဲ့ အခုအခါမှာ ဒီဘောင်ထဲမှာ အပျော့ဆွဲဆွဲတာ၊ ကြောင်ချေးလို ပြောတာတွေ လုပ်နိုင်နေပါတယ်။ တချို့ကိစ္စတွေမှာဆိုရင် သူတို့အဖို့ အချိန်ဆွဲနိုင်လေ၊ အပျော့ဆွဲနိုင်လေ အကျိုးရှိတာတွေတောင် တွေ့လာရ ပါတယ်။ တပါထဲမှာ သူတို့နဲ့ မတူတဲ့ နိုင်ငံရေး အင်အားစုတွေကို ထန်းလျက်လုံး ခွေးလျက်သလို လုံးပါးပါးသွားအောင်လည်း လုပ်နေပါတယ်။ ခြိမ်းခြောက်တဲ့ အချိန်မှာ ခြိမ်းခြောက်လိုက်၊ အကြိုက်ပြတဲ့ အချိန်မှာ အကြိုက်ပြလိုက်၊ သူတို့စိတ်ကြိုက် ကစားလို့ ရသလို ဖြစ်နေပါတယ်။ဒီနေရာမှာ တချို့က ‘ဒင်းတို့ ဒီလို မလုပ်လဲ မရဘူးလား’ လို့ မေးကောင်းမေးပါတယ်။ မရဘူး မဟုတ်ပါဘူး။ အာဏာကို ထိန်းထားရုံကတော့ ရပါတယ်။ ဒါပေမဲ့ ပြဿနာက သူတို့ရဲ့ အရင်းအနှီးတွေပါ။ ကနေ့ ဗမာပြည်က စစ်အာဏာရှင်တွေကို ကြည့်ရင် သေနတ်ကိုင်ထားတဲ့ လူဆိုးတွေပဲလို့မြင်ရင် အကုန် မမြင်နိုင်သေးဘူးလို့ပြောရပါမယ်။ သူတို့ရဲ့လက်ထဲမှာ သေနတ်သာ ရှိတာ မဟုတ်ပါဘူး။ ဓနတွေလည်း အများကြီး ရှိနေပါတယ်။ ဓနဆိုတာ မပြတ်ပွားနေဖို့ လိုတာပါ။ အဲဒီလို တိုးပွားရေးနဲ့ နဂိုသူတို့ရဲ့အာဏာယန္တရားဟာ ပဋိပက္ခ ဖြစ်လာနေပါတယ်။ ဒါကို သူတို့ထဲက လူတွေက မကျေနပ်တာတွေ များသထက် များလာနေပါတယ်။ သူတို့ချင်း တောင်ကျရေ နွားနှစ်ကောင် မဝသလို ဖြစ်တာတွေ များသထက် များလာနေတော့ ပြည်ပကို တံခါးဖွင့်ဖို့ ကြိုးစားပမ်းစား လုပ်ရပါတော့တယ်။ဒီလိုလုပ်တဲ့ အတွက် သူတို့မှာ အန္တရာယ် မရှိဘူးလားဆိုတော့ ရှိသလောက် ရှိတာပဲလို့ ပြောရမှာပါ။ ဒါပေမဲ့ သူတို့မှာ ၂၀၀၈ခုနှစ် ဖွဲ့စည်းပုံ အခြေခံ ဥပဒေဆိုတာရဲ့ အာမခံချက်က ရှိနေပါတယ်။ အထူးသဖြင့် ဒီဖွဲ့စည်းပုံ ဥပဒေ “ အခန်း၁၁- အရေးပေါ် ကာလဆိုင်ရာ ပြဋ္ဌာန်းချက်များ”မှာ ပါတဲ့ ဒီစာပိုဒ်ပါ- ၄၁၈(က) “နိုင်ငံတော် သမ္မတသည် နိုင်ငံတော်အတွင်း မူလအခြေအနေသို့ အမြန် ပြန်လည် ရောက်ရှိစေခြင်းငှာ လိုအပ်သည့် အရေးယူ ဆောင်ရွက်မှုများ ပြုနိုင်ရန် တပ်မတော် ကာကွယ်ရေး ဦးစီးချုပ်အား နိုင်ငံတော်၏ ဥပဒေပြုရေး၊ အုပ်ချုပ်ရေးနှင့် တရားစီရင်ရေး အာဏာများကို လွှဲအပ်ကြောင်း ကြေညာရမည်” ဆိုတဲ့ အာဏာသိမ်းခွင့် လိုင်စင် ပေးထားတဲ့ အချက်ပါပဲ။

http://www.mizzimaburmese.com/edop/songpa/8230-2011-08-29-12-55-11.html

မှကူးယူတင်ပြသည်။

MAUNG NE WIN

နိုင်ငံရေး အကျဉ်းသားများအား လွှတ်မပေးနိုင်သေး

နိုင်ငံတော် တည်ငြိမ်အေးချမ်းမှုကို အနှောင့်အယှက် မပြုကြောင်း သေချာသည့် အချိန်ကျမှသာ နိုင်ငံရေး အကျဉ်းသားများကို ပြန်လွှတ်ပေးမည်ဟု အမျိုးသားလွှတ်တော် ဥက္ကဋ္ဌ ဦးခင်အောင်မြင့်က ကုလသမဂ္ဂ လူ့အခွင့်အရေး အရာရှိ မစ္စတာ သောမတ်စ် အိုဟေး ကင်တားနားနှင့် နေပြည်တော်၌ တွေ့ဆုံစဉ် ပြောဆိုလိုက်သည်။

ရန်ကုန် မင်္ဂလာဒုံ အပြည်ပြည်ဆိုင်ရာ လေဆိပ်တွင် မစ္စတာ သောမတ်စ် အိုဟေး ကင်တားနား သတင်းစာရှင်းလင်းပွဲ ပြုလုပ်စဉ်

ယခုအစိုးရသည် သဘောထားပျော့ပြောင်းကြောင်း၊ နိုင်ငံတော်၏ လုပ်အားစုများကို အဆုံးအရှုံးခံပြီး အကျဉ်းထောင်ထဲ ထည့်ထားခြင်းမျိုးအား မည်သည့်အစိုးရကမျှ ပြုလုပ်လိုမည် မဟုတ်ကြောင်း၊ နိုင်ငံတော် တည်ငြိမ်အေးချမ်းမှုကို အနှောင့် အယှက် မပြုကြောင်း သေချာသည့် အချိန်တွင် အကျဉ်းသားများအား ပြန်လည်လွှတ်ပေးမည် ဖြစ်ကြောင်း မစ္စတာကင်တားနား၏ တောင်းဆိုချက်ကို ဦးခင်အောင်မြင့်က ဖြေကြားသည်ဟု ယနေ့ထုတ် သတင်းစာများတွင် ဖော်ပြထားသည်။မစ္စတာကင်တားနားသည် အမျိုးသားလွှတ်တော် ဥက္ကဋ္ဌ ဦးခင်အောင်မြင့်နှင့် သီးခြားတွေ့ဆုံခဲ့ခြင်းဖြစ်သည်။ကုလသမဂ္ဂ အထွေထွေ အတွင်းရေးမှူးချုပ် အပါအ၀င် မိမိနှင့် အာဆီယံနိုင်ငံများက အကျဉ်းသားများ လွှတ်ပေးရန် တိုက်တွန်းကြောင်း၊ ဒေါ်အောင်ဆန်းစုကြည်အား ထိန်းသိမ်းထားမှုကို ရုပ်သိမ်းပြီးနောက် နိုင်ငံအတွက် အကျိုးရှိစေမည့် တွေ့ဆုံဆွေးနွေးမှုများ ဆောင်ရွက်နေသည့် နည်းတူ တခြားသူများအား လွှတ်ပေးခြင်းဖြင့် အလားတူ အကျိုးသက်ရောက်မှု ရှိမည်ဟု ယုံကြည်ကြောင်း မစ္စတာကင်တာနားပြောဆိုသည်ဟု ရေးသားထားသည်။ထို့အပြင် အင်းစိန်ထောင်သို့ သွားရောက်ပြီး နိုင်ငံရေး အကျဉ်းသား ကိုညီညီထွန်း၊ ကိုဖြိုးဝေအောင် အပါအ၀င် အကျဉ်းသားနှင့် အချုပ်သား ၆ ဦး၊ အကျဉ်းသူ ၁ ဦးတို့ကိုလည်း တွေ့ဆုံခဲ့သည်။မစ္စတာကင်တားနားသည် ယမန်နေ့က မြန်မာနိုင်ငံမှ ပြန်လည်ထွက်ခွာခဲ့ပြီး မထွက်ခွာမီ ရန်ကုန်မင်္ဂလာဒုံလေဆိပ်တွင် သတင်း စာရှင်းလင်းပွဲ ပြုလုပ်ခဲ့ရာ မြန်မာနိုင်ငံ၏ လူ့အခွင့်အရေးနှင့် ပတ်သက်၍ အစိုးရအား ယခုထက်ပိုမို လုပ်ဆောင်ရန် တိုက်တွန်း ထားသည့် ကြေညာချက်တစောင် ထုတ်ပြန်ခဲ့သည်။ထိုကြေညာချက်တွင် မြန်မာနိုင်ငံ၌ ပြစ်မှုကျူးလွန်သည်ဟု သံသယရှိသူများကို စုံစမ်းစစ်ဆေးနေစဉ် အတောအတွင်း ရိုက်နှက်ခြင်း၊ လိင်အင်္ဂါအပါအ၀င် ခန္ဓာကိုယ်၏ တချို့ အစိတ်အပိုင်းများအား မီးရှို့ကာ နှိပ်စက်ညှဉ်းပမ်းခြင်း၊ နာမကျန်း ဖြစ်နေစဉ် ဆေးဝါးကုသမှု လုံလောက်စွာမပေးခြင်း၊ အစာရေစာဖြတ်တောက်ခြင်း၊ အိပ်စက်ခြင်းခွင့် မပေးခြင်းများရှိကြောင်း၊ ထို့အပြင် အကျဉ်းသားများကို စစ်တပ်၏ ပေါ်တာအဖြစ် အဓမ္မ လုပ်အားပေးခိုင်းစေခြင်းများလည်း ရှိကြောင်း စစ်ဆေးတွေ့ရှိရသည့်အတွက် စိုးရိမ်သည်ဟု ဖော်ပြထားသည်။မစ္စတာ ကင်တားနားသည် ပြည်သူ့လွှတ်တော်ဥက္ကဋ္ဌ သူရ ဦးရွှေမန်း၊ ပြည်ထောင်စု တရားသူကြီးချုပ် ဦးထွန်းထွန်းဦး၊ ပြည်ထောင် စု ရွေးကောက်ပွဲကော်မရှင် ဥက္ကဋ္ဌ ဦးတင်အေး၊ ပြည်ထဲရေး ၀န်ကြီး ဒုတိယ ဗိုလ်ချုပ်ကြီး ကိုကို၊ ကာကွယ်ရေး ၀န်ကြီးဌာန ၀န်ကြီး ဗိုလ်ချုပ်လှမင်း၊ နိုင်ငံခြားရေး ၀န်ကြီး ဦးဝဏ္ဏမောင်လွင်၊ အလုပ်သမားဝန်ကြီးဌာနနှင့် လူမှုဝန်ထမ်း၊ ကယ်ဆယ်ရေးနှင့် ပြန်လည် နေရာချထားရေး ၀န်ကြီးဌာန ၀န်ကြီး ဦးအောင်ကြည်၊ ပြည်ထောင်စု ရှေ့နေချုပ် ဒေါက်တာထွန်းရှင်၊ မြန်မာနိုင်ငံ ရဲတပ်ဖွဲ့ ဒုရဲချုပ် ဇော်ဝင်းတို့နှင့်လည်း သီးခြားစီ တွေ့ဆုံခဲ့သေးသည်။ပြည်ထောင်စု တရားသူကြီးချုပ် ဦးထွန်းထွန်းဦးနှင့် တွေဆုံစဉ် မစ္စတာကင်တာနားက ယုံကြည်ချက်ကြောင့် အကျဉ်းကျခံနေရသူ များကိစ္စကိုပြောဆိုရာ၌ ဦးထွန်းထွန်းဦးက မြန်မာနိုင်ငံတွင် ယုံကြည်ချက်ကြောင့် အကျဉ်းကျခံနေရသူ မရှိဘဲ ပြစ်မှုကျူးလွန်၍ ပြစ်ဒဏ် ကျခံရသူများသာ ရှိကြောင်း ပြန်လည်ပြောဆိုသည် ဟု သတင်းစာတွင် ရေးသားထားသည်။ပြည်ထဲရေး ၀န်ကြီး ဒု ဗိုလ်ချုပ်ကြီး ကိုကိုကလည်း ယုံကြည်ချက်ကြောင့် အကျဉ်းကျခံရသည့် အကျဉ်းသား ဆိုသူများတွင် မူးယစ် ဆေးဝါးမှု၊ လူသတ်မှု၊ ဗုံးဖောက်ခွဲမှု၊ သောင်းကျန်းသူများ၊ တခြားပြစ်မှုများနှင့် အကျဉ်းကျသူများ ပါဝင်ကြောင်း၊ မြန်မာနိုင်ငံတွင် အစိုးရသစ် ပေါ်ပေါက်ပြီးနောက် သမ္မတ ဦးသိန်းစိန်က လွတ်ငြိမ်းချမ်းသာခွင့် ပေးခဲ့ပြီးဖြစ်ကြောင်း၊ အခါအားလျော်စွာ လွတ်ငြိမ်း ချမ်းသာခွင့်ကို ဆက်လက်ပေးသွားမည် ဖြစ်ကြောင်း မစ္စတာကင်တာနားက ပြောဆိုသည်ဟုလည်း သိရသည်။ကုလသမဂ္ဂ လူ့အခွင့်အရေး စုံစမ်းစစ်ဆေးသူ မစ္စတာ သောမတ်စ် အိုဟေး ကင်တားနားသည် ပြီးခဲ့သည့် သြဂုတ်လ ၂၁ ရက်နေ့က မြန်မာနိုင်ငံသို့ ရောက်ရှိလာပြီး အစိုးရအဖွဲ့ဝင်များ၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် အမျိုးသား ဒီမိုကရေစီ အဖွဲ့ချုပ် ဗဟိုအလုပ်အမှုဆောင်များ၊ တခြားသော နိုင်ငံရေး ပါတီများ၊ လူ့အခွင့်အရေး လှုပ်ရှားသူများနှင့် လည်း တွေ့ဆုံခဲ့သည်။ နိုင်ငံရေး အကျဉ်းသားများ ကူညီ စောင့်ရှောက်ရေးအသင်း မြန်မာနိုင်ငံ (AAPP) ၏ တွဲဖက်အတွင်းရေးမှူး ကိုဘိုကြည်က “နိုင်ငံ ရေး အကျဉ်းသားမရှိဘူး ဆိုတဲ့စကားက နိုင်ငံတကာက လူတွေနဲ့တွေ့ရင် သူတို့ အမြဲတမ်းသုံးတဲ့ စကားပါ။ ဒါက ဘာကို ပြသလဲဆိုတော့ လက်ရှိပကတိ အခြေအနေကို လက်မခံနိုင်ဘူး ဆိုတာပြတယ်” ဟု မှတ်ချပေး ပြောဆိုသည်။

http://www.irrawaddy.org/မှကူးယူတင်ပြသည်။
MAUNG NE WIN

အထွေထွေ လွတ်ငြိမ်းချမ်းသာခွင့် မျှော်လင့်ချက် နည်းနေသေး

အထွေထွေ လွတ်ငြိမ်းချမ်းသာခွင့်နှင့် ပတ်သက်သော အဆိုတခုအား လွှတ်တော်တွင် အတည်ပြု ဆွေးနွေးခဲ့သော်လည်း သမ္မတ ဦးသိန်းစိန်မှတဆင့် နိုင်ငံတော်ကာကွယ်ရေးနှင့် လုံခြုံရေးကောင်စီ၌ ထပ်မံဆွေးနွေးမည့် ကိစ္စအပေါ် မျှော်လင့်ချက် နည်းပါးကြောင်း ကိုယ်စားလှယ်တချို့က ပြောကြသည်။
“လွှတ်တော် ဥက္ကဋ္ဌက သမ္မတဆီကို တင်ပေးဖို့အတွက် လက်ခံတာက ပြည်တွင်း ပြည်ပက ဖိအားတွေ၊ တောင်းဆိုမှုတွေ ဆက်တိုက် လုပ်နေကြတာကြောင့်လို့ ထင်ပါတယ်။ နိုင်ငံရေး အကျဉ်းသားတွေကို တကယ် ပြန်လွှတ်ဖို့ ကာလတခုကြာ ဦးမယ်လို့ ထင်တယ်” ဟု ပြည်သူ့လွှတ်တော် ကိုယ်စားလှယ် တဦးက ဆိုသည်။

“အထွေထွေ လွတ်ငြိမ်းချမ်းသာခွင့် အမိန့်များ ဆက်လက်ထုတ်ပြန် စေရေးအတွက် နိုင်ငံတော်သမ္မတအား ဤလွှတ်တော်က မေတ္တာရပ်ခံကြောင်း” အဆိုကို သြဂုတ်လ ၂၆ ရက်နေ့ကပြုလုပ်သည့် ပည်သူ့လွှတ်တော် အစည်းအဝေး၌ ဦးသိန်းညွန့်က တင်သွင်းရာ စစ်တပ်ကိုယ်စားလှယ်များ အပါအ၀င် အများစု၏ ထောက်ခံမှုဖြင့် အတည်ပြုခဲ့ကြသည်။

အဆိုတင်သွင်းခဲ့သူ ဦးသိန်းညွန့်က “လွတ်ငြိမ်းချမ်းသာခွင့်ကို လွှတ်တော်က အတည်ပြုပြီးပြီဆိုတော့ ချက်ချင်း အမိန့် မထုတ်ရင်လည်း ထုတ်တဲ့အချိန်အထိတော့ စိတ်ရှည်ရှည်နဲ့ စောင့်ရမှာပေါ့” ဟု ဧရာဝတီကို ပြောသည်။

ဦးသိန်းညွန့်၏ အဆိုအား စစ်တပ် ကိုယ်စားလှယ်များက ထောက်ခံသည့်အတွက် နေအိမ်အကျယ်ချုပ် ကျခံနေရသော ထောက်လှမ်းရေး အကြီးအကဲ ဗိုလ်ချုပ်ကြီးဟောင်း ခင်ညွန့်အပါအဝင် ထောင်ဒဏ်များ ကျခံနေရသော စစ်ထောက်လှမ်းရေး အဖွဲ့ဝင်များနှင့် ပတ်သက်၍ လူအများက စိတ်ဝင်စားနေကြသည်။

“ထောင်ဒဏ် ကျခံနေတဲ့သူတွေ ပြန်လွှတ်ပေးသင့်တယ်လို့ စစ်တပ်ကိုယ်စားလှယ် ပြောတယ်ဆိုတာက ထောက်လှမ်းရေး အဖွဲ့ကို ရည်ညွှန်းတယ်လို့ ထင်တယ်။ ကာကွယ်ရေးဦးစီးချုပ်က ရွေးချယ်ထားတဲ့ ကိုယ်စားလှယ်တွေကို လက်ညှိုးထောင်၊ ခေါင်းညိတ်တဲ့ အဆင့်ပဲ ထင်ထားတာ” ဟု ပြည်ပအခြေစိုက် စစ်ရေးလေ့လာသူ ဦးဌေးအောင်က ဆိုသည်။

အစိုးရသစ် လက်ထက်တွင် ပြည်နယ်၊ တိုင်း ၀န်ကြီးချုပ်များကသာ လုပ်ပိုင်ခွင့်များရနေပြီး စစ်တိုင်းမှူးက အာဏာမရှိတော့ ကြောင်း၊ လွှတ်တော်၌ စစ်တပ် ကိုယ်စားလှယ်များ ကိုယ်တိုင် ပါဝင်ဆွေးနွေးလာခြင်းသည် စစ်တပ်နှင့် လွှတ်တော်တို့အကြား အားပြိုင်မှုပုံစံမျိုး ဖြစ်လာကြောင်း ဦးဌေးအောင်က ပြောသည်။

“၂၀၀၈ ဖွဲ့စည်းပုံက ဒီမိုကရေစီမကျပေမယ့် စီမံခန့်ခွဲမှု လုပ်တဲ့နေရာမှာ အစိုးရအဖွဲ့၊ ဥပဒေပြုလွှတ်တော်နဲ့ ပါတီတွေကြားမှာ
check and balance ဖြစ်အောင် ညှိထားပေးတဲ့ သဘောတွေ့ရတယ်” ဟု ၎င်းက ဆက်ပြောသည်။

လွှတ်တော်၌ ၂၅ ရာခိုင်နှုန်း ပါဝင်သော စစ်တပ် ကိုယ်စားလှယ်များထဲမှ ဗိုလ်မှူးကြီးအဆင့်ရှိ ကိုယ်စားလှယ် ၂ ဦးက ပါဝင် ဆွေးနွေးရာ၌ တပ်မတော်သားများသည် အကြောင်းကြောင်းကြောင့် အရပ်ဘက် တရားရုံး၏ ပြစ်ဒဏ်ပေးခြင်းကို ခံထာ ရကြောင်း၊ ထိုသူများသည် နိုင်ငံအတွက် အလုပ်လုပ်ခဲ့ သူများဖြစ်၍ ၎င်းတို့ကိုလည်း လွတ်ငြိမ်းချမ်းသာခွင့် ပေးသင့်ကြောင်း ဆွေးနွေးခဲ့ကြသည်ဟု ပြည်သူ့လွှတ်တော် ကိုယ်စားလှယ်တချို့က ပြောသည်။

ထိုအဆိုအား ပထမအကြိမ်ပြုလုပ်သော အစည်အဝေးများ၌ တင်သွင်းခဲ့ရာ ပယ်ချခံခဲ့ရသည်။

ကုလသမဂ္ဂ လူ့အခွင့်အရေးအရာရှိ မစ္စတာ သောမတ်စ် အိုဟေး ကင်တားနားသည် ခရီးစဉ်အတွင်း မြန်မာအစိုးရ၏ တာဝန်ရှိသူများ၊ လွှတ်တော်ဥက္ကဋ္ဌ များနှင့် ဆွေးနွေးရာ၌ နိုင်ငံရေး အကျဉ်းသားများ လွှတ်ပေးရေးကိစ္စကို ထပ်မံ တိုက်တွန်းခဲ့သော်လည်း ယုံကြည်ချက်ကြောင့် အကျဉ်းကျခံနေရသူ မရှိကြောင်း ပြည်ထောင်စု တရားသူကြီးချုပ် ဦးထွန်းထွန်းဦးက တန်ပြန် ပြောဆိုခဲ့သည်။

အမျိုးသား လွှတ်တော်ဥက္ကဋ္ဌ ဦးခင်အောင်မြင့်ကလည်း နိုင်ငံတော်၏ တည်ငြိမ်အေးချမ်းမှုကို အနှောင့်အယှက် မပြုတော့ကြောင်း သေချာသည့်အချိန်တွင်မှ အကျဉ်းသားများအား လွှတ်ပေးရန်ရှိကြောင်း ပြောဆိုခဲ့သည်။

ယနေ့ လွှတ်တော် အစည်းအဝေးတွင် ဦးသိန်းညွန့်က အကျဉ်းထောင်ဥပဒေများ ပြင်ဆင်ရန် အဆိုတရပ် တင်သွင်းခဲ့ရာ အတည်ပြုနိုင်ခဲ့ပြီး အဆိုပါ အကြောင်းအရာကို ဆက်လက် ဆွေးနွေးသွားမည်ဖြစ်ကြောင်း သိရသည်။

http://www.irrawaddy.org/မှကူးယူတင်ပြသည်။
MAUNG NE WIN

ကြေညာချက်အမှတ်-၁၅၊၀၈၊၁၁

statemnet 15-08-11

MAUNG NE WIN

ဒေါ်အောင်ဆန်းစုကြည်နှင့် ကွင်တားနား တွေ့ဆုံ

လူထုခေါင်းဆောင် ဒေါ်အောင်ဆန်းစုကြည်နှင့် မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် မစ္စတာ သောမတ်စ် အိုဂျေကွင်တားနားတို့ ရန်ကုန်မြို့ တက္ကသိုလ်ရိပ်သာလမ်းရှိ ဒေါ်အောင်ဆန်းစုကြည် နေအိမ်တွင် ဗုဒ္ဓဟူးနေ့ သြဂုတ် ၂၄ ရက်၊၂ဝ၁၁ခုနှစ်တွင် တွေ့ဆုံဆွေးနွေးမှုအပြီးမြင်ကွင်းဓါတ်ပုံများ


ပေးပို့သူ John Shweyoe အားကျေးဇူးတင်ပါသည်။
ပေးပို့တင်ပြသူ အာလူးလေး
သတင်း(ပြည်တွင်း)
MAUNG NE WIN

မစ္စတာ ကင်တားနား မြန်မာနိုင်ငံ လူ့အခွင့်အရေး နောက်ဆုံးအခြေအနေ ဒေါ်စုနဲ့ ဆွေးနွေး

မြန်မာနိုင်ငံကို ရောက်နေတာ ၄ ရက်မြောက်ဖြစ်တဲ့ မစ္စတာ ကင်တားနားဟာ ဒီကနေ့ သြဂုတ်လ ၂၄ ရက် ဗုဒ္ဓဟူးနေ့ နေ့လယ် ၃ နာရီက ရန်ကုန်မှာရှိတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ရဲ့ နေအိမ်မှာ ၁ နာရီနီးပါးကြာ မစ္စတာ ကင်တားနားနဲ့ ဒေါ်အောင်ဆန်းစုကြည်တို့ ၂ ဦးတည်း သီးသန့်တွေ့ဆုံပါတယ်။ အဲဒီ တွေ့ဆုံမှုတွေအတွင်း လက်ရှိ မြန်မာနိုင်ငံရဲ့ လူ့အခွင့်အရေး အခြေအနေတွေ၊ တရားဥပဒေ စိုးမိုးရေး ကိစ္စတွေ ပြောဆိုခဲ့ပါတယ်။အဲဒီနောက် NLD ပါတီ ဗဟိုအလုပ်အမှုဆောင် အဖွဲ့ဝင်တွေနဲ့ မစ္စတာ ကင်တားနား ထပ်မံတွေ့ဆုံသလို NLD ပါတီရဲ့ ဥပဒေရေးရာ အဖွဲ့နဲ့လည်း တွေ့ဆုံ ဆွေးနွေးမှုတွေ ရှိပါတယ်လို့ NLD ပါတီရဲ့ သတင်းနဲ့ ပြန်ကြားရေး တာဝန်ခံ ဦးအုန်းကြိုင်က ပြောပါတယ်။“အဓိကတော့ မြန်မာနိုင်ငံ လူ့အခွင့်အရေး ဖြစ်ပေါ်နေတဲ့ နောက်ဆုံးအခြေအနေတွေပါပဲ၊ အဲဒါကို ဆွေးနွေးကြပါတယ်။အထွေထွေ အတွင်းရေးမှူး ဒေါ်အောင်ဆန်းစုကြည်နဲ့ ဦးစွာ ဆွေးနွေးပါတယ်၊ ၂ ယောက်တည်းပါ။ နောက်တော့ မစ္စတာ ကင်တားနားနဲ့ ပါလာတဲ့ အဖွဲ့ဝင် ၄ ယောက်ရော၊ ကျနော်တို့ ဗဟိုအလုပ်အမှုဆောင် အဖွဲ့ဝင် ၈ ယောက်ရော အားလုံး အတူတကွ ထပ်ပြီး ဆွေးနွေးကြပါတယ်။“၄ နာရီကနေ ၄ နာရီခွဲလောက်အထိ ဥပဒေ အထောက်အကူပြုအဖွဲ့ ခေါင်းဆောင်များဖြစ်တဲ့ ဆရာ ဦးကြည်ဝင်းနဲ့ ဆရာ ဦးဉာဏ်ဝင်းတို့ အပါအ၀င် ဥပဒေအဖွဲ့နဲ့လည်း ထပ်ပြီး ခဏတွေ့ပါတယ်။ ဒါပေမဲ့ အဲဒါကတော့ ဆွေးနွေးပွဲကို နောက်ထပ် ထပ်ပြီး တွေ့ကြဖို့ သူတို့ ချိန်းပါတယ်။”၂ နာရီနီးပါးကြာ ဒီတွေ့ဆုံမှုတွေအတွင်း သူနဲ့ မြန်မာအစိုးရ ခေါင်းဆောင်ပိုင်း တွေ့ဆုံမှုတွေထဲက နိုင်ငံရေး အကျဉ်းသားကိစ္စ အပါအ၀င် လူ့အခွင့်အရေး အခြေအနေတွေအတွက် ဘယ်လို အကြံပေး ပြောဆိုခဲ့သလဲ ဆိုတာတွေနဲ့အတူ သူ့ရဲ့ ဒီတခေါက် မြန်မာနိုင်ငံ ခရီးစဉ် အတွင်းကနေ အကျိုးရလဒ်တွေ ရရှိခဲ့တယ် ဆိုတာကို မစ္စတာ ကင်တားနားက မှတ်ချက်ပေး ပြောဆိုခဲ့ပါတယ်။“တရားဥပဒေ စိုးမိုးရေးကိစ္စ၊ ဥပဒေ တိုးတက်မှုကိစ္စ သူတတ်နိုင်သလောက် အကြံဉာဏ် ပေးနိုင်ခဲ့တယ်၊ သူတတ်နိုင်သလောက် အစိုးရအဖွဲ့ကို တင်ပြ ဆွေးနွေးနိုင်ခဲ့တယ်လို့ ယုံကြည်ကြောင်း ပြောပါတယ်။ နိုင်ငံရေး အကျဉ်းသားတွေနဲ့ ပတ်သက်လို့လည်း သူ့ဘက်က ဆွေးနွေးသင့်တဲ့ ကိစ္စတွေကို ဆွေးနွေးခဲ့တယ်လို့ ပြောသွားပါတယ်။”NLD ပါတီရဲ့ သတင်းနဲ့ ပြန်ကြားရေး တာဝန်ခံ ဦးအုန်းကြိုင် ပြောပြခဲ့တာ ဖြစ်ပါတယ်။မစ္စတာ ကင်တားနားဟာ ဒီနေ့ နေ့လယ်က ဒေါ်အောင်ဆန်းစုကြည်နဲ့ မတွေ့ခင် မနက် ၉ နာရီကနေ နေ့လယ် ၁၂ နာရီခွဲကျော်ထိ အင်းစိန်ထောင်ထဲကို သွားရောက်ခဲ့ပါတယ်။ သူ တွေ့ခွင့်ရဖို့ တောင်းဆိုထားတဲ့ နိုင်ငံရေး အကျဉ်းသား ၇ ဦးနဲ့ တွေ့ဆုံပြီး ထောင်တွင်းက အခြေအနေတွေ မေးမြန်းပြောဆိုခွင့် ရခဲ့သလို အင်းစိန်ထောင်ထဲက နေရာတချို့ကိုလည်း သွားရောက် လေ့လာခဲ့တယ်လို့ မစ္စတာ ကင်တားနားရဲ့ ခရီးစဉ်အတွင်း အတူလိုက်ပါခဲ့သူ ရန်ကုန်အခြေစိုက် ကုလသမဂ္ဂရုံးရဲ့ ပြန်ကြားရေး အရာရှိ ဦးအေးဝင်းက ပြောပါတယ်။“ဒီနေ့ အင်းစိန်ထောင်သွားတော့ မစ္စတာ ကင်တားနားက ဦးအောင်သိန်းရယ်၊ ဒေါက်တာ တင်မင်းထွဋ်ရယ်၊ မသိင်္ဂီ၊ ကိုဖြိုးဝေအောင်၊ ကိုဝင်းကျော်နိုင်၊ ကိုစည်သူဇေယျ၊ ကိုညီညီထွန်းတို့နဲ့ တွေ့ခဲ့ပါတယ်။ တခြား အကျဉ်းသားတွေ တွေ့ဖို့ဆိုတာ အချိန် တော်တော်လေး နည်းနေတဲ့အတွက် အစုံတော့ မတွေ့နိုင်ခဲ့ပါဘူး။ လောလောဆယ်တော့ ကင်တားနား တောင်းဆိုထားတဲ့ စာရင်းအရ အကုန်လုံး ပေးတွေ့ပါတယ်။ နောက်တခါ အကျဉ်းထောင်ထဲမှာ နည်းနည်းပါးပါး လှည့်ပတ် ကြည့်ပါတယ်။အကျဉ်းထောင်ထဲမှာ ရှိတဲ့ တရားစခန်း ဖွင့်တဲ့နေရာ၊ HIV ဝေဒနာရှင်တွေကို ကုသတဲ့ နေရာပေါ့၊ အဲဒီနေရာတွေကို ကြည့်ခဲ့ပါတယ်။”ရန်ကုန်အခြေစိုက် ကုလသမဂ္ဂ္ဂရုံးရဲ့ ပြန်ကြားရေး အရာရှိ ဦးအေးဝင်းက ဒီကနေ့ အင်းစိန်ထောင်ထဲ မစ္စတာ ကင်တားနား သွားခဲ့တဲ့အကြောင်း ပြောပြခဲ့တာ ဖြစ်ပါတယ်။ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ ကင်တားနားဟာ မနက်ဖြန် ရန်ကုန်ကနေ မပြန်ခင် မနက်ပိုင်းမှာ နိုင်ငံရေးပါတီတချို့၊ နိုင်ငံရေး အကျဉ်းသားဟောင်းတချို့ အပြင် လူ့အခွင့်အရေး လှုပ်ရှားသူ တချို့နဲ့လည်း တွေ့ဖို့ စီစဉ်ထားသလို ရန်ကုန်ကနေ ပြန်ထွက်မယ့် ညနေ ၅ နာရီမှာတော့ ရန်ကုန်လေဆိပ်မှာ သတင်းစာ ရှင်းလင်းပွဲတခု ပြုလုပ်သွားမှာလည်း ဖြစ်ပါတယ်။ဒါပေမဲ့ မစ္စတာ ကင်တားနားဟာ နယ်ဘက်တွေကို ဒီတခေါက် ခရီးစဉ်အတွင်း မသွားနိုင်တော့ဘူးလို့လည်း ရန်ကုန်အခြေစိုက် ကုလသမဂ္ဂရုံးရဲ့ ပြန်ကြားရေး အရာရှိ ဦးအေးဝင်းက ပြောပါတယ်။မြန်မာနိုင်ငံကို ၅ ရက်ကြာအဖြစ် သြဂုတ်လ ၂၁ ရက်နေ့ကတည်းက ရောက်နေတဲ့ မစ္စတာ ကင်တားနားဟာ ပြီးခဲ့တဲ့ ၃ ရက်က နေပြည်တော်မှာ နိုင်ငံခြားရေးဝန်ကြီး၊ ပြည်ထဲရေးဝန်ကြီး အပြင် ပြည်သူ့လွှတ်တော် ဥက္ကဋ္ဌ၊ အမျိုးသားလွှတ်တော် ဥက္ကဋ္ဌတို့နဲ့ တွေ့ဆုံပြီး မြန်မာ့အရေး အခြေအနေတွေ ပြောဆိုခဲ့ပါတယ်။တခါ နေပြည်တော်မှာ ပြုလုပ်နေတဲ့ လွှတ်တော်တွင်း မနေ့က သွားရောက် လေ့လာခဲ့ပြီး လွှတ်တော်ကိုယ်စားလှယ် တချို့နဲ့လည်း တွေ့ဆုံသလို ပြည်ထဲရေးဝန်ကြီး ဌာနမှာ ပုံမှန်ပြုလုပ်နေတဲ့ လူ့အခွင့်အရေး သင်တန်းကိုလည်း သွားရောက်ခဲ့ပြီး မနေ့ညက ရန်ကုန်ကို ပြန်လာခဲ့တာ ဖြစ်ပါတယ်။ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ တောမတ်စ် အိုဟေး ကင်တားနားဟာ မြန်မာနိုင်ငံကို အရင်က ၃ ကြိမ် လာခဲ့ဖူးသလို ပြီးခဲ့တဲ့ ၂၀၁၀ ဖေဖော်ဝါရီလက နောက်ဆုံးရောက်ခဲ့တာ ဖြစ်ပါတယ်။ အဲဒီနောက်ပိုင်း ပြည်ဝင်ခွင့်ဗီဇာ မပေးဘဲ ပိတ်ထားရာကနေ အခု အစိုးရသစ် ပြောင်းအပြီး ပထမဆုံးအကြိမ်အဖြစ် မြန်မာနိုင်ငံက လူ့အခွင့်အရေး အခြေအနေတွေကို လာရောက်စုံစမ်းခွင့်ရတာ ဖြစ်ပါတယ်။

ပေးပို့တင်ပြသူ အာလူးလေး
သတင်း(ပြည်တွင်း)
MAUNG NE WIN

ပြည်တွင်း ငြိမ်းချမ်းရေး ကော်မတီ ဖွဲ့ပြီ

နေပြည်တော်တွင် ကျင်းပလျက်ရှိသည့် ဒုတိယ အကြိမ် ပြည်သူ့လွှတ်တော် နှင့် အမျိုးသားလွှတ် တော် အစည်း အဝေးတွင် တိုင်းရင်းသားရေးရာ နှင့် ပြည်တွင်းငြိမ်းချမ်းရေး ဖော်ဆောင်မှုကော်မတီကို ယမန်နေ့က ဖွဲ့စည်းလိုက် သည်။ပြည်သူ့လွှတ်တော်တွင် ဖွဲ့စည်းလိုက်သော တိုင်းရင်းသားရေးရာ နှင့် ပြည်တွင်းငြိမ်းချမ်းရေးဖော်ဆောင်မှု ကော်မတီဥက္ကဌ အဖြစ် ကြံ့ဖွံ့ပါတီမှဦးသိန်းဇော်ကို လည်းကောင်း၊ အမျိုးသားလွှတ်တော်တွင်ဖွဲ့ စည်းလိုက် သောအဆိုပါ ကော်မတီ ဥက္ကဌ အဖြစ် ကြံ့ဖွံ့ပါတီမှ ဦးစံထွန်းကိုလည်းကောင်းခန့်အပ် လိုက်ကြောင်း ယနေ့ထုတ် အစိုးရ သတင်းစာများတွင် ဖော်ပြထား သည်။ဗိုလ်မှူးချူပ်ဟောင်း ဦးသိန်းဇော်သည် ယခင်စစ်အစိုးရ၏ ဆက်သွယ်ရေးဝန်ကြီးဖြစ်ပြီး၂၀၁၀ရွေးကောက် ပွဲတွင် ပြည် ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(ကြံ့ဖွံ့) ကချင်ပြည် နယ်မြစ်ကြီးနားမဲဆန္ဒနယ်မြေမှ ရွေးကောက် တင်မြှောက်ခံရသူ ဖြစ်သည်။ဦးစံထွန်းသည်လည်း ကြံ့ဖွံ့ပါတီ ကချင်ပြည်နယ် မဲဆန္ဒနယ်မြေမှရွေးကောက်တင်မြှောက် ခံရသူဖြစ်သည်။ယခုကဲ့သို့ ပြည်တွင်းငြိမ်းချမ်းရေး ဖော်ဆောင်မှုကော်မတီတရပ်လွှတ်တော်တွင်း ဖွဲ့စည်းလိုက်သည့်အပေါ် ကြိုဆိုကြောင်း ၂၀၁၀ရွေးကောက်ပွဲဝင် ချင်း အမျိုးသားပါတီ အထွေထွေ အတွင်းရေးမှူး ဆလိုင်း ကျဲအိုဘခ်ထောင်က ပြောသည်။‘‘ဒီ ငြိမ်းချမ်းရေး ကော်မတီဖွဲ့ဖို့က ကျနော်တို့ ညီနောင် ငါးပါတီ အရင်ဆုံး တောင်းဆိုတာပေါ့နော်၊ကျနော် တို့ အသံကို အလေးထားပေးတယ်လို့ဆိုရမှာပေ့ါ’’ဟု ၎င်းက ဆိုသည်။ပြည်တွင်း ငြိမ်းချမ်းရေးကော်မတီတရပ် ဖွဲ့စည်းရန်အတွက် ချင်း၊ ရှမ်း၊ရခိုင်၊ မွန် နှင့် ကရင် ပါတီများဖြင့် ဖွဲ့စည်းထားသည့် တိုင်းရင်းသားညီနောင် ၅ ပါတီက ကြေညာချက် ထုတ်ပြန်၍ရွေးကောက်ပွဲကော်မရှင် ထံသို့ တောင်းဆိုခဲ့ကြသည်။သို့သော် ပြည်တွင်းငြိမ်းချမ်းရေး ကော်မတီအဖွဲ့တွင် လွှတ်တော်ကိုယ်စားလှယ်များကိုသာခန့်အပ်ခြင်းမျိုး မဟုတ်ဘဲ အများလေး စားကြည်ညိုခံရသူများ၊ ပညာရှင်များနှင့် သက်ဆိုင်ရာ နိုင်ငံရေးပါတီများမှ ပုဂ္ဂိုလ်လည်း ပါဝင်သင့်သည်ဟု ဆလိုင်းကျဲအိုဘခ်ထောင် က ပြောသည်။တိုင်းရင်းသားရေးရာ နှင့် ပြည်တွင်းငြိမ်းချမ်းရေးဖော်ဆောင်မှုကော်မတီတွင် ပါဝင်မည့် အဖွဲ့ဝင်များကိုမူ ယခုအချိန်အထိလွှတ်တော်အစည်းအဝေးတွင် ရွေးချယ်ခန့်အပ်ခြင်း မရှိသေးကြောင်း နေပြည်တော် လွှတ်တော်အစည်းအဝေး တက်ရောက် နေသည့် ချင်း အမျိုးသားပါတီမှပြည်သူ့လွှတ်တော်ကိုယ်စားလှယ် ဦးငွန်မောင်းက ပြောသည်။ယမန်နေ့က ကျင်းပသော လွှတ်တော်အစည်းအဝေးတွင် တိုင်းရင်းသားရေးရာနှင့်ငြိမ်းချမ်းရေးကော်မတီ၊ နိုင်ငံသားများ မူလအခွင့် အရေးနှင့် ပြည်ပရောက်နိုင်ငံသားများဆိုင်ရာ ကော်မတီ၊ အမျိုးသားစီမံကိန်းနှင့် ငွေရေး ကြေးရေးဆိုင်ရာ ကော်မတီ၊ ပညာရေး ကျန်းမာရေးနှင့် ယဉ်ကျေးမှုဆိုင်ရာကော်မတီ၊ပြည်သူများ ၏ တိုင်ကြားစာနှင့်အသနားခံလွှာ ကော်မတီအပါ အဝင် ကော်မတီ (၈)ခုကို ဖွဲ့စည်းခဲ့သည်။

ခိုနူမ်းထုန် သတင်းဌာန မှကူးယူတင်ပြသည်။
MAUNG NE WIN

ကမ္ဘာ့သြဇာအရှိဆုံး အမျိုးသမီးစာရင်း ဒေါ်စု ပါဝင်

ကမ္ဘာပေါ်မှာ သြဇာအကြီးမားဆုံး အမျိုးသမီး ၁၀၀ စာရင်းထဲမှာ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကိုလည်း ထည့်သွင်း သတ်မှတ်လိုက်ပါတယ်။ အမေရိကန်နိုင်ငံမှာ ထုတ်ဝေတဲ့ နာမည်ကျော် Forbes မဂ္ဂဇင်းကြီးက နှစ်စဉ်ထုတ်ပြန်တဲ့ စာရင်းထဲမှာ အခုလို ဖော်ပြထားတာပါ။လွန်ခဲ့တဲ့ ၂၁ နှစ်အတွင်း ၁၅ နှစ်က နေအိမ်အကျယ်ချုပ် ချခံထားခဲ့ရပြီးတော့ ပြီးခဲ့တဲ့နှစ် နိုဝင်ဘာလကမှ ပြန်လည် လွတ်မြောက်လာတဲ့ ဒေါ်အောင်ဆန်းစုကြည်အတွက် ၂၀၁၁ ခုနှစ်ဟာ အရေးပါတဲ့ နှစ်တနှစ် ဖြစ်တယ်လို့ Forbes မဂ္ဂဇင်းရဲ့ အင်တာနက် စာမျက်နှာမှာ ရေးထားပါတယ်။အရေးပါတဲ့ ဖြစ်ရပ်တခုအဖြစ် ဖော်ပြပြောဆိုတဲ့ မြန်မာအစိုးရ သမ္မတ ဦးသိန်းစိန်နဲ့ မကြာသေးခင်က ပထမဆုံးအကြိမ် တွေ့ဆုံခဲ့တာကိုလည်း Forbes မဂ္ဂဇင်းက အထူး ဖော်ပြထားပါတယ်။ဖခင်ဖြစ်သူက လွတ်လပ်ရေးတိုက်ပွဲ ခေါင်းဆောင်၊ မိခင်ဖြစ်သူက အိန္ဒိယနဲ့ နီပေါလ်နိုင်ငံတို့မှာ သံအမတ်အဖြစ် တာဝန် ထမ်းဆောင်ခဲ့သူတွေ ဖြစ်ကြပြီး ဒေါ်အောင်ဆန်းစုကြည်က ၁၉၈၈ ခုနှစ်မှာ အမျိုးသား ဒီမိုကရေစီ အဖွဲ့ချုပ်ကို ထူထောင်ပြီး ငြိမ်းချမ်းစွာ တိုက်ပွဲဝင်ခဲ့ကြောင်း၊ အကျဉ်းချခံခဲ့ရပေမဲ့ ပါတီရဲ့ အတွင်းရေးမှူးချုပ်အဖြစ် တောက်လျှောက် တာဝန်ထမ်းဆောင်ခဲ့ပြီးတော့ ၁၉၉၁ ခုနှစ်မှာ နိုဘဲလ် ငြိမ်းချမ်းရေးဆု ချီးမြှင့်ခံခဲ့ရသူ ဖြစ်တယ်လို့ Forbes မဂ္ဂဇင်းက ရေးသားထားပါတယ်။ကမ္ဘာ့ သြဇာအကြီးဆုံး အမျိုးသမီး ၁၀၀ စာရင်းမှာ နံပါတ် ၁ က ဂျာမန်ဝန်ကြီးချုပ် အန်ဂလာ မာကဲလ် (Angela Merkel)၊ နံပါတ် ၂ က အမေရိကန် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) နဲ့ နံပါတ် ၃ မှာ ဘရာဇီးလ် သမ္မတ ဒီလ်မာ ရူးဆက်ဖ် (Dilma Roussef) တို့ကို အသီးသီး ဖော်ပြထားပြီး ဒေါ်အောင်ဆန်းစုကြည်ကိုတော့ Forbes မဂ္ဂဇင်းက နံပါတ် ၂၆ မှာ ဖော်ပြထားပါတယ်။

By ဗွီအိုအေ (မြန်မာဌာန) ဗုဒ္ဓဟူး, 24 သြဂုတ် 2011
မှကူးယူတင်ပြသည်။
MAUNG NE WIN

သိမ်မွေ့စွာ ကိုင်တွယ်ရမည့် မြန်မာပြည်မှ တရုတ်များအရေး

ဒီနေ့ မြန်မာနိုင်ငံအပေါ်မှာ သြဇာအညောင်းဆုံးနိုင်ငံကတော့ တရုတ်ပြည်ပဲဖြစ်ပါတယ်။ စစ်တပ် အာဏာသိမ်းမှုအပြီး မြန်မာနိုင်ငံကို ဝိုင်းဝန်းပိတ်ဆို့ထားချိန်မှာ အာဏာရှင်အစိုးရအနေနဲ့ အားကိုးရှာတော့ အိမ်နီးချင်းတရုတ်ပြည်ကို သွားတွေ့ပါတယ်။ အဲ့ဒီတည်းက တရုတ်ရဲ့ ဗီတိုမဲ တစ်မဲရဖို့အရေး တရုတ်တွေ တောင်းဆိုသမျှ လိုက်လျောခဲ့ရပါတယ်။ နိုင်ငံရဲ့ သယံဇာတ အားလုံးနီးပါး တရုတ်ကို အောက်ကြေးနဲ့ထိုးရောင်းရသလို ကိုးကန့်နဲ့ ဝ တိုင်းရင်းသားတွေကို အကြောင်းခံပြီး တရုတ်ပြည်ဘက်က လှိမ့်ဝင်လာတဲ့ တရုတ်တွေကိုလဲ လက်ခံခဲ့ရပါတယ်။ ဒီလိုနဲ့ပဲ ရှမ်းပြည်မြောက်ပိုင်းနဲ့ မန္တလေးမြို့ကြီးဟာ ကိုးကန့်၊ ဝ စတဲ့ တိုင်းရင်းသားအမည်ခံဝင်ရောက်လာကြတဲ့ တရုတ်တွေကြောင့် တရုတ်ပြည် အငယ်စားနီးပါး ဖြစ်လာ ပါတော့တယ်။ လူဦးရေ သောင်းဂဏန်းတောင်မရှိတဲ့ ကိုးကန့် ဝ တိုင်းရင်းသားတွေဟာ ဘာကြောင့်များ မန္တလေးတစ်မြို့တည်းတင် သိန်းနဲ့ချီရှိနေရတာလဲဆိုတာ စဉ်းစားစရာပါ။-ဝင်ရောက်လာတဲ့ တရုတ်တွေအပေါ်မှာ ဒေသခံတွေအနေနဲ့ ဆန့်ကျင်မှု မရှိခဲ့ပါဘူး။ ကွန်မြူနစ်ပင်ဖြစ်သော်လည်း တရုတ်များအနေနဲ့ ဗုဒ္ဓဘာသာ ကိုလဲ လက်ခံနိုင်တဲ့အတွက် ယှဉ်တွဲနေထိုင်ရေးမှာလဲ ပြဿနာမရှိခဲ့ပါဘူး။ စီးပွားရေး ကျပ်တည်းနေတဲ့ ဒေသခံတွေရဲ့ အိမ်ခြံမြေတွေကို ဈေးကောင်းပေးဝယ် ကြတဲ့အတွက် ကယ်တင်ရှင်တွေလို ဖြစ်လာပါတယ်။ ပြီးတော့ တရုတ်လူမျိုးပိုင် လုပ်ငန်းတွေမှာ အလုပ်အကိုင်တွေ ရလာကြတဲ့ အတွက် တကော(အကိုကြီး)၊ ညန်း ညန်း(ဒေါ်လေး) စတဲ့ တရုတ်အသုံးအနှုန်းလေးတွေဟာလည်း ဒေသခံတွေရဲ့ အသုံးအနှုန်းတွေ ဖြစ်လာပါတော့တယ်။ မန္တလေးသားမှန်ရင် ခေါက်ဆွဲစားတဲ့အခါ တူကို ကျွမ်းကျွမ်းကျင်ကျင်ကိုင်နိုင်တဲ့ အလေ့အထလေးတွေလဲ ဖြစ်လာပါတယ်။ ဒီအထိ ဒေသခံနဲ့ နောက်ပိုင်း ဝင်လာတဲ့ တရုတ်တွေကြားမှာ ပြဿနာမရှိခဲ့ဘူးလို့ ဆိုရမှာဖြစ်ပါတယ်။-
တရုတ်တွေ ဝင်လာတဲ့ ရန်ကို သတိထားမိတဲ့ အုပ်စုတွေလဲ ရှိခဲ့ကြပါတယ်။ နောင်တစ်ချိန်မှာ မြန်မာ့ယဉ်ကျေးမှု ပျောက်ကွယ်ပြီး တရုတ်တွေက ဝါးမျိုသွားလိမ့်မယ်လို့ အပြင်းအထန် ကန့်ကွက်တဲ့ အုပ်စုတွေလဲရှိပါတယ်။ တရုတ်ပြည်နီးပါး ဖြစ်လာပါတော့တယ်။ နိုင်ငံရေးနဲ့ စာနယ်ဇင်းလောကမှာ နာမည်တစ်လုံးရှိခဲ့သူ လူထုဒေါ်အမာဟာ ဒီကိစ္စတွေကို အစောကြီးတည်းက ကြိုတင်သတိပေးခဲ့ပါတယ်။ အောင်ပင်လယ်ဆူးငှက်နဲ့ အခြားစာရေးဆရာများ ကလဲ တရုတ်အန္တရာယ်ကို တောက်လျှောက် ထောက်ပြခဲ့ကြပါတယ်။- နောက်တစ်ခုကတော့ ကိုးကန့်၊ ဝ ငြိမ်းချမ်းရေးအဖွဲ့အမည်ခံပြီး သောင်းကျန်း ချင်တိုင်း သောင်းကျန်း၊ ဗမာလူထုကို ရိုင်းပျစွာ ဆက်ဆံတဲ့ တရုတ်တွေကို မကျေနပ်ကြတဲ့ ဒေသခံတွေပါ။ ဒေသခံတွေအနေနဲ့ တရုတ် တစ်ယောက်နဲ့ ပြဿနာတက်ရင် ငြိမ်းချမ်းရေးကို နှောင့်ယှက်သူအဖြစ် အမှုပတ်ပါတယ်။ ငွေအင်အားတတ်နိုင်တဲ့ တရုတ်တွေကြောင့် ဒေသခံတွေအနေနဲ့ တရုတ်တွေနဲ့ တရားတဘောင် ရင်ဆိုင်ခြင်း မပြုနိုင်ကြပါဘူး။ ဒါကြောင့်လည်း တရုတ်မုန်းတီးရေး အုပ်စုတွေဟာ အားမကောင်းသော်လည်း အတိုင်းအတာတစ်ခုထိ ရှိနေကြ ပါတယ်။-မကြာသေးမှီကတော့ မန္တလေးမှာ တရုတ်ကုန်သည် အုပ်စုနဲ့ ဗမာဒေသခံတွေ တင်းမာမှုဖြစ်ခဲ့ပြန်ပါတယ်။ ဒီတစ်ကြိမ်မှာတော့ တရုတ်ဆန့်ကျင်ရေး စိတ်ဓာတ်ဟာ ဒေသခံတွေအတွင်းမှာ တော်တော်ကျယ်ပြန့်လာပါတယ်။ အရင် အတူ ယှဉ်တွဲနေထိုင် ခဲ့သမျှ နောက်ပိုင်းဝင်လာတဲ့ တရုတ်တွေရဲ့ မောက်မာရိုင်းစိုင်းမှု၊ တရုတ်အလုပ်ရှင်နဲ့ ဗမာအလုပ်သမား တွေပြဿနာ စသည်ဖြင့် ကိစ္စမျိုးစုံဖြစ်နေခဲ့တာတွေက ကျောက်ဝိုင်းမှာ ပေါက်ကွဲလုနီးနီး ဖြစ်သွားခဲ့ပါတယ်။ ဒေသခံတွေ အနေနဲ့ စီးပွားရေးနိမ့်ပါးနေတာ၊ အစိုးရအပေါ်မှာ မကျေနပ်ချက် အတိုင်းအတာ တစ်ခုထိ ရှိနေတာစသည်ဖြင့် အတွင်းကြိတ် ဖြစ်နေတဲ့ ဒေါသတွေဟာတရုတ်လူမျိုး တွေဘက် မြှားဦးလှည့် သွားပြန်ပါတယ်။- ဒီကြားထဲမှာ မြန်မာတစ်ပိုင်းဖြစ်နေတဲ့ ဒေသခံ တရုတ်များကလဲ နောက်ဝင်လာတဲ့ တရုတ်တွေ အပေါ်မှာ အမြင်ကြည်လင်မှုမရှိကြပါဘူး။ နောက်ဝင်လာတဲ့ တရုတ်တွေက အစိုးရဌာနတွေမှာ အစစအရာရာ ငွေပေးပြီးလုပ်ကြတော့ မြန်မာအစိုးရ ဝန်ထမ်းများက ဒေသခံ တရုတ် တွေကိုလဲ လာဘ်ငွေအဆမတန်တောင်းပါတယ်။ ဒါကြောင့် ရိုးသားစွာ လုပ်ကိုင်စားရတဲ့ ဒေသခံ တရုတ်တွေကလဲ နောက် ဝင်လာတဲ့ တရုတ်တွေကို အမြင်မကြည်ကြပါ။
အခုနောက်ပိုင်းမှာတော့ တရုတ်ပြည်ရဲ့ လျှပ်စစ်ဓာတ်အားလိုအပ်ချက်ကို ဖြည့်ဆည်းဖို့ မြန်မာနိုင်ငံရဲ့ အဓိက အသက်သွေးကြောဖြစ်တဲ့ ဧရာဝတီမြစ်ဆုံမှာ ရေကာတာတည်ဆောက်မယ့် ကိစ္စကို အထူးပြုပြောဆိုလာကြပါတယ်။- ဧရာဝတီမြစ်ကြီး ပျောက်သွားနိုင်တဲ့အတွက် မြန်မာပြည်သူတွေ ကြားထဲမှာ ဒီရေကာတာကိစ္စကို အပြင်းအထန် ဆန့်ကျင်ကန့်ကွက်မှုတွေ များလာပါတယ်။- မြန်မာအစိုးရကို မဆန့်ကျင်ရဲတဲ့ မြန်မာပြည်သူတွေဟာ တရုတ်အစိုးရကို မုန်းတီးမှု ပိုမို များပြားလာပါတယ်။ ရခိုင်နဲ့ ရှမ်းပြည်နယ်တွေမှာ တရုတ်ပြည်ဘက်ပို့မယ့် ဓာတ်ငွေ့ပိုက်လိုင်းအတွက် လယ်မြေတွေ အသိမ်းခံရတာ၊ ရွာတွေ အရွှေ့ခံရတာဆိုတဲ့ သတင်းတွေကြောင့်လည်း တရုတ်အစိုးရကို ပိုမို မုန်းတီးလာကြပါတယ်။

အခုလို တရုတ်အစိုးရကို မုန်းလို့၊ မြန်မာပြည်ထဲက တရုတ်တွေကို မုန်းလို့ဆိုတဲ့ ခံစားချက်တွေကို အသုံးချပြီး နိုင်ငံရေး ကစားဖို့ ပြင်ဆင်လာတဲ့ အုပ်စုတွေလဲ ရှိပါတယ်။ ပြည်ပအခြေစိုက်တွေဟာ လူထုကို လမ်းပေါ်တင်ချင်တဲ့အခါ တရုတ်အစိုးရ ဆန့်ကျင်ရေး၊ မြစ်ဆုံ ရေကာတာ ဆန့်ကျင်ရေးတွေကို လှုံ့ဆော်ပြီး လမ်းပေါ်ရောက်အောင်တင်ပါတယ်။ ပြည်တွင်းအခြေစိုက် နိုင်ငံရေးသမားများကလည်း ပြည်သူထောက်ခံမှုရဖို့ မြစ်ဆုံကိစ္စ၊ တရုတ်တွေ တရားမဝင် ပိုင်ဆိုင်ထားတဲ့ ကိစ္စတွေ စိစစ်ဖို့ ဆိုတာတွေ အသံလွှင့်လာကြပါတယ်။- ဒါကို စိတ်ခံစားမှုကို ဦးစားပေးတဲ့ ကျွန်တော်တို့ ပြည်သူတွေ ကောင်းကောင်း အသုံးချခံရဖို့ရှိပါတယ်။ အသုံးချခံရရင် တရုတ်-မြန်မာ အရေးအခင်းဟာ သေချာပေါက်ကို ဖြစ်တော့မှာပါ။ နိုင်ငံတကာမှာလဲ ဒီလို အရေးအခင်းတွေဟာ ဖြစ်လေ့ဖြစ်ထရှိပါတယ်။ တိုင်းပြည်ကျပ်တည်းတဲ့ တစ်နေ့ နိုင်ငံရေး ထွက်ပေါက်အနေနဲ့ ဖြစ်နိုင်ဖွယ်ရာ ရှိကိုရှိပါတယ်။ လူမျိုးရေး အဓိကရုဏ်းဖြစ်တဲ့ တိုင်းပြည်တွေဟာ တည်ငြိမ်မှုနည်းပြီး ဖွံ့ဖြိုးတိုးတက်မှု ဆုတ်ယုတ်သွားတတ်ပါတယ်။ ဒါကြောင့် မြန်မာနိုင်ငံအနေနဲ့ အဆိုပါ ပြဿနာတွေ ဖြစ်မလာဖို့ဆိုတာ သိမ်မွေ့နက်နဲစွာ ကိုင်တွယ်ရမယ့် ကိစ္စလည်းဖြစ်ပါတယ်။-ထိုင်းနိုင်ငံ၊ စင်္ကာပူနိုင်ငံတွေမှာ တရုတ်လူမျိုးတွေဟာ သူတို့ကိုယ်သူတို့ ထိုင်း၊ စင်္ကာပူ လူမျိုးတွေအဖြစ်သာ ခံယူကြပြီး တရုတ်လူမျိုးဆိုတာကို ငြင်းပယ်လေ့ရှိပါတယ်။ မိမိနေထိုင်ရာ နိုင်ငံရဲ့ လူမျိုးအဖြစ်သာ ဂုဏ်ယူလေ့ ရှိကြပါတယ်။ ဒါဟာ သူတို့နေထိုင်ရာ နိုင်ငံတွေက တရုတ်လူမျိုးရယ်လို့ ခွဲခြားဆက်ဆံခြင်းမရှိတဲ့အပြင် မိမိနိုင်ငံသားအဖြစ် ဂုဏ်ယူချင်စိတ်ပေါက်လာအောင် မူဝါဒတွေ ပြင်ဆင်ထားလို့ပဲဖြစ်ပါတယ်။ အဓိက အချက်ကတော့ တန်းတူညီမျှ အခွင့်အရေး ပေးထားခြင်းပါပဲ။ တန်းတူရည်တူရှိမှုကြောင့် သူငါ ကွဲပြားမှု မရှိတော့ဘဲ မိမိနေထိုင်ရာ နိုင်ငံသားအားလုံးဟာ တစ်စုတစ် စည်းတည်း ဖြစ်လာကြပါတယ်။-မြန်မာနိုင်ငံမှာ ရှိနေတဲ့ တရုတ်လူမျိုးတွေအားလုံးကို တရုတ်ပြည်ပြန်ပို့ဖို့ဆိုတာ မလွယ်လှတဲ့ ကိစ္စတစ်ခုပါ။ အချို့ဟာ နယ်စပ်မှာ နှစ်ပေါင်းများစွာ နေထိုင်လာတဲ့အတွက် မြန်မာပိုင်နက်က တရုတ်လူမျိုးဟာ မြန်မာနိုင်ငံသား အဖြစ်သာ ရှိနေပါသေးတယ်။ တရုတ်ပြည်ကို နှင်ထုတ်ဖို့လည်း မဖြစ်နိုင်တော့တဲ့ အခြေအနေပါ။ နိုင်ငံသားအဖြစ် အသိအမှတ်ပြု မယ်ဆိုရင်လည်း သန်းနဲ့ချီတဲ့ တရုတ်လူမျိုးတွေ လှိမ့်ဝင်လာမယ့် ပြဿနာကလဲ ရှိပြန်ပါတယ်။- ဒါကြောင့် တရုတ် လူမျိုးတွေကို နိုင်ငံသားအဖြစ် သွတ်သွင်းဖို့ ဆိုရင် မြန်မာနိုင်ငံရဲ့ သစ္စာကို ဘယ်လောက်ထိ စောင့်သိရိုသေသလဲ၊ မြန်မာ လူမျိုးအဖြစ် ဘယ်လောက်ခံယူချက်ရှိသလဲဆိုတာတွေနဲ့ တိုင်းတာပြီး နိုင်ငံသားလျှောက်ထားခွင့်ပေးရပါမယ်။ နိုင်ငံသားအဖြစ် အသိအမှတ်ပြုဖို့ လုံလောက်တဲ့ စစ်ဆေးမှုတွေ ပြုလုပ်ရပါမယ်။ ဥပမာ မျိုးရိုးစဉ်ဆက်ဇယားကြည့်ခြင်း၊ မြန်မာစကားနဲ့ မြန်မာစာတတ်မြောက်မှု အကဲဖြတ်ခြင်း၊ တရုတ်လူမျိုး ကောင်းစားရေး အသင်းအဖွဲ့တွေမှာ ပါဝင်ထားခြင်းရှိမရှိ၊ မြန်မာလူမှုရေးနယ်ပယ်မှာ ပါဝင်ထားခြင်းရှိမရှိဆိုတာတွေဖြစ်ပါတယ်။ ဒီလိုအရည်အချင်းနဲ့ ပြည့်စုံသူတွေကို နိုင်ငံသားအဖြစ် အသိအမှတ်ပြုပြီး မပြည့်စုံသူတွေကိုတော့ နေရပ်ပြန်ပို့ခြင်း၊ ဧည့်နိုင်ငံသားအဖြစ်သာ အသိအမှတ်ပြုခြင်း စသည်ဖြင့် ပြုလုပ်ပေးနိုင်ပါတယ်။-

ဒီလိုကိစ္စတွေ ဆောင်ရွက်တဲ့အခါမှာ အိမ်နီးခြင်း တရုတ်ပြည်နဲ့လည်း ပြဿနာအချို့ရှိနိုင်ပါတယ်။ မြန်မာအစိုးရ အနေနဲ့ တရုတ်ပြည်ကို မြန်မာနိုင်ငံတွင်းမှာ ရှိတဲ့ တရုတ်လူမျိုးတွေကို အားပေးအားမြှောက်မပြုဖို့၊ အကယ်၍ တရုတ် မြန်မာအရေးအခင်းဖြစ်လာရင် မြန်မာပြည်တွင်းက တရုတ်လူမျိုးတွေ မဆီမဆိုင် အန္တရာယ်ကြုံတွေ့ရမှာဖြစ်သလို တရုတ် ပစ္စည်းတွေ သပိတ်မှောက်တာမျိုးနဲ့ကြုံလာရင်၊ ပြည်သူက အစိုးရကို တရုတ်ပြည်နဲ့ မပတ်သက်ဖို့ ဖိအားပေးလာရင် တရုတ်နဲ့ မြန်မာချစ်ကြည်ရေးကို ထိခိုက်စေမယ့်အပြင် ကုန်သွယ်ရေး နဲ့ အခြားပူးပေါင်းဆောင်ရွက်မှုတွေမှာလည်း နှစ်နိုင် ငံလုံး အတွက် ထိခိုက်နစ်နာစရာတွေဖြစ်လာမယ်ဆိုတာမျိုးတွေ အစိုးရအချင်းချင်း ညှိနှိုင်းသင့်ပါတယ်။-တနေ့တနေ့ အကြောင်းအမျိုးမျိုးနဲ့ ဝင်ရောက်နေတဲ့ တရုတ်လူမျိုးပြဿနာကို မထိန်းနိုင်တော့ရင် ဒီပြဿနာဟာ နိုင်ငံရေးထွက်ပေါက်အဖြစ် မလွဲမသွေ ရောက်ရှိသွားနိုင်တာမို့ နိုင်ငံတော်အစိုးရဟာ ဒီကိစ္စကို သိမ်မွေ့စွာ ကိုင်တွယ်ဖို့ လိုအပ်နေပြီပဲ ဖြစ်ပါတယ်။-

http://arrluelay.blogspot.com/2011/08/blog-post_2161.html

မှကူးယူတင်ပြသည်။

MAUNG NE WIN

ပါးစပ်တွေနဲ့ နားတွေနဲ့ ထောင်ထဲကလူတွေ.... ဆောင်းပါးရှင်(အောင်မျိုးထွန်း)

ပါးစပ်တွေနဲ့ နားတွေနဲ့ ထောင်ထဲကလူတွေ....
မနေ့က ရွေးကောက်ပွဲဝင် နိုင်ငံရေးပါတီပါတီအချို့နဲ့ လူ့အခွင့်အရေး ကိုယ်စားလှယ် အိုဟေးကင်တားနားတို့ တွေ့ဆုံပွဲမှာ “လက်ရှိအစိုးရအနေနဲ့ ထောင်ထဲကလူတွေ ပြန်ထွက်လာရင် ရရှိနေတဲ့ တည်ငြိမ်အေးချမ်းမှုတွေပျက်ပြားသွားမှာ စိုးရိမ်စိတ် အမှန်ဘဲ ရှိနေပုံရတယ်။ ခင်ဗျားတို့က အဲဒါကို အာမခံ ပေးလိုက်ပေါ့” လို့သူ့ကို ပြောပြတယ်လို့ ဦးသုဝေနဲ့ ရေဒီယိုမီဒီယာတစ်ခု အင်တာဗျူးမှာ ကြားလိုက်ရပါတယ်။
ဒီ “ပွိုင့်” ကို ကင်တားနားနဲ့ NLD အပါအ၀င် ပါတီတွေ စကား မပြောကြခင်ကတည်းက ကျွန်တော် ကြားဖူးပြီး သားဖြစ်ပါတယ်။ သိပ်တော့ မကြာသေးပါဘူး။ ဒေါ်အောင်ဆန်းစုကြည်နဲ့ သမ္မတဦးသိန်းစိန်တို့ နှစ်ယောက်တည်း စကားပြောကြတဲ့အခါ နိုင်ငံရေးအကျဉ်းသားများ လွတ်မြောက်ရေးကိစ္စ၊ ပါမပါ ရှင်းရှင်းပြတ်ပြတ် မသိရပေမယ့်ဒေါ်စုဘက်က ဒီကိစ္စကို ပြောပြလိမ့်မယ်လို့ ကျွန်တော် ယူဆပါတယ်။ ဒေါ်စု လွတ်မြောက်ရေးကို အခု ထောင်ထဲရောက်နေတဲ့ နိုင်ငံရေးအကျဉ်းသားတွေ အဖမ်းမခံရခင်တုန်းက တစိုက်မတ်မတ် တောင်းဆို လာခဲ့တဲ့အတွက် ဒေါ်အောင်ဆန်းစုကြည်အနေနဲ့ သူတို့လွတ်မြောက်ရေး အတွက် သေချာပေါက် ထည့်ပြောခဲ့လိမ့်မယ်လို့ ပြောနိုင်တာပါ။ ကိုင်းကျွန်းမှီ ကျွန်းကိုင်းမှီ ဆိုတဲ့ မြန်မာစကားရှိပါတယ်။

နိုင်ငံတော်သမ္မတက ဒေါ်အောင်ဆန်းစုကြည် အာမခံရင် ပြန်လွှတ်ပေးမယ်လို့ ပြန်များပြောခဲ့ရင် ဆိုတဲ့ အတွေးတစ်ခုလည်း စဉ်းစားမိပါတယ်။ ကျွန်တော်တို့လည်း ဒီအပေါ်မှာ ဦးနှောက်မုန်တိုင်းဆင် ကြည့်ကြဖို့ ကောင်းပါတယ်။ ထောင်ထဲကသူတွေ အပြင်အမြန်ပြန်ရောက်ရေးဟာ အတိုက်အခံအတွက်ရော အစိုးရအတွက်ရော ကာယကံရှင်တွေအတွက်ရော အခုအချိန်မှာ ရှုထောင့်တစ်မျိုးစီက အရေးတကြီး ကိစ္စဖြစ်သလို ကျွန်တော်တို့ မြန်မာပြည်ကြီး ပြုပြင်ပြောင်းလဲရေးအတွက်ပါ သေရေးရှင်ရေးတမျှ အပူတပြင်း အရေးတော်ကြီးတစ်ခုပါ။
ဘယ်လိုတွေလုပ်ရင်၊ ဘာတွေလုပ်ရင် ယုံကြည်ချက်ကြောင့် အကျဉ်းကျခံနေရတဲ့ ထောင်ထဲက ရဲဘော်များ အမြန်ဆုံးလွတ်မြောက်နိုင်မလဲ ဆိုတာ ခေါင်းမီးတောက်အောင် ကျွန်တော်တို့ စဉ်းစား ရှာဖွေနေရပါမယ်။ ကျွန်တော်တို့အတွက် တစ်နေကုန် လုပ်ချင်တဲ့ စီးပွားရေး၊ မိသားစုအရေး၊ ပါတီရေး၊ လူမှုရေး စတဲ့ နိစ္စဓူဝအလုပ်တွေကိုလုပ်ပြီး ညအိပ်ရာဝင်၊ မနက်ပြန်ထနဲ့ ပုံမှန်လှုပ်ရှားနေကြချိန်မှာ ထောင်ထဲကသူများ ပြစ်ဒဏ်တွေ နှစ်စေ့မှ ပြန်လွတ်လာရမယ်ဆိုရင် ကျွန်တော်တို့ ကိုယ်တိုင် အလိုလိုနေရင်း ပြစ်မှုတစ်ခုကို နေ့စဉ်နေ့တိုင်း ကျူးလွန်နေသလို ဖြစ်နေပါလိမ့်မယ်။
ဒေါ်အောင်ဆန်းစုကြည် ကိုယ်တိုင်တောင် နှစ်စေ့မှ၊ သူတို့အခေါ် ပြစ်ဒဏ် တိတိကျကျ ကျခံပြီးမှ နေအိမ်အကျယ်ချုပ်က ပြန်လွှတ်ပေးလိုက်တာပါ။ အခု ထောင်ထဲကသူတွေထဲမှာ ဗိုလ်ချုပ်အောင်ဆန်းရဲ့ သွေးနီးသွေးရင်း တစ်ယောက်မှ မပါပေမယ့် ဗိုလ်ချုပ်စိတ်၊ ဗိုလ်ချုပ်သတ္တိမျိုးနဲ့ ဗိုလ်ချုပ်လို တိုင်းချစ်ပြည်ချစ်စိတ်ထောင်းထောင်းကြေနေတဲ့ သူတွေချည်းပါ။ တိုင်းပြည်ကို ချောက်ထဲ တွန်းချမယ့်သူ၊ လူထုကို ကျွန်ဖြစ်၊ နွံနစ်စေမယ့်သူ တစ်ကောင်တစ်မြှီးမှ မပါပါဘူး။ ထောင်ထဲမှာ တစ်ရက်ပိုနေရလေ အားလုံးအတွက် ဆယ်ရက်နစ်နာလေပါဘဲ။
တိုင်းရင်းသား လက်နက်ကိုင်အဖွဲ့တွေနဲ့ ပြေလည်အေးချမ်းဖို့ အတွက် ကိုယ်စွမ်းရှိသရွေ့  ကူညီဆောင်ရွက်ပေးလိုပါတယ် ဆိုတဲ့ ဒေါ်အောင်ဆန်းစုကြည်ရဲ့ ကမ်းလှမ်းချက်မျိုး၊ အလားတူပုံသဏ္ဍာန်မျိုး၊ ထိုကဲ့သို့ စေတနာမျိုးနဲ့ နိုင်ငံရေးအကျဉ်းသားများ အရေးကို ဒေါ်စုဘက်က ဆောင်ရွက်ပေးဖို့ ဖြစ်နိုင်စရာတွေ ရှိပါတယ်။ ထောင်ထဲက အကျဉ်းသားတွေဟာ လက်နက်ကိုင်၊ ကျည်ဆံဖောက် နေတဲ့သူတွေ လုံးဝမဟုတ်ပါဘူး။ လက်နက်စွဲကိုင် တိုက်ခိုက်နေတဲ့ တိုင်းရင်းသားအုပ်စုတွေ အပေါ်မှာတောင် စိတ်ရှည်ရှည် ထားပေးနိုင်တယ်ဆိုရင်၊ တရားဝင်ပါတီ မဟုတ်တော့တဲ့ နိုင်ငံရေးအဖွဲ့အစည်း တချို့အပေါ်မှာတောင် နားလည်မှုပေးပြီး ဖျောင်းဖျနားချမှုတွေ လုပ်နိုင်တယ် ဆိုရင် အစိုးရ တာဝန်ရှိသူတွေအနေနဲ့ ထောင်ထဲက အကျဉ်းသားတွေအရေးကို သဘောထား သိမ်မွေ့စွာ ထားနိုင်ဖို့သင့်ပါတယ်။
ဒီနေ့ထုတ် နိုင်ငံပိုင် သတင်းစာတွေမှာ “နိုင်ငံတော်၏ လုပ်အားစုများကို အဆုံးရှုံးခံပြီး အကျဉ်းထောင်ထဲ ထည့်ထားခြင်းမျိုးကို မည်သည့် အစိုးရကမျှ ပြုလုပ်လိုမည် မဟုတ်ပါကြောင်း၊ နိုင်ငံတော် တည်ငြိမ်အေးချမ်းမှုကို အနှောင့်အယှက် မပြုကြောင်း သေချာသည့်အချိန်တွင် အကျဉ်းသားများအား ပြန်လွှတ်ပေးရန် ရှိနိုင်ကြောင်း”ဆိုပြီး အမျိုးသားလွှတ်တော် ဥက္ကဌဦးခင်အောင်မြင့်က အိုဟေးကင်တားနားကို ရှင်းလင်း ဆွေးနွေးသွားခဲ့တာကို ဖော်ပြထားတာ ဖတ်ရပါတယ်။ ထို့အတူဘဲ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီး ကိုကိုက လူ့အခွင့်အရေး ကိုယ်စားလှယ် ကင်တားနားကို ဖြေကြားရာမှာ “မြန်မာနိုင်ငံတွင် အစိုးရအဖွဲ့သစ် ပေါ်ပေါက်လာပြီးနောက် နိုင်ငံတော် သမ္မတအနေဖြင့် အကျဉ်းသားများကို လွတ်ငြိမ်းချမ်းသာခွင့် ပေးခဲ့ပြီးဖြစ်ပါကြောင်း၊ ဆက်လက်၍လည်း အခါအားလျော်စွာ လွတ်ငြိမ်းချမ်းသာခွင့်များ ပေးသွားရန် အလားအလာရှိပါကြောင်း” လို့ ထည့်သွင်း ပြောကြားသွားတာ တွေ့ ရပါတယ်။
“တည်ငြိမ်အေးချမ်းမှုကို အနှောင့်အယှက်မပြုကြောင်း သေချာသည့်အချိန်” ဆိုတာကို ကျွန်တော်တို့ သိပ်စိတ်ဝင်စားပါတယ်။ အစိုးရအဖွဲ့ဘက်က ခိုင်ခိုင်မာမာ ယုံကြည်ထားတဲ့ အဲဒီအချိန်ကာလဟာ အခု မဟုတ်သေးဘူးလား။ ဒီမိုကရေစီခေါင်းဆောင်၊ အတိုက်အခံတို့ရဲ့ ခေါင်းဆောင်၊ လူထုခေါင်းဆောင် ဒေါ်အောင်ဆန်းစုကြည်ရဲ့ အစိုးရအဖွဲ့ အပေါ် နိုင်ငံရေးသဘောထား ဒိုင်မေးရှင်း ပြောင်းလဲလာတာတွေ၊ ပူးပေါင်း လုပ်ဆောင်လိုစိတ် ပြင်းပြလာတာတွေက တည်ငြိမ်အေးချမ်းမှု ကြီးစိုးလွှမ်းမိုးခြင်းစီ မျက်နှာပြုနေတာ မဟုတ်ဘူးလား။ အစိုးရပြောတဲ့ သေချာသည့်အချိန် ဆိုတာ ထိုင်စောင့်နေလို့ မရပါဘူး။ စောင့်ကြည့်နေ၊ မျှော်လင့်နေ၊ လွတ်လာပါလိမ့်မယ် ဆိုပြီး လတွေ နှစ်တွေ ချီပြီး ကြာညောင်း သွားနိုင်ပါတယ်။
ဒေါ်အောင်ဆန်းစုကြည် နေအိမ်အကျယ်ချုပ်နဲ့ နောက်ဆုံးနေခဲ့ရတဲ့ ကာလတွေမှာ အရင် နအဖ အစိုးရရဲ့ ကိုယ်စားလှယ်တချို့ တက္ကသိုလ်ရိပ်သာလမ်းက ဒေါ်စုခြံထဲ အ၀င်အထွက်တွေလုပ်ပြီး လျှို့ဝှက်စွာ တွေ့ဆုံမှု ပြုလုပ်ခဲ့ပါတယ်။ အောင်မြင်တာ၊ မအောင်မြင်တာ တစ်ပိုင်းပေါ့။ အဲဒီရဲ့ အကျိုးဆက်တွေကြောင့် အခုလို ဆက်ဆံရေး ပုံစံတိုးတက်မှုများ ဖြစ်လာရတယ်လို့ ပြည်ထောင်စုဝန်ကြီး ဦးအောင်ကြည် မှတ်ချက်ပြုသွားတာ ကြားရပါတယ်။ ဒေါ်စုနဲ့ သမ္မတဦးသိန်းစိန် ငြိမ်းငြိမ်းချမ်းချမ်း စကားပြောကြတာ တွေ့မြင်ရတဲ့အခါ ပြည်သူတွေ စိတ်ချမ်းသာရတယ်၊ ပျော်ကြတယ်၊ သာဓုခေါ်ကြတယ်၊ ဘာဘဲဖြစ်ဖြစ် စစ်အရေခြုံအစိုးရကို အမှတ်ပေးကြတယ်။ ဒါပေမယ့် နိုင်ငံရေးအကျဉ်းသားဆိုတဲ့ လိပ်ခဲတည်းလည်း အစိုင်အခဲကြောင့် အမှတ်ရှည်ရှည် မပေးကြဘဲ တိုတိတိုနန့် အမှန်ခြစ်ကိုဘဲ ရရရှာတယ်။
အမှန်ခြစ် အမှတ်ရှည် ထင်ထင်ရှားရှားကြီး ရဖို့ဆိုရင် “သေချာသည့်အချိန်” ဆိုတာကို လည်ပင်းရှည်အောင် မစောင့်ကြဘဲ ဒေါ်အောင်ဆန်းစုကြည်နဲ့ အစိုးရ နှစ်ဦးနှစ်ဘက် လုပ်ကြရပါလိမ့်မယ်။ လုပ်လို့လည်း ရနိုင်ပါတယ်။ မြန်မာနိုင်ငံအနှံ့ အကျဉ်းထောင်တွေထဲက နိုင်ငံရေးသမား ခေါင်းဆောင်များနဲ့ တွေ့ဆုံ စကားပြော ရပါလိမ့်မယ်။ ဒီမိုကရေစီရေး ရဲဘော်ရဲဘက်တွေကို အပြင်လောကက နိုင်ငံရေး ဖြစ်ပေါ်တိုးတက်မှုတွေ အကြောင်းဂဃနဏ ခရေစေ့တွင်းကျ သိရှိနားလည်အောင် ပြောပြရပါမယ်။ သူတို့မှာလည်း ထောင်ဝင်စာလာတွေ့တဲ့အချိန်လေးသာ နားထောင်ကြရတာပါ၊ အစိုးရသတင်းစာထဲ ပါသလောက်ကိုသာ သိခွင့်ရတာပါ။ ဒေါ်စုကိုယ်တိုင် သူတို့ကို သွားရောက် တွေ့ဆုံခွင့်ရရင်၊ ရှင်းလင်း ပြောကြားခွင့်ရရင် အခြေအနေတွေ ကောင်းတဲ့ဘက်ကို ရွေ့လာနိုင်ပါတယ်။ အစိုးရဘက်က တာဝန်ရှိသူတွေ အနေနဲ့လည်း သူတို့နဲ့  တွေ့ဆုံ စကားပြောသင့်ပါတယ်။
ဆူဆူပူပူ အမြဲလုပ်သူတွေလို့ မမြင်ဘဲ တိုင်းကျိုးပြည်ပြု ငါ့နိုင်ငံသားတွေဘဲလို့ ခံယူပြီး တွေ့ဆုံရေးလမ်းစတစ်ခုကို စတင် ပျိုးယူထားသင့်ပါပြီ။ ဘာဘဲဖြစ်ဖြစ် မည်သည့်ဘက်ကမှ အရင်းမရှုံးနိုင်ပါဘူး။ ပုထုစဉ်လူသားတွေရဲ့ သဘာဝအတိုင်း ဘယ်သူဖြစ်ဖြစ် ဘယ်ဝါဖြစ်ဖြစ် အသိအမှတ်ပြုမှုကို ခံယူချင်ပါတယ်။ ပစ်ပယ်ထားတာတွေ၊ ၀ိုင်းကျဉ်ထားတာတွေ၊ မခေါ်မပြောနိုင် ဖြစ်ရတာတွေနဲ့ တိုင်းပြည်တစ်ပြည်ကို တိုးတက် အောင်မြင်အောင် တည်ဆောက်လို့ မရပါဘူး။ ၂၀၁၀ ရွေးကောက်ပွဲ မတိုင်ခင်က ပြည်တွင်းက ပုဂ္ဂိုလ်တချို့ နိုင်ငံခြားထွက်ပြီး မြန်မာနိုင်ငံကို ဆန့်ကျင် ပုန်ကန်နေသူတချို့နဲ့ သွားရောက်တွေ့ဆုံ စကားပြောကြ နိုင်သေးတာဘဲ။ နှစ်ဘက်စကား နှစ်ဘက်နားတွေနဲ့ ရင်းနှီးမှုတွေ ရယူထားနိုင် ကြသေးတာဘဲ။ အခုဟာက ရေခြားမြေခြား တိုင်းတစ်ပါးကို ခရီးရှည်ကြီး ဆန့်စရာ မလိုပါဘူး။ နီးနီးလေးနဲ့ ဝေ့နေကြတာပါ။
အောင်မျိုးထွန်း
၂၆- ၈- ၂၀၁၁
http://www.demowaiyan.co.cc/2011/08/blog-post_8300.html
မှကူးယူတင်ပြသည်။
MAUNG NE WIN

ပြည်သူ့နှလုံး မသိမ်းကြုံးလျှင် ပြည်သူ့ခွန်အား မကိုးစားလျှင်.....

လောကမှာလူထု အကျိုးကို သယ်ပိုး၊ အများအကျိုးကို ထမ်းပိုး ဆောင်ရွက်နေသူ၊ အနစ်နာခံ ဆောင်ရွက်နေသူတွေကို ပြည်သူလူထုက အားကိုး ယုံကြည် လေးစားကြပါတယ်...။ ကျွန်တော်တို့ လူထုခေါင်းဆောင် ဒေါ်အောင်ဆန်းစုကြည်ရဲ့ တိုင်းပြည်တဲ့ လူမျိုးအပေါ်ထားတဲ့ စိတ်ဓာတ်နဲ့ အနစ်နာခံတဲ့ စိတ်ဓာတ်၊ ခေါင်းဆောင်ကောင်း ပီသတဲ့ စိတ်ဓာတ်တွေကြောင့် ရောက်လေရာမှာ အုတ်အော်သောင်းသဲ ပြည်သူမေတ္တာ၊ ပြည်သူ့ချစ်ခင်မှုကို အပြည့်အဝ ရရှိခံစားနေရတာပါ...။ ဒါဟာ ပြည်သူက ကျွန်တော်တို့ ခေါင်းဆောင်အပေါ်ထားတဲ့ မေတ္တာ၊ လေးစားယုံကြည်မှု၊ မိမိတို့ အနာဂတ်ရဲ့ မျှော်လင့်ချက်တွေကို ဖြည့်ဆီးပေးမယ့်သူ အဖြစ် အားကိုးယုံကြည်မှုပါပဲ...။ ပြည်သူတွေရဲ့ ရင်ထဲကလာတဲ့ မေတ္တာပါ လုပ်ယူထားတဲ့ အရာတွေ မဟုတ်ပါဘူး၊




ကဲအောက်မှာ ဆက်ကြည့်ရအောင်ဗျာ...

ဒီပုံကတော့ ၂၀၀၆ခုနှစ်က ဗိုလ်သန်းရွှေတို့ တရုတ်ပြည်ခရီးစဉ်မှာ ဒေါ်ကြိုင်ကြိုင်နဲ့ မိသားစု ပန်ဒါ ဝက်ဝံလေးတွေရဲ့ ပန်းခြံမှာ တွေ့ရတဲ့ မြင်ကွင်းပါ...။ ပန်ဒါဝက်ဝံတွေဆိုတာ အင်မတန်မှ ချစ်ဖို့ကောင်းတဲ့ တရုတ်ပြည်မှာပဲ တွေ့ရတဲ့ ဝက်ဝံအမျိုးအစားပါ။ သို့ပေတည့် လောဘ၊ ဒေါသ၊ မောဟ၊ မာန်မာနတွေကြားမှာ ပန်ဒါဝက်ဝံခင်ဗျာလည်း အရောင်မှိန်ခဲ့ရပါတယ်..။ (လျှက်တပြက် အယ်ဒ်ီတာချုပ်ကြီးများ ဒီပုံကိုရရှိရင် ပုံထဲက ပန်ဒါဝက်ဝံကို ဖျောက်ထားပေးမလားပဲ)။ ဟန်ဆောင်အပြုံးတွေ၊ မာန်မာနတွေ မျက်နှာမှာ ထင်ဟပ်နေတဲ့ ပုံရိပ်တွေပါ...။ တကယ်ချစ်ခင်မှုနဲ့ ရွံကြောက် အနေအထားတွေ ကွာပါတယ်..။ မိမိကိုယ်ကိုယ် အနိုင်ရရှိပြီလို့ ထင်ထားတဲ့ သူတွေရဲ့ လူတောတိုးမတိုးဝံ့၊ လူထုကြားထဲ ရဲရဲဝံ့ဝံ့ မသွားဝံ့တဲ့ လူမသေခင်ကတည်းက နာမည်သေနေကြပြီ ဖြစ်တဲ့ တဘဝစံတွေပါ...။ နောက်ဆုံးအချိန်မှာ ဘယ်လိုများ ဇာတ်သိမ်းကြမယ်ဆိုတာ ပိတ်ကားပေါ်မှာ ဆက်လက် ကြည့်ရှုကြတာပေါ့ဗျာ....ဓာတ်ပုံတွေက ပြောတဲ့ ကွာခြားချက်လေးတွေကို အားလုံးအတွက် တင်ပြလိုက်ပါတယ်...။

စစ်နည်းဗျူဟာ ဘယ်လိုသာလည်း
စွဲကိုင်လက်နက် ဘယ်လိုထက်လည်း။
ပြည်သူ့နှလုံး မသိမ်းကြုံးလျှင်
ပြည်သူ့ခွန်အား မကိုးစားလျှင်
ဓားသွားလည်းကြွေ၊ လှံလည်းခွေအံ့။
လက်ဝဲသုန္ဒရ

http://www.demowaiyan.co.cc/2011/08/blog-post_9074.html

မှကူးယူတင်ပြသည်။

MAUNG NE WIN

ယုံကြည်ချက် ခံယူချက်ကြောင့် အကျဉ်းကျခံနေရသူများ၊ ပြည်ပရောက် မြန်မာနိုင်ငံသားများ၊ တိုင်းရင်းသားလက်နက်ကိုင်အဖွဲ့အစည်းများ ပူးပေါင်း။

ယုံကြည်ချက် ခံယူချက်ကြောင့် အကျဉ်းကျခံနေရသူများ၊ ပြည်ပရောက် မြန်မာနိုင်ငံသားများ၊ တိုင်းရင်းသားလက်နက်ကိုင်အဖွဲ့အစည်းများ ပူးပေါင်းပါဝင်ခွင့်ရရေးအတွက် အထွေထွေလွတ်ငြိမ်းချမ်းသာခွင့်များ ထုတ်ပြန်စေရေးအတွက် နိုင်ငံတော်သမ္မတအား ပြည်သူ့လွှတ်တော်က မေတ္တာရပ်ခံ Friday, 26 August 2011 01:49


ပထမအကြိမ် ပြည်သူ့လွှတ်တော် ဒုတိယပုံမှန်အစည်းအဝေး ပဉ္စမနေ့တွင် အထွေထွေလွတ်ငြိမ်း ချမ်းသာခွင့်အမိန့်များ ဆက်လက် ထုတ်ပြန်စေရေးအတွက် နိုင်ငံတော် သမ္မတအား ပြည်သူ့လွှတ်တော်က မေတ္တာရပ်ခံကြောင်းအဆိုကို ရန်ကုန် တိုင်းဒေသကြီး သင်္ဃန်းကျွန်း မဲဆ န္ဒနယ်မှ ပြည်သူ့လွှတ်တော်ကိုယ်စား လှယ် ဦးသိန်းညွန့်က ပြည်သူ့လွှတ် တော်သို့တင်သွင်းခဲ့ကြောင်း သိရှိရပါသည်။

ယင်းအဆိုကို ရှမ်းပြည်နယ် တောင်ကြီးမြို့နယ် မဲဆန္ဒနယ်မှ ဦးစံလင်း၊ ရန်ကုန်တိုင်း ဒေသကြီး တာမွေမြို့နယ် မဲဆန္ဒ နယ်မှ ဒေါ်လဲ့လဲ့ဝင်းဆွေ၊ ရခိုင်ပြည် နယ် ကျောက်ဖြူမြို့နယ် မဲဆန္ဒနယ် မှ ဦးဘရှိန်၊ ရှမ်းပြည်နယ် ကွန်ဟိန်း မဲဆန္ဒနယ်မှ ဒေါ်နန်းဝါနု၊ ရှမ်းပြည် နယ် ရွာငံမဲဆန္ဒနယ်မှ ဦးအောင် သိန်း၊ ရှမ်းပြည်နယ် လဲချားမဲဆန္ဒ နယ်မှ ဦးစိုင်းမောင်တင်၊ ရခိုင်ပြည် နယ် ရသေ့တောင်မဲဆန္ဒနယ်မှ ဒေါ် ခင်စောဝေ၊ ကရင်ပြည်နယ်ဘားအံ မဲဆန္ဒနယ်မှ ဒေါ်နန်းစေအွာ၊ တန င်္သာရီတိုင်း ရေးမဲဆန္ဒနယ်မှ ဒေါ်မိ မြင့်သန်း၊ ချင်းပြည်နယ် ထန်တလန် မဲဆန္ဒနယ်မှ ဒေါ်ဇာတလဲမ်း၊ မွန် ပြည်နယ် ပေါင်မဲဆန္ဒနယ်မှ ဦးခင် မောင်မြင့်၊ ပဲခူးတိုင်း ကျောက်ကြီး မဲဆန္ဒနယ်မှ ဦးဥာဏ်ဆွေဝင်း၊ ရန် ကုန်တိုင်းဒေသကြီး စမ်းချောင်း မဲ ဆန္ဒနယ်မှ ဦးစိုးဝင်း၊ ရန်ကုန်တိုင်း ဒေသကြီး မြောက်ဥက္ကလာပ မဲဆန္ဒ နယ်မှ ဒေါက်တာသန်းဝင်း၊ မွန်ပြည် နယ် သံဖြူဇရပ် မဲဆန္ဒနယ်မှ ဦး သိန်းအောင်တို့က ဆွေးနွေးခဲ့ကြပြီး တပ်မတော်သား ပြည်သူ့လွှတ်တော် ကိုယ်စားလှယ်နှစ်ဦးကလည်း ဖြည့် စွက်ဆွေးနွေးခဲ့ကြကြောင်း သိရ သည်။

ပြည်သူ့လွှတ်တော် ကိုယ်စား လှယ်များက အထွေထွေလွတ်ငြိမ်း ချမ်းသာခွင့်အမိန့်များ ဆက်လက် ထုတ်ပြန်စေရေးအတွက် နိုင်ငံတော် သမ္မတအား ပြည်သူ့လွှတ်တော်က မေတ္တာရပ်ခံကြောင်း အဆိုနှင့် စပ် လျဉ်း၍ ဆွေးနွေးကြရာတွင် ဖဆပ လခေတ်၊ တော်လှန်ရေးကောင်စီ ခေတ်၊ မြန်မာ့ဆိုရှယ်လစ်လမ်းစဉ်ပါ တီခေတ် တစ်လျှောက်လုံးတွင် အ ထွေထွေလွတ်ငြိမ်းချမ်းသာခွင့်များ ပေးခဲ့ဘူးသည့် သာဓကများလည်း ရှိခဲ့ကြောင်း၊ ၁၉၈၀ခုနှစ် ပြည်ပ ရောက်နိုင်ငံရေးခေါင်းဆောင်များကို ပင် သင်ပုန်းခြေရေးမူအရ ထိုစဉ်က လွှတ်တော်က ဖိတ်ခေါ်ခဲ့ဘူးသည့် အစဉ်အလာလည်းရှိခဲ့ကြောင်း၊ပြည် တွင်း၌ အကျဉ်းကျခံနေရသူများတွင် ယုံကြည်ချက်၊ ခံယူချက်ကြောင့် လုံ ခြုံရေးဥပဒေများနှင့် ညှိစွန်းပြီး အ ကျဉ်းကျခံနေရသူများ၊ ပြည်သူက လေးစားယုံကြည်ကြသူများ၊ ဒီမိုက ရေစီနိုင်ငံတော်သစ်တည်ဆောက် ရေးတွင် ပူးပေါင်းပါဝင်ရန် လိုအပ် သူများလည်းပါရှိနေကြောင်း၊ အ ထွေထွေလွတ်ငြိမ်းချမ်းသာခွင့်ကို ပြည်သူများကမျှော်လင့်နေကြလျက် ရှိပြီး အထွေထွေလွတ်ငြိမ်းချမ်းသာ ခွင့်အမိန့်များ ဆက်လက်ထုတ်ပြန် ရေးသည် ပြည်သူ့အသံဖြစ်ပြီး ကျင်းပနေဆဲ လွှတ်တော်၏ ဆောင် ပုဒ်ဖြစ်သည့် ပြည်သူ့အသံ၊ လွှတ် တော်အသံ၊ ပြည်သူ့ဆန္ဒ၊ လွှတ် တော်ဆန္ဒ၊ ပြည်သူတို့ မျှော်လင့်ချက် လွှတ်တော်က ဖော်ဆောင်ရွက်ဆို သည်နှင့်အညီ အထွေထွေလွတ်ငြိမ်း ချမ်းသာခွင့်များ ဆက်လက်ထုတ် ပြန်ပေးရေးအတွက် နိုင်ငံတော်သမ္မ တအား ပြည်သူ့လွှတ်တော်က မေ တ္တာရပ်ခံကြောင်းအဆိုကို ထောက်ခံ ဆွေးနွေးခဲ့ကြသည်။

ယင်းအပြင် ပြည်တွင်း၌ ယုံ ကြည်ချက် ခံယူချက်ကြောင့် လုံခြုံ ရေးဥပဒေများနှင့်ညှိစွန်းပြီး ပြစ်ဒဏ် ကျခံနေရသည့် အကျဉ်းသားများထဲ တွင် ဒီမိုကရေစီနိုင်ငံတော်သစ် ထူ ထောင်နိုင်ရေးအတွက် အင်အားတစ် ရပ်ဖြစ်သည့် အသိပညာရှင်၊ အ တတ်ပညာရှင်များ၊ နိုင်ငံရေးရာ များ ကို စွမ်းစွမ်းတမံဆောင်ရွက်နိုင်ကြ မည့်သူများ ပါရှိနေသည့်အပြင် ယုံ ကြည်ချက် ခံယူချက်ကြောင့် ပြည် ပရောက်ရှိနေသည့် မြန်မာနိုင်ငံသား များ၊ ပြန်လည်လာရောက်နိုင်ရေး အ တွက်လည်း အထွေထွေလွတ်ငြိမ်း ချမ်းသာခွင့်မှာ အရေးပါပြီး နိုင်ငံ တော်သမ္မတကြီးက ပြည်ပရောက် မြန်မာနိုင်ငံသားများအနေဖြင့် ပြစ်မှု တစ်စုံတစ်ရာ ကျုးလွန်ထားခြင်းမရှိ ပါက မြန်မာနိုင်ငံသို့ အချိန်မရွေး ပြန်လာနိုင်ကြောင်း၊ပြစ်ဒဏ်ကျခံရန် မြန်မာနိုင်ငံသို့ ပြန်လာမည်ဆိုပါက လည်း သဘောထားကြီးစွာစဉ်းစား ပေးမည်ဆိုသည့် မိန့်ကြားချက်နှင့် အညီ အထွေထွေလွတ်ငြိမ်းချမ်းသာ ခွင့်များ ဆက်လက်ထုတ်ပြန်စေရေး အဆိုကို နိုင်ငံတော်သမ္မတထံ ပြည် သူ့လွှတ်တော်က မေတ္တာရပ်ခံရေး အ ဆိုနှင့် စပ်လျဉ်း၍ ဆွေးနွေးခဲ့ကြ ကြောင်း သိရသည်။

တပ်မတော်သား ပြည်သူ့လွှတ် တော်ကိုယ်စားလှယ် ဗိုလ်မှုးကြီးတင့် ဆန်းနှင့် အခြားကိုယ်စားလှယ်တစ် ဦးတို့က အကျဉ်းကျခံနေရသူများ တွင် နိုင်ငံတော်အတွက် သက်စွန့် ကျိုးပမ်းတာဝန်ထမ်းခဲ့ကြသည့် လုပ်ဖော်ကိုင်ဖက် တပ်မတော်သား အများအပြားပါရှိနေသည့်အတွက် အဆိုပါတပ်မတော်သားများ၏ တာ ဝန်ထမ်းဆောင်ခဲ့သည်များကို စာနာ ထောက်ထား၍ အထွေထွေလွတ် ငြိမ်းချမ်းသာခွင့် အမိန့်များဆက် လက်ထုတ်ပြန်စေရေးအတွက် နိုင်ငံ တော်သမ္မတအား ပြည်သူ့လွှတ် တော်က မေတ္တာရပ်ခံကြောင်းအဆို ကို ထောက်ခံဆွေးနွေးခဲ့ကြသည်။

ပြည်ထောင်စုဝန်ကြီး ဒုတိယ ဗိုလ်ချုပ်ကြီးကိုကိုက ပြည်သူ့လွှတ် တော်ကိုယ်စားလှယ်များ၏ တင်ပြ ချက်ကို ပြည်ထောင်စုဝန်ကြီးအနေ ဖြင့်လည်းကောင်း၊ နိုင်ငံတော်လုံခြုံ ရေးနှင့် ကာကွယ်ရေးအဖွဲ့ဝင်တစ်ဦး အနေဖြင့်လည်းကောင်း၊ အထွေထွေ လွတ်ငြိမ်းချမ်းသာခွင့် အမိန့်များ ဆက်လက်ထုတ်ပြန်စေရေးအတွက် ပြည်သူ့လွှတ်တော်က နိုင်ငံတော်သ မ္မတအား မေတ္တာရပ်ခံကြောင်းကို နိုင်ငံတော်သမ္မတထံ အမြန်ဆုံးတင် ပြပေးသွားမည်ဟု ရှင်းလင်းဆွေး နွေးခဲ့သည်။

ယင်းကြောင့် အထွေထွေလွှတ် ငြိမ်းချမ်းသာခွင့်အမိန့်များ ဆက် လက်ထုတ်ပြန်စေရေးအတွက် ပြည် သူ့လွှတ်တော်က နိုင်ငံတော်သမ္မတ အား နိုင်ငံတော်လုံခြုံရေးနှင့် ကာ ကွယ်ရေးကောင်စီဝင် ပြည်ထောင်စု ဝန်ကြီး ဒုတိယဗိုလ်ချုပ်ကြီး ကိုကို မှတဆင့် မေတ္တာရပ်ခံကြောင်း အ တည်ပြုကြေညာခဲ့သည်။

via Eleven Media Group မှကူးယူတင်ပြသည်။
MAUNG NE WIN

B.R.S.A,အသင်းသူအသင်းသားများ စုံညီအစည်းအဝေး။

မြန်မာ့ တပ်မတော် အလုံးစုံ ပြိုကွဲပျက်စီးဖို့ နီးပြီလော ဆောင်းပါးရှင် ချေဗားမား (Che Burma)

မြန်မာ့ တပ်မတော် အလုံးစုံ ပြိုကွဲပျက်စီးဖို့ နီးပြီလော
ဆောင်းပါးရှင် ချေဗားမား (Che Burma)

နယ်ချဲ့လွတ်လပ်ရေး တိုက်ပွဲအတွင်းက မွေးဖွားအခြေခံလာခဲ့သော၊ ဗိုလ်ချုပ်အောင်ဆန်းအမှူးပြုသည့် ရဲဘော်သုံးကျိပ် စတင် တည်ထောင်လာခဲ့သော ဘီအိုင်အေမှ အစပြုသည့် မြန်မာ့တပ်မတော်၏ အစဉ်အလာသည် ယနေ့အခါသမယ၌ ပြုပြင်မရလောက်အောင် ချွတ်ခြုံကျ၊ ယိုယွင်းနေချေပြီလော။
နေ၀င်း၊ သန်းရွှေတို့၏ ကလိန်ကျ၊ ကိုယ်ကျိုးရှာ၊ အတ္တကြီး၊ အာဏာရှင်ဆန်မှုတို့ကြောင့် ပေါ်ပေါက်လာခဲ့ရသော တပ်မတော်အတွင်း ဖြုတ်၊ထုတ်၊သတ် ဇာတ်လမ်းမျိုးစုံကို လူအများ ကြားသိတွေ့မြင် ခဲ့ရပြီးချေသည်ကား သေချာပေ၏။ အနီးစပ်ဆုံးဥပမာများကား အထင်အရှားရှိ၏။ နေ၀င်းကာလကို အသာထားဦး။ သန်းရွှေကာလမှာပဲ စောမောင်၊ တင်ဦး၊ ခင်ညွန့်နှင့် တပည့်များ ဖြုတ်၊သတ်၊ထုတ် အလုပ်ခံခဲ့ရသည် မဟုတ်လော။
တပ်မတော်အတွင်း ဗိုလ်များသာ တိုးလာပြီး စစ်သားရှားပါး၊ ထွက်ပြေးမှုများ မကြာခဏကြုံတွေ့ နေရရုံမျှသာ မကသေး။ ယနေ့တပ်မတော် အရာရှိကြီးကြီး မာစတာတို့၏ စိတ်ဓာတ်၊ စည်းကမ်းများမှာလည်း အဆိုးဖက်သို့ ဦးတည်နေသည်ကား ဆက်လက်ဖော်ပြမည့် အကြောင်းအရာများက သက်သေခံနေပေပြီ။
စော၊တင်၊ညွန့်တို့ ဖြုတ်၊သတ်၊ထုတ် အလုပ်ခံခဲ့ရသည့် နည်းတူ ယနေ့အခါတွင်လည်း တပ်မတော် အရာရှိကြီးကြီး မာစတာချင်း ဖြုတ်၊ထုတ်၊ဖမ်း လုပ်နေကြပြန်သည့် ဇာတ်လမ်းများမှာ ယခုအခါ မကြားချင်အဆုံး ဖြစ်နေပေသည်။

-မန္တလေးမြို့တော်ဝန် ဗိုလ်မှူးချုပ်ဖုန်းဇော်ဟန် ဖမ်းဆီး စစ်ဆေးခံနေရပြီဆိုသည့် သတင်း...
(၄င်းမှာ လက်ရှိ မန္တလေးတိုင်းဒေသကြီး ၀န်ကြီးချုပ်ဆိုသူ ဒုတိယဗိုလ်ချုပ်ကြီးရဲမြင့်နှင့် ရန်ဘက်ကြီး ဖြစ်သည်ဆို၏)(မှတ်ချက်။ ။ ဖုန်းဇော်ဟန်၊ ရဲမြင့်တို့မှာ တပ်မတော်မှ ထွက်ထားသူများဟု မည်သို့ပင် အသံဟစ်ထား စေကာမူ၎င်းတို့ကို ၎င်းတို့၏ ရှိရင်းစွဲ တပ်မတော်အဆင့်အတန်းအတိုင်း အာဏာပေးထားသည်ကို ငြင်းဖွယ်မမြင်ပေ။ ဥပမာ - သန်းရွှေ၊ မောင်အေး၊ ရွှေမန်း၊ သိန်းစိန်၊ တင်အောင်မြင့်ဦး၊ ကျော်ဆန်း၊ ခင်ရီ အစရှိသူတို့သည် လက်ရှိတိုင် တပ်မတော်အပေါ် သြဇာ ညောင်းနေပေဘိသကဲသို့။)
-ကာကွယ်ရေး စစ်ဆင်ရေး အထူးအဖွဲ့မှူး ဗိုလ်ချုပ်တင်ငွေ(ယခင် မန္တလေးတိုင်းမှူး)၊ ဗိုလ်ချုပ်ထွန်းသန်း (ရန်ကုန်တိုင်းတိုင်းမှူး)တို့လည်း ဖမ်းဆီးစစ်ဆေး ခံနေရပြီဆိုသည့် သတင်း...
-ဗိုလ်ချုပ်ကျော်ဖြိုး(ယခင် တြိဂံဒေသတိုင်း စစ်ဌာနချုပ်တိုင်းမှူး)လည်း ဖမ်းဆီးစစ်ဆေး ခံနေရပြီဆိုသည့် သတင်း... စသဖြင့်.. စသဖြင့် ။
ဖြုတ်၊ထုတ်၊ဖမ်း သတင်းများကား စိတ်မချမ်းမြေ့ဖွယ် ကောင်းလောက်အောင် ကြားနေရပြန်ချေပြီ။ မြန်မာ့တပ်မတော်၏ အစဉ်အလာကို အပြိုင်ကိုယ်ကျိုးရှာတမ်း၊ အာဏာလုတမ်း၊ ဖြုတ်-ထုတ်-ဖမ်း-သတ်တမ်းကစားနေကြရင်း ချိုးဖျက်နေကြပြီလော။
ကျွန်တော်သည် ပြည်တွင်းမှာ နေထိုင်သော ပြည်တွင်းဖြစ် မြန်မာနိုင်ငံသား၊ ဗမာလူမျိုး စစ်စစ်တစ်ဦးဖြစ်ပြီး "တပ်မတော်သာ အမိ၊ တပ်မတော်သာ အဖ" စကားများနှင့် ကြီးပြင်းလာခဲ့ရသူဖြစ်ရာ ယခုလို တပ်မတော်၏ အမိ၊ အဖ ဆိုသူများ အချင်းချင်း ကိုယ်ကျိုးရှာ အာဏာလုစတမ်း၊ ဖြုတ်-ထုတ်-ဖမ်း-သတ်တမ်း ကစားနေကြသည်ကို မြင်နေရ၍ လွန်စွာ စိတ်မကောင်းဖြစ်မိတော့သည်။

တပ်မတော်သားသည် တစ်သားတည်းရှိရမည်မဟုတ်လော။ ယခုတော့ ဘယ်သူ့လူ၊ ဘယ်ဝါ့လူခွဲကာ တစ်ဦးနှင့်တစ်ဦး ဦးရာလူချစတမ်း လုပ်တတ်သည့် ဓလေ့တစ်ခု မြန်မာ့တပ်မတော်မှာ စွဲနေလေပြီ။ တပ်မတော်အတွင်း အာဏာစင်ပြိုင်ထောင်သည့် ဓလေ့ဆိုးသည် အမြစ်တွယ်နေလေပြီ။ တပ်မတော်ကို အသုံးချကာ နိုင်ငံရေးဖြတ်လမ်း လိုက်တတ်သည့် ဓလေ့သိုးသည် အနံ့ထွက်နေလေပြီ။ တပ်မတော် အရာရှိကြီးကြီးမာစတာ ကိုယ်တိုင်သော် လည်းကောင်း၊ ၎င်း၏ဆွေမျိုးတသိုက်သော် လည်းကောင်း တပ်မတော်အာဏာသုံး၍ စီးပွားရှာတတ်သည့် ဓလေ့မျိုးသည် ရိုးနေလေပြီ။
"ဘယ်သူကွဲကွဲ တို့မခွဲ အမြဲစည်းလုံးမည်" ဆိုသည့် စကားများနှင့် တည်ဆောက်ထား သယောင်ရှိသော တပ်မတော်သည် မည်သူမျှ ခွဲစရာမလိုဘဲ ခေါင်းဆောင်အချင်းချင်းကွဲပြီး အာဏာရှိုးပြပွဲ လုပ်နေကြပေရာ ရိုးသား ထက်မြက်စွာ နိုင်ငံ့တာဝန်ထမ်းနေသော လက်အောက်ခံ တပ်မတော် အရာရှိကြီးငယ်များနှင့် လက်ဝေခံစစ်သားများခမျာ စိုးတထိတ်ထိတ်၊ ရင်တဖိုဖိုနေရသည့် ဘ၀သို့ တမုတ်ဟုတ်ချင်း အမြဲတမ်း ကျရောက်နေလေပြီ။ "ငါ့တော့ ဘယ်နေ့အတွယ်ခံရမလဲမသိဘူး" ဟူသော စိတ်နှင့် တပ်မတော်သားဘ၀ကို စိတ်ညစ်စွာ ဖြတ်သန်းနေရလေပြီ။
မြန်မာ့တပ်မတော်ကို အမြစ်ကလှန်၍ ပြုပြင်မွမ်းမံရန် လိုပေပြီ။ တစ်သွေး၊ တစ်သံ၊ တစ်မိန့် ဆိုသော်ငြား ထိုသွေး၊ ထိုအသံ၊ ထိုအမိန့်သည် "ညစ်၊ အက်၊ မှား"၍ နေပေသည်ကို သိလျက်ကြီးနှင့် ပညာဥာဏ်၊ မျိုးချစ်စိတ်ကြီးမားသူ လက်အောက်/လက်ဝေခံ တပ်မတော်သားများက ဒီအတိုင်းလက်ပိုက်ခေါင်းငုံ့ပြီး ငြိမ်ခံနေကြဦးမည်လော။
သွေးဆိုးသွေးညစ်ကို ဖောက်ထုတ်ဖယ်ရှားကာ တပ်မတော်ကို အသစ်တဖန်မွေးဖွားဖို့ လိုပေပြီ။ တပ်မတော်မျိုးဆက်သစ်တို့အနေဖြင့် တပ်မတော်တော်လှန်ရေးကို အမြန်လုပ်ဖို့လိုပေပြီ။ တပ်မတော်ကို ဖြိုခွဲမည့်အကြံ ကျွန်တော်လည်း လက်မခံပါ။ စိတ်ဓာတ်၊ စည်းကမ်းပြိုကွဲနေသော တပ်မတော်ကိုမူ ပြန်လည်စုစည်း ပြုပြင်ကြပါဟုသာ တိုက်တွန်းလိုပေသည်။
အနာသိလျှင် ဆေးရှိသည်ဆိုသော်ငြား ဆေးနှင့် ဆေးကုပေးမည့်သူကား လိုပေသည်။ အနာကား ရင့်ချေပြီ။ သတ္တိရှိရှိ၊ ပညာဥာဏ်ကြီးကြီးနှင့် အနာကို အမြန်ဆေးကုကြပါတော့ဟုသာ တပ်မတော်ချစ်၊ တိုင်းပြည်ချစ် မျိုးဆက်သစ် မြန်မာ့တပ်မတော်သားများကို အလေးအနက်ထားကာ ဦးတည် ရေးသားလိုက်ရပေသတည်း။
ချေဗားမား (Che Burma)

http://www.demowaiyan.co.cc/2011/08/blog-post_7847.html
မှကူးယူတင်ပြသည်။
MAUNG NE WIN

ဒေါ်စုကို ဆက်ချစ်ပါရစေ.... ဆောင်းပါးရှင် (အောင်မျိုးထွန်း)

ဒေါ်စုကို ဆက်ချစ်ပါရစေ.... ဆောင်းပါးရှင် (အောင်မျိုးထွန်း)

ကျွန်တော်က ဒေါ်အောင်ဆန်းစုကြည်ကို မျက်စေ့စုံမှိတ် တောက်လျှောက် ထောက်ခံလာတဲ့သူဆိုတော့ အခုတလော မေးခွန်းတစ်ခု လာလာမေးတာ ခံနေရပါတယ်။
“ဒေါ်အောင်ဆန်းစုကြည်က အစိုးရနဲ့  ပေါင်းလိုက်ပြီလား”သူတို့အမေးကို ဌာန်ကရိုဏ်းကျကျ နိုင်ငံရေးစကားကြီး စကားကျယ်တွေ ရေလဲသုံးပြီး ပြန်ဖြေလိုက်တဲ့အခါ...
“သြော်.. တူတာတွဲလုပ် မတူတာ ဘေးဖယ်ထား” ဆိုပြီး ခေါင်းတငြိမ့်ငြိမ့်နဲ့ သူတို့ စဉ်းစားသွားကြပါတယ်။ အစိုးရက ဒေါ်အောင်ဆန်းစုကြည်နဲ့ ပေါင်းလိုက်ပြီလား လို့မေးတဲ့သူ တစ်ယောက်မှ ထွက်မလာပါဘူး။ အဲဒီလို အပေါက်မျိုးကို မတွေးကြတာလည်း NLD နဲ့ဒေါ်စုတို့ကို စစ်အစိုးရက နှစ်၂၀ ကျော် တရကြမ်း ဖိနှိပ်ချေမှုန်းခဲ့လို့ ဘီလူးဟာ မင်းသား မလုပ်တတ်ဘူး ဆိုတဲ့ အမြင်ကြောင့် ဖြစ်ပါတယ်။
တူတဲ့ကိစ္စရပ်တွေထက် မတူညီတဲ့ ကိစ္စရပ်တွေကို ကျွန်တော်တို့ ပိုစိတ်ဝင်စားပါတယ်။ အတိုက်အခံဆိုတာ သဘောကွဲလွဲမှုတွေကို ရှာဖွေမွှေနှောက်ပြီး ပြည်သူတွေထံ ချပြပြီး အာဏာရအစိုးရကို ဝေဖန် တိုက်ခိုက်နေရတာလေ။ မဟုတ်ရင်တော့ အာဏာရပါတီထဲဝင်ပြီး နိုင်ငံရေးလုပ်ရုံပါဘဲ။ အရိပ်ပါတီ၊ အရိပ်နိုင်ငံရေးဆိုတာ အင်မတန် ရွံရှာစရာပါ။ ကြံ့ဖွံ့အစိုးရရဲ့ ပြည်ထောင်စုဝန်ကြီးတွေရဲ့ နိုင်ငံရေး လုပ်ကွက်တွေဟာ ခြေလှမ်းသွက်ပြီး တိုင်ပင်ကိုက် လှုပ်ရှားနေတာကို တွေ့ရတော့ ကျွန်တော်တို့တွေ ငထူငအ လုပ်နေရင် ကားကနဲ ကျန်ရစ်တော့မယ့် အခြေအနေတချို့ကို မြင်လာရပါပြီ။
ဒေါ်စုကို အစိုးရက အခုလို ဆက်ဆံနေတာကို အမေရိကန်အစိုးရရဲ့ ကြိုဆိုတယ်ဆိုတဲ့ စကားတစ်ခွန်းဟာလည်း ကျွန်တော်တို့ ထည့်တွက်ရမယ့် ကိစ္စပါ။ ဒေါ်စုနဲ့ အစိုးရတာဝန်ရှိသူ တစ်ဦးတွေ့ဆုံ နေတာကို ဂွမ်းဆီထိ ပီတိဖြစ်နေတာ မဟုတ်ပါဘူး။ ဒေါ်အောင်ဆန်းစုကြည် မြန်မာပြည်ကို တက်အုပ်ချုပ်ပြီး အစိုးရလုပ်နေတာ ကျွန်တော်တို့ မြင်ချင်နေတာပါ။ ဘယ်စစ်ထွက်ပုဂ္ဂိုလ်မှန်သမျှ ဌာနအသီသီးရဲ့ ၀န်ကြီးနေရာ ယူထားကြတဲ့ အစိုးရအဖွဲ့မျိုးကိုမြင်ဖို့  ကျွန်တော်တို့ ဆန္ဒမရှိပါဘူး။
ဒီလိုမျိုး ဒေါ်အောင်ဆန်းစုကြည် အပေါ် အားမလိုအားမရနဲ့ စိတ်ပျက်ငြီးငြူသံ၊ ရှေ့မှာ ပေါ်တင် ဆန့်ကျင်သံမျိုး တွေ ဒီ့ထက်ပိုပြီး ထွက်လာနိုင်စရာရှိပါတယ်။ ရေဒီယိုမီဒီယာတစ်ခုမှာ မွန်လက်နက်ကိုင် အဖွဲ့ခေါင်းဆောင်တစ်ဦးက ဒေါ်စုကို “ငြိမ်းချမ်းရေးကိစ္စ လက်တွေ့ လုပ်ကြည့်ပါ၊ အဲဒီအခါ မလွယ်မှန်းသိလိမ့်မယ်၊ မရရင် ပြန်လှည့်ခဲ့ပေါ့”လို့ သုံးသပ်လိုက်သံကို ကြားရတဲ့အပြင် တချို့ နိုင်ငံရေးဆောင်းပါးနဲ့ ဝေဖန်သူတွေရဲ့  အမြင်မှာလည်း “အပိုတွေ၊ မယုံနဲ့ စစ်အစိုးရက ရုပ်ရှင်ရိုက်နေတာ၊ ဒေါ်စု ခံသွားရလိမ့်မယ်” ဆိုပြီး မှတ်ချက်ပေးနေကြပါတယ်။
ဒါ..ဒေါ်စုနဲ့ ဦးအောင်ကြည် ၂ ခါဘဲ တွေ့ရသေးလို့၊ သုံးလေးငါးခါများ တွေ့ပြီးလို့ သောင်တင်ရေမကျ၊ ၀ါးတားတား ဆက်ဖြစ်နေဦးမယ်ဆိုရင် ဒီ့ထက် ဆူညံတဲ့အသံတွေကို ကြားလာရဖို့ ရှိပါတယ်။
နောက်တစ်ပတ်မှာ နေပြည်တော်လွှတ်တော်ကို အချိန်ကိုက် ပြန်စတာဟာ အစိုးရမှာ ရည်ရွယ်ချက် တစ်ပုံတစ်ပင်နဲ့ပါ။ ပြည်တွင်းပြည်ပက တောင်းဆိုနေကြတဲ့ နိုင်ငံရေးအကျဉ်းသား ၂၀၀၀ ကျော် လွှတ်ပေးရေး၊ လက်နက်ကိုင် တိုင်းရင်းသားအဖွဲ့တွေနဲ့ တွေ့ဆုံစကားပြောရေး၊ မြစ်ဆုံရေကာတာ ဆက်မလုပ်ဖို့နဲ့ ဧရာဝတီမြစ်ထိန်းသိမ်းရေး စတဲ့ လူပြောသူပြောများလွန်းနေတဲ့ အရေးတကြီး ကိစ္စရပ်တွေကို တစ်ဘက်မှာ ဒေါ်စုကို ကြေညာချက်ထုတ် ချွေးသိပ်ထားပြီး ကြံ့ဖွံ့အစိုးရရဲ့ နိုင်ငံရေးမောင်းနှင်ရာ နေပြည်တော်လွှတ်တော်ကနေ ဟော့ရှော့ခ်ဖြစ်နေတဲ့ ဒီကိစ္စ ၃ ခုကို မဲဆန္ဒရှင်များ အကြိုက်ဆိုပြီး တဖောင်းဖောင်း တဒိန်းဒိန်း ပစ်လွှတ်ဖို့ အလားအလာတွေ့ ရပါတယ်။
ပြည်သူ့ဆန္ဒကို လွှတ်တော်ကြီးက အကောင်အထည် ဖော်လေသတည်း ဆိုပြီး လွှတ်တော်ထဲက တိုင်းရင်းသားပါတီတွေ၊ ဒီမိုကရက်တစ်ပါတီတွေနဲ့ အာဏာရပါတီတို့ ရောကြိတ်သမမွှေကြမယ့် သဘောပါ။ ကြံ့ဖွံ့ပါတီမဟုတ်တဲ့ လွှတ်တော်ထဲက ကျန်အင်အားစုတွေရဲ့ စွမ်းဆောင်ချက်က ဟောဒီလို အားရစရာပါဆိုပြီး လုပ်ပြပါလိမ့်မယ်။ တကယ်တော့ ၂၀၀၈ ဖွဲ့စည်းပုံဥပဒေနဲ့ စခန်းသွားတဲ့ နေပြည်တော် လွှတ်တော်နိုင်ငံရေးရဲ့ အလုပ်ဖြစ်နေပုံ၊ ရွေးကောက်ပွဲ နိုင်ငံရေးရဲ့ အကျိုးဆက်ကြောင့် နိုင်ငံရေးအကျဉ်းသားတွေ လွတ်ပြီ၊ စစ်ပွဲတွေ ရပ်ပြီ၊ မြစ်ဆုံဆည် တည်ဆောက်ရေး ဆက်မလုပ်ဖြစ်တော့ဘူး.. ဆိုတာကို စစ်အစိုးရရဲ့ ရွေးကောက်ပွဲကို No လုပ်ခဲ့ကြတဲ့ အင်အားစု အားလုံးအပြင် နိုင်ငံတကာကိုပါ မြှူဆွယ်ဖြားယောင်းမယ့် သဘောပါ။ ဒေါ်စုအနေနဲ့ ရွေးကောက်ပွဲ အ၀န်းအ၀ိုင်းထဲ ၀င်ရောက်ဖို့  စဉ်းစားတဲ့အခါ အနည်းငယ်အဖုအထစ်ဖြစ်နေတဲ့ NLD ထဲက သဘောထား တင်းမာတဲ့အုပ်စုနဲ့ လူထုအုံကြွမှုနည်းနဲ့ အစိုးရကို ဖြုတ်ချရမယ်လို့ စဉ်းစားထားကြတဲ့သူတွေကို ဒေါ်စုကိုယ်စား နေပြည်တော်ကဖွဲ့ ဆို တင်ဆက်ပေးမယ့် ပုံမျိုးလုပ်တာပါ။
ဒေါ်အောင်ဆန်းစုကြည်နဲ့ ဦးအောင်ကြည် ဘာစကားတွေပြောကြသလဲ ကျွန်တော်တို့ မသိရပါဘူး။ ဒေါ်စုက NLD ဗဟိုအစည်းအဝေးမှာ ပြောပြခဲ့တယ်လို့ ကြားရပေမယ့် ဦးဥာဏ်ဝင်းက ဒါကိုလည်း ထုတ်ဖော်မပြောနိုင်ပါလို့ အင်တာဗျူးတစ်ခုမှာ ပြောသွားတာကြောင့် လောလောဆယ်သိဖို့ လမ်းစမရှိတော့ပါဘူး။ အားလုံးဟာ ထိပ်တန်းလျိူ့ဝှက်ချက်တွေ ဖြစ်နေပါတယ်။ အဖြေတိတိကျကျ မရသေးလို့ ကျွန်မပြောလို့ မရသေးဘူးလို့ ဒေါ်စု ပဲခူးခရီးစဉ်မှာ ပြောသွားတဲ့အတွက် အစိုးရသတင်းစာက ထုတ်ပြန်သလောက်ဘဲ သိကြရဦးမှာပါ။ ဒီလိုမျိုး အထိမ်မ၀ှက်တွေနဲ့ ဆက်သွားးနေမယ်ဆိုရင် အစိုးရနဲ့ ဒေါ်အောင်ဆန်းစုကြည်တို့ရဲ့ တွေ့ဆုံမှု အခန်းဆက်ကို လူထုအနေနဲ့ စိတ်အချဉ်ပေါက်လာဖို့ ရှိပါတယ်။ လက်ခုပ်သံတွေ တိုးတိတ်သွားဖို့  ရှိပါတယ်။
ဒေါ်စုနဲ့ NLDကို အချိုသတ်ထားပြီး အစိုးရအနေနဲ့ တစ်ဘက်မှာ သူတို့အဓိကထားတဲ့ လွှတ်တော်နိုင်ငံရေးကို အနှောက်အယှက် ကင်းကင်းနဲ့ ရုပ်လုံးကြွလာအောင် အခုအချိန်မှာ ထုဆစ်ပုံဖော်ပါတော့မယ်။ ကျွန်တော်တို့က ဟိုဘက်ကို ငေးမော၊ ဒီဘက်ကို ထောက်ခံနဲ့ ကျွန်တော်တို့ မကြိုက်တဲ့ ကြံ့ဖွံ့အစိုးရရဲ့ နူးညံ့တဲ့ လက်သီးထိုးချက်တွေကို ထုံပေပေခံရတော့မယ့် ပုံပါဘဲ။ အခုတောင် ကျွန်တော့်ကို မေးနေကြပြီလေ။
ဒေါ်အောင်ဆန်းစုကြည်ကို ကျွန်တော် ဆက်ပြီးထောက်ခံနေဦးမှာပါ။ ကျွန်တော့် နိုင်ငံရေးဖီလင်က ဒေါ်စုဆီမှာဘဲ ကိန်းဝပ်လျက်ပါ။ ဒီခေတ်နိုင်ငံရေးမှာ ဒေါ်စုက လွဲရင် ထောက်ခံဖို့ ကောင်းတဲ့သူ မတွေ့သေးလို့ ဒေါ်စုကို ဆက်ချစ်ပါရစေ။

အောင်မျိုးထွန်း
၁၆- ၈- ၂၀၁၁

http://www.demowaiyan.co.cc/2011/08/blog-post_7847.html

မှကူးယူတင်ပြသည်။

MAUNG NE WIN

ဒေါ်အောင်ဆန်းစုကြည်၏်ဧရာဝတီအတွက် ပန်ကြားချက်

http://xa.yimg.com/kq/groups/21322972/472774764/name/Irrawaddy

MAUNG NE WIN

2011.8.8(၂၃)နှစ်ပြည့် ရှစ်လေးလုံး ဒီမိုကရေစီ အရေးတော်ပုံ ချီတက် ဆန္ဒပြပွဲနှင့်BRSA

တိုကျိုတွင် ကျင်းပပြုလုပ်သည့် (၂၃)နှစ်ပြည့် ရှစ်လေးလုံး ဒီမိုကရေစီ အရေးတော်ပုံ
နှစ်ပတ်လည်နေ့ အထိမ်းအမှတ် ချီတက် ဆန္ဒပြပွဲ
အခမ်းအနားနှင့်BRSA




မှတ်တမ်းဓါတ်ပုံ ။ MAUNG NE WIN