၂၀၁၄ အာဆီယံ အလှည့်ကျဥက္ကဋ္ဌအဖြစ် တာဝန်ယူရန် မြန်မာနိုင်ငံ၏ ကြိုးပမ်းမှုကို အာဆီယံခေါင်းဆောင်များ သဘောတူညီ လိုက်ပြီဖြစ်ကြောင်း နိုင်ငံတော်သမ္မတ၏ အကြံပေး အဖွဲ့ခေါင်းဆောင် ဦးကိုကိုလှိုင်က ဘာလီ၌ပြောကြားခဲ့သည်
အဆိုပါ သဘောတူညီချက်ကို နိုဝင်ဘာလ ၁၇ရက်နေ့ မွန်းလွဲပိုင်းအချိန်က ပြုလုပ်ခဲ့ သော အာဆီယံထိပ်သီးမျက်နှာစုံညီ အစည်းအဝေးတွင် အာဆီယံနိုင်ငံ (၁၀)နိုင်ငံမှခေါင်းဆောင်များက သဘောတူခဲ့ကြခြင်း ဖြစ်ကြောင်း သိရပါသည်။
မြန်မာနိုင်ငံကို ၂၀၁၄ ဥက္ကဋ္ဌတာန်ပေးအပ်ရန်အာဆီယံခေါင်းဆောင်များသဘောတူညီခဲ့မှုကို အမျိုးသားဒီမိုကရေစီအဖွဲ့ချုပ်ကကြိုဆိုလိုက်ကြောင်း အဖွဲ့ချုပ်ပြောခွင့်ရပုဂိလ် ဦးဥာဏ်ဝင်းက ပြောကြားခဲ့သည်ဟု ရိုက်တာသတင်းဌာနကဖော်ပြသည်။ယခုဆုံးဖြတ်ချက်သည် မြန်မာအစိုးရ ပြုပြင်ပြောင်းလဲရေးများ မဖြစ်မနေ အရှိန်အဟုန်မြင့်ရန် တွန်းအားပေးမှုတစ်ခုဖြစ်ကြောင်း သုံးသပ်ပြောကြား ခဲ့သည်ဟုသိရသည်။
" ၂၀၁၄မှာ မြန်မာနိုင်ငံက အာဆီယံဥက္ကဋ္ဌ ဖြစ်ပါပြီ။ အာဆီယံခေါင်းဆောင်တွေက သဘောတူခဲ့တယ်လို့ နိုင်ငံခြားရေးဝန်ကြီးက ကျွန်တော့်ကို ပြောပါတယ်။ တရားဝင်ကြေညာမှုကိုတော့ အာဆီယံခေါင်းဆောင်တွေက ပြောပါလိမ့်မယ်"ဟု နိုင်ငံတော်သမ္မတ၏ အကြံပေးအဖွဲ့ ခေါင်းဆောင် ဦးကိုကိုလှိုင်က သတင်းထောက်များကို ပြောကြားခဲ့ပါသည်။
ထို့အပြင် ယခုကဲ့သို့ အာဆီယံဥက္ကဋ္ဌ တာဝန် ရရှိခဲ့ခြင်းသည် အစိုးရအဖွဲ့က ရရှိလိုက်ခြင်းမဟုတ်ဘဲ မြန်မာပြည်သူလူထုနှင့် မြန်မာနိုင်ငံကြီးတစ်ခုလုံးက ရရှိလိုက်ခြင်း ဖြစ်ကြောင်း ဆက်လက်ပြောကြားခဲ့ပါသည်။
၂၀၁၄ ခုနှစ် တွင် အာဆီယံ ဥက္ကဋ္ဌနေရာကိုမြန်မာနိုင်ငံကတာဝန် ယူရန် အာဆီယံခေါင်းဆောင်များ က သဘောတူညီခဲ့ကြကြောင်း အင်ဒိုနီးရှားနိုင်ငံခြားရေးဝန်ကြီး မာတီနာတာလီဂါဝါက နိုဝင်ဘာ လ ၁၇ ရက် ဒေသစံ တော်ချိန် ညနေ ၅ နာရီ ခန့်တွင် ပြုလုပ်သည့် သတင်းစာရှင်းလင်းပွဲတွင် ထပ်မံအတည် ပြုခဲ့သည်။
''အာဆီယံနိုင်ငံခြားရေးဝန် ကြီးတွေဆီက အဆိုပြုချက်ကိုရရှိ တဲ့ အာဆီယံခေါင်းဆောင်များဟာ တရားဝင်သူတို့ရဲ့အမြင်တွေကို ထုတ် ဖော်ခဲ့ကြပြီးတဲ့နောက် မြန်မာနိုင်ငံ ကို ၂၀၁၄ ခုနှစ် အာဆီယံဥက္ကဋ္ဌ နေရာပေးဖို့ သဘောတူညီမှုရခဲ့ပါ တယ်''ဟု နာတာလီဂါဝါကပြော ကြားခဲ့သည်။''ဒီကနေ့တွေ့ဆုံဆွေးနွေးကြ ရာမှာ ခေါင်းဆောင်တွေ အားလုံးက မြန်မာနိုင်ငံရဲ့ ထင်သာမြင်သာတဲ့ အပြောင်းအလဲနဲ့ ဖွံ့ဖြိုးမှုတွေနဲ့ပတ် သက်ပြီး သဘောတူခဲ့ကြတယ်လို့ ကျွန်တော်ထင်ပါတယ်။ဒီအပြောင်း အလဲတွေက မြန်မာနိုင်ငံ ဥက္ကဋ္ဌ နေရာယူဖို့အတွက်ပိုပြီးအဆင်ပြေ စေပါတယ်။ဒါပေမဲ့ အဓိက အထောက်အကူပြုတဲ့အချက်က တော့ ဒီကိစ္စဟာ အတိတ်ကိစ္စမ ဟုတ်ဘဲအနာဂတ်ရဲ့ကိစ္စဖြစ်နေတာ ပါပဲ''ဟု နာတာလီဂါဝါကပြောကြား ခဲ့သည်။
''ခေါင်းဆောင်တွေက အခု အခါ မှ မြန်မာနိုင်ငံကို ၂၀၁၄ အာ ဆီယံဥက္ကဋ္ဌနေရာ အတည်ပြုပေး လိုက်ခြင်းအားဖြင့် ဒီအတွက် အပြောင်းအလဲတွေလုပ်ဖို့ရာမှာ သေချာစေဖို့ကျွန်တော်တို့ကြိုးစား သွားပါမယ်။ဒီအရှိန်အဟုန်ကို ဆက် ထိန်းရပါမယ်။ ဒီဖြစ် လတ္တံ့သောအခြေအနေဟာ မြန်မာ နိုင်ငံကို နိုင်ငံတကာအာရုံစိုက်ခံရ စေဖို့၊နိုင်ငံတကာရဲ့မျှော်လင့်ခြင်းခံ ရစေဖို့၊အထူးသဖြင့် လူထုတစ်ရပ် လုံးရဲ့မျှော်လင့်ခြင်းခံရစေဖို့ တစ် ခြားဆုံးဖြတ်ချက်တွေထက်အရေး ပါတယ်လို့ အင်ဒိုနီးရှားနိုင်ငံက ယုံ ကြည်ပါတယ်''ဟု ပြောကြားခဲ့ သည်။
ယင်းအပြင် ၂၀၁၅ တွင် အာဆီယံအသိုက်အမြုံ (ASEAN COMMUNITY) ကို ဖန်တီးရေး ရည် မှန်းထားရာ မြန်မာနိုင်ငံအနေဖြင့် ထပ်ဆောင်း တာဝန်ယူမှုများရှိလာ မည်ဖြစ်ကြောင်း၊အာဆီယံဥက္ကဋ္ဌ နေရာအတွက် ပြင်ဆင်ရန်ရှိသည်များမှာ ရုပ်ပိုင်းဆိုင်ရာအခြေခံအဆောက်အအုံများထက်ပိုလွန်ကြောင်း နာတာလီဂါဝါကပြောကြားခဲ့သည်။
မြန်မာနိုင်ငံအား ၂၀၁၄ခုနှစ် အာဆီယံဥက္ကဌ အလှည့်ကျတာဝန်အတွက် အာဆီယံ ခေါင်းဆောင်များက သဘောတူလိုက်ခြင်းကို ပြန်ကြားရေးဝန်ကြီးဌာနနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးကျော်ဆန်းက သတင်းထောက်များကို ပြောဆိုခဲ့ပြီး ထိုသို့ရရှိလိုက်ခြင်းအတွက် နိုင်ငံတကာနှင့် ပူးပေါင်းဆောင်ရွက်သည့် လုပ်ငန်းများတွင် ပိုမိုကျယ်ပြန့်စွာ ပါဝင်လုပ်ကိုင် ဆောင်ရွက်နိုင်မည် ဖြစ်ကြောင်း ပြောကြားခဲ့ပါသည်။
"အခု ၂၀၁၄မှာ အာဆီယံဥက္ကဋ္ဌရာထူးအတွက် အားလုံးက သဘောတူလိုက်ပြီ ဖြစ်ပါတယ်။ အခုလို အာဆီယံဥက္ကဋ္ဌရာထူးကို ထမ်းဆောင် တယ်ဆိုတာဟာ မြန်မာနိုင်ငံဟာလည်းပဲ အာဆီယံအဖွဲ့ဝင်နိုင်ငံ တစ်ခုဖြစ်ပြီးတော့ မိမိတို့မှာလည်း တာဝန်ရှိပါတယ်။ အဲဒီတော့ မြန်မာနိုင်ငံက တာဝန်သိတတ်တဲ့ အနေနဲ့ ဒီတာဝန်ကို ထမ်းဆောင်ခွင့်ရတာဟာ ၀မ်းသာစရာပါ။ ဒါ့အပြင် ဒီလိုထမ်းဆောင်ခွင့် ရတာဟာ ဒေသတွင်းမှာ ပူးပေါင်းဆောင်ရွက်တဲ့ လုပ်ငန်းတွေမှာရော၊ နိုင်ငံတကာမှာ ပူးပေါင်း ဆောင်ရွက်တဲ့ လုပ်ငန်းတွေမှာပါ မြန်မာနိုင်ငံက ပိုမိုပြီးတော့ ကျယ်ကျယ်ပြန့်ပြန့် ပါဝင်လုပ်ကိုင်ဆောင်ရွက်လို့ ရမှာပါ"ဟု ပြန်ကြားရေးဝန်ကြီးဌာနနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး ဦးကျော်ဆန်းက သတင်းထောက်များကို ပြောကြားခဲ့ပါသည်။
"တကယ်တန်း မြန်မာနိုင်ငံက အာဆီယံဥက္ကဋ္ဌရာထူးကို ရလိုက်တယ်ဆိုတာ မြန်မာ အစိုးရက ရတာမဟုတ်ပါဘူး။ မြန်မာပြည်သူလူထုနဲ့ မြန်မာအစိုးရနဲ့ မြန်မာနိုင်ငံကြီး တစ်ခုလုံးက ရလိုက်တာ ဖြစ်ပါတယ်။ အဲဒီအတွက် ကျွန်တော်တို့ အများကြီးပဲ ဂုဏ်ယူပါတယ်"ဟု ဦးကိုကိုလှိုင်က ဆက်လက်ပြောကြားခဲ့သည်။
အာဆီယံဥက္ကဋ္ဌ တာဝန်ရရှိရှိခဲ့ခြင်းနှင့် ပတ်သက်၍ နိုင်ငံတော်သမ္မတ ဦးသိန်းစိန်က အာလုံးဝိုင်းဝန်ကြိုးစားရန် ပြောဆိုကြောင်းလည်း ဦးကိုကိုလှိုင်က ပြောပါသည်။"သမ္မတကြီးကတော့ ဒီဥစ္စာ တာဝန်တွေပိုကြီးလာပြီပေါ့။ အားလုံးပိုပြီး ကြိုးစားလုပ်ကြဖို့ လိုတယ်လို့ ပြောပါတယ်"ဟု ဦးကိုကိုလှိုင်က ပြောပါသည်။မြန်မာနိုင်ငံအနေဖြင့် ပြုပြင်ပြောင်းလဲမှုများကို လုပ်ဆောင်နေပြီဖြစ်ကြောင်းကိုလည်း ပြည်ထောင်စုဝန်ကြီး ဦးကျော်ဆန်းက ပြောပါသည်။"ဒီနေ့ မြန်မာနိုင်ငံမှာ နိုင်ငံရေးအရ အသွင်သဏ္ဍာန်ရော အနှစ်သာရပါ အများကြီး ပြောင်းနေတယ်။ အသွင်သဏ္ဍာန်အရ ကြည့်ရင် တပ်မတော်အစိုးရကနေပြီးတော့မှ ဒီမိုကရေစီအစိုးရ ဖြစ်ခဲ့တယ်။ အနှစ်သာရ အားဖြင့် ကြည့်ရင် ဟိုးအရင်တုန်းက အမိန့်အာဏာနဲ့ အုပ်ချုပ်ခဲ့တယ်။ ယနေ့အခါမှာ အခြေခံဥပဒေနဲ့ အုပ်ချုပ်တယ်။ အခြေခံဥပဒေနဲ့ အညီ ပေါ်ပေါက် တည်ဆောက်ပြီးဖြစ်တဲ့ လွှတ်တော်တွေ အစိုးရအဖွဲ့တွေ၊တရားစီရင်ရေး အဖွဲ့တွေကို ဖွဲ့စည်း ပေးပြီးတော့ ကနေ့အခါမှာ ဒီမိုကရေစီဖောင်ဆောင်ရေး၊ လူ့အခွင့်အရေး၊ အမျိုးသားစည်းလုံးညီညွတ်ရေး၊ တိုင်းပြည်ဖွံ့ဖြိုးတိုးတက်ရေး အားလုံးကို ကျယ်ကျယ်ပြန့်ပြန့်ကို ပြုပြင်ပြောင်းလဲ ပြီးတော့ ဆောင်ရွက်နေတယ်"ဟု ဦးကျော်ဆန်းက သတင်းထောက်များကို ပြောခဲ့ပါသည်။
အာဆီယံဥက္ကဋ္ဌရာထူးကို ထမ်းဆောင်ရင်း ဒီမိုကရေစီစနစ်၊ ဈေးကွက်စီးပွားရေးစနစ်များနှင့် အညီ ဆောင်ရွက်ပါက မကြာမီအချိန်တွင် မြန်မာနိုင်ငံမှာ ပြည်တွင်းပြည်ပနှင့် သဟဇာတဖြစ်သော နိုင်ငံတစ်နိုင်ငံ ဖြစ်လာမည်ဟု ဦးကျော်ဆန်းက ဆက်လက်ပြောကြားခဲ့သည်။"အာဆီယံဥက္ကဋ္ဌ ရာထူးလည်း တစ်ဖက်က ဆောင်ရွက်မယ်။ တစ်ဖက်ကလည်း တိုင်းပြည်ကို ဒီမိုကရေစီ စနစ်နဲ့အညီ ဈေးကွက်စီးပွားရေးစနစ်နဲ့အညီ အဲဒီလို ကျယ်ကျယ်ပြန့်ပြန့် ပြောင်းလဲပြီးတော့ ဆောင်ရွက်သွားမယ်ဆိုရင် မြန်မာနိုင်ငံဟာ မကြာတဲ့ကာလအတွင်းမှာ ပွင့်ပွင့်လင်းလင်းရှိတဲ့ ဒီမိုကရေစီ ဖွံ့ဖြိုးတိုးတက်တဲ့ နိုင်ငံတကာနဲ့ရော ကိုယ့်ပြည်တွင်းမှာပါ သဟဇာတဖြစ်တဲ့ နိုင်ငံတစ်ခု ဖြစ်လာမှာပါ"ဟု ဦးကျော်ဆန်းက ပြောကြားခဲ့ပါသည်။
သမတ သိန်းစိန်ရဲ့ အကြံပေးအဖွဲ့ခေါင်းဆောင် ဦးကိုကိုလှိုင်Eleven Media Group
မှကူးယူတင်ပြသည်
Posted by MAUNG NE WIN
၂၀၁၀ ခုနှစ် နိုဝင်ဘာလ ၁၃ ရက်နေ့ ညနေက ဒေါ်အောင်ဆန်းစုကြည် နေအိမ်အကျယ်ချုပ်မှ လွတ်မြောက်လာပြီးနောက် ကြိုဆိုနေသူများကို နေအိမ်ခြံတံခါးမှ လက်ဝှေ့ရမ်း နှုတ်ဆက်နေစဉ်။
